إضافة رد
 
أدوات الموضوع انواع عرض الموضوع
قديم 02-07-2018, 06:38 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي البرق

ا‏​لــبـرق....لـعـيون الـمـولّع مـنـاديب
والـبـيد..لأقــدام الـخـلاوي ركـايـب

وأرواحـنـا لـهـموم بـقعاء.. مـعازيب
ومــعـزب. الأرواح قــبـر ونـصـايب

سـبحان مـن يخفي عن العالم الغيب
وخـلّ الـوعد مـع نـازع الروح غايب

كـلن يـسوق الـرجل ويـروح ويجيب
أحــدن يـجيب بـسلم واحـدن نـهايب

أحـدن يـجيب الـفود والـعز والطيب
واحــدن. يـذلـه كــل مـاكـان جـايب

ومـن لاستر وجهه عن الذل والعيب
مـاعـاد يـلـقى؛ لـذلّ وجـهه طـبايب

ومن لاحمى وجهه قبل طلعة الشيب
مـحدن يـعوضه وجـه لاصـار شـايب

ولاصـار ذكرك فوق. روس المراقيب
خـلك عـلى دربك ترى الدرب صايب

اتـصير في عيون النشاما. كما الذيب
وفـي عيون عدوانك عطيب الضرايب

مـوت الـفتى بـالمرهفات المحاديب
أخـيـر مـن حـيٍ مـع الـناس خـايب

مــوتـن تـبـاكاله عـيـون الأجـانـيب
ولاعـيـشةٍ تـدعـي عـلـيها الـقرايب

و الـلي نـفوسن مـاتروم الـمواجيب
و الــلـي يــديـنٍ..مـاتـسد الـنـوايب

عـذرالـردي مـاكل من يجهد مصيب
عــود الـحـماطه كـاسـرته. الـهبايب

مـايخلف. الـهقوه اطـوال الأشـانيب
صـحيح مـن قـال الـمراجل وهـايب

يربى على الشاهوق عكف المخاليب
و الا الـوطـى يـربـاه بـوم الـخرايب

مـن راقـب الـعالم يشوف التعاجيب
ومـن طـاول الـدنيا يشوف الغرايب

غـيـر الـنـبي مـحـدن بـليا عـذاريب
وكـلن عـلى الـثاني سـيوله جـذايب

مـا كـامل إلا وجـه جـزل الـتواهيب
ولا رابـح إلا الـلي مـن الـذنب تايب

كـلـن ذنـوبه تـغرق الـكم و الـجيب
وكـلـن عـليه امـن الـليالي مـصايب

لـيه الـحسد والـغل والشك والريب
ولـيـه الـقـطيعة وانـدلاع الـحرايب

يـولـّد الأحـقـاد. شــذب الـعـراقيب
و الـحـقد سـمـن فـالـمعاليق ذايـب

شـرارتـن. مـن مـلحقين الـمشاهيب
مــن نـاشته خـلت ضـلوعه حـطايب

يـومون بـالأمواس مـثل القصاصيب
ذنـبـن يـوقف مـنه قـطر الـسحايب

لـعل مـن يـفرح بـشيل الـمشاعيب
ويـصير فـي فـرقى الرفاقه سبايب

تـقطع عـراويه مـن الـرزق والصيب
ويــمـوت مـاتـنظر عـيـونه حـبـايب

هــذا بـعض مـا عـلمتني الـتجاريب
الـلـي مــن الأيــام جـتـني جـلايب

مـاكامل ألا وجـه مـن يـعلم الـغيب
ولارابـح ألا الـلي عـن الـذنب تـايب

الشاعر خـــــالـــــد الـــــدوســــري
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
البرق لاح معيض الضعيني عذب القوافي 10 10-21-2014 01:48 AM


الساعة الآن 08:46 PM