08-28-2014, 06:55 AM
|
#1 | |
|
مالك الموقع
تاريخ التسجيل: May 2014
المشاركات: 6,511
|
السّهوم الطّايشه
كتب اللحالي = وين انت ياللي ماعليك من السهوم الطايشه=لوشفت من بعض الاوادم بالميادين اخمشي ياكثر ماشوف الاوادم في وطـنهـا عايـشه=لاشك كلٍّ في تجاه الغير جـشّـه مـنـحـشـي = = اقتباس:
كتب اللحالي = يا مستميلي بالوفاء يا مرتشف رشايشه=عطني علومك واضحاتٍ ما عليهنّ غطشي تـراي أبـي منـك أتعلـم بالّليال الـدايشـه=في حزر مدّ البحر ماني عارفٍ كيف طوشي = = هنا توقّف الأخ عاشق الوفاء عن تكملة المحاورة مع الّلحالي بعض الوقت فكتب الّلحالي بيتين جديدة اللحالي = الماءنـشـف في قاع بطن الـبـيـرعن عطايشه=واناتـلـقّـيـت اللواهب مـستـبد(ن)بـعـطـشي واللي يـقـول انّه لقى البدله وضـيّـع قـايـشـه=ماني مفتّش في عشاعيشه ولاله بعششي = = ردّ أبو عبد العزيز : فهد عيسى المحمدي = الراس به عقل ويشوش امع العقول الشايشه=والقاف يرزم مثل سحباً برقها تمرهشي ياالحالي اللعبه دبل ولاتراها كايشه=دبل حرافه نلعبه ونكان فاللعب بطشي يابادي القاف العذي جتك القوافي غايشه=بيض القوافي ماتصل للمخاصم وقضب اشوشي = = كتب اللحالي = ياللي تـعـرف الـوجـه لـيـامـنّـه بـعث بشايشه=وقام ايتدفّق مثل عذب النهر ماهـوب قـطشي كـرامـتـه لـلـي يـضـيـفـه مـن جـزل حـوايـشه=ماهو على ماينطق الشّامي بتقديم آي أشي = = ردّ أبو عبد العزيز : فهد عيسى المحمدي = العلم يصعب والمواقف للاسود الهايشه=على العلوم الطيبه مابه تخاذل وطنشي الشام دمه ينزف وجتنا منه طرايشه=بعض العرب لاشاف له لوناً حمر طاح مغشي = = كتب اللحالي = اشـوفـلي بـرجٍ مـشـيّـد فـاتـحـه درايـشه=وبمدخله مثل الجبل قمحٍ وشوال يحشي مدري من اللي مجبره يصبر على بلايشه=لاينطق لسانه ولا بالعين يـقـدر يـرمـشي = = ردّ أبو عبد العزيز : فهد عيسى المحمدي = نرقا الجبل وابو عرايش خله بعرايشه=قول الحقيقه واضحه مافيه دوشه وادوشي الوقت يالحالي حلاه بحالةٍ متلايشه=الطيب راع الطيب ماعمره تسمع للوشي = كتب اللحالي = والله لـو اشـوف ان نفـسي بالهـواجس جايشه=انّـي لاصـوّت للـدّكاتـر قـبـل سـدّي يـنـفـشي قواسي الوقت القسي ماهي مثل هشايشه=فيه استباقات الوشايه تفـحـم اللي حـربـشي = ردّ أبو عبد العزيز : فهد عيسى المحمدي = شهب السنين اللي لفت يم الاوادم كايشه=سهومها بين الصواب وطايش وبين كرشي بعض العرب يصيبها والبعض ماهو نايشه=ياكثر ناساً واقفه وعظامهم جاها رعشي = = كتب اللحالي = مرعـوشةٍ يـوم الـهـبـيـش يهبّش ابهابايشه=والـيـوم ويـنه لجل لرعاع الرّعايش يهبشي الفـكر وقـت الـيـوم يـامـكـثـرسبب طلايشه=ماهوب في وقت اجذب الماء بالدّلي وبالرشي = = ردّ أبو عبد العزيز : فهد عيسى المحمدي = عظم الهشاش ايات طيحه بينت هشايشه=واللي جزع من ماقفه ماودنا له نبلشي صم الصخر فيه القوافي زينة نقايشه=والعلم ماحداً يجهله للجاحظ ولا الاعمشي = = كتب اللحالي = اللي بـلا رجـلـيـن يـمـشي قلت ماني نايشه=يمشي صحيح السّيروإلاّفي تمشّاي همشي الـطّـيـريـومـنّـه كـمــل ريـشـه ترك عشايشه=وانا مانيب اقول مـثل اللي يـقـلون احـبـشي =
__________________
لا إله إلا أنت سبحانك إنّي كنت من الظّالمين |
|
|
|
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض الشجري