ماتخيّرت .. حب الخيل .. ورث الجدود

[اصايل]

ماتخيّرت .. حب الخيل .. ورث الجدود

حيّ ورثٍ يرد النفس لجدودهـا الولع شين .. ياراع الولع لاتكود روحك اللّي تقود المجد ويقودها ماتخيّرت .. حب الخيل .. ورث الجدود حيّ ورثٍ يرد النفس لجدودهـا ماتقل قلبك العليا عليها ورود وماتقل عقبك البيضى على حدودها قالوا إنك عشقت الخيل والخيل خود عشقها يستبيح الروح ويكودهـا مهرتك في تعجرفها تحدى الحسود لوله ألفين عين ٍ ماحوى زودهـا فلوة الشمس ترفه .. وين عنها الصدود حي ماها ومجناها .. ومولودهــا سرجها الريح ويديها سراديب نود ونار قرم معارفها من وقودهـا وخصرها للغواني مثل خصر العنود وجيدها جيد جادل .. ليّن عودهـا سيندريلا العوادي .. مالها بالوجود كفو .. إلا أنت سيدها ومحسودهـا كنها من غلاها بالمحاني ترود تصطفق في ضلوعٍي .. وتبرق رعودهـا كن عينك لها سِيدَه .. ورموشك حشود لا انثنت شفت قلبك زمّ بعضودهـا منوة اللّي يبي طرد السهل والنفود فارس ٍ تحتميه الناس ويذودهـــا ركضها .. واذكر الله .. ركض ريم ٍ شرود مخطر ٍ من حوافرها .. على خدودهــا كنها تدري إنك في هواها ورود فلوةٍ تقل طفله .. حلو جحودهــا اذكر الله عليها عن عيون الحسود من حدود البياض .. لمنتهى سودهـا مما رآآآق لــــي

اللحالي الغيداني معجب بهذا

[اللحالي]

الله يسلمك يالاميره اصايل حرب
هذولي لعيبات اللواعيب بكل حال


اذكر الله وأهلّل واذكر ألله وأزود
كلّ ماشفت هالانواع واشكالها

يلعبنّ بخيالي مثل لعب الوغود
كلّ . ماتنفض المهرات بأذيالها

اصايل معجب بهذا

[اصايل]

صح لسانك ياعمي
اسعدني مرورك الله يسعدك
كل التقدير والاحترام

اللحالي الغيداني معجب بهذا

[رجآوي]

أنا بهالموضوع حسيتني بعالم ثاني

صحّ كلك يا أصايل وجعلك سالمه دوم

اصايل معجب بهذا

[اصايل]

هههههه يسعدك ربي

شفتي كيف

منوره يالغلا

رجآوي معجب بهذا