تسرّ البال وتشوقه

[اللحالي]

‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
يـابـو ولـيـد الـكــلام انـقــاد طـاروقــه = وسمـتـه بـأوقـه وفــي آخـــره آشـــي

بالرّحلـه الّـلـي تـسـرّ الـبـال وتشـوقـه = بديتـهـا مــن عنـيـزه للـحـفـر مـاشــي

على الشّفر مـع طريـق القـار برفوقـه = لكـن يـبـوج الطّـريـق ويـبـرد الجـاشـي

بالمركـب الّلـي مريّحنـي وأنـا أسـوقـه = ليا صار لـه مـع طويـل الخـطّ تهواشـي

ملفاي رجلٍ عجزت أوفـي لـه حقوقـه = ذاك الضّعيني معيض بقصـد مطراشـي

مــع جــزل كرامـتـه سمـاحـة وفـوقــه = حلـو النّبـا والكـرم للجـزل معطـاشـي

ومـن يـدرك الأوّلـه يـا مصعـب لحـوقـه = واخوانـه أهـل الكـرم ووجيـهٍ بشاشـي

ومواجـهـة صـالـح الغـانـم ومنـطـوقـه = معهـم جزيـل الوفـاء للطّيـب حوّاشـي

يـا حـيّ والله رجـال الطّيـب وطروقـه = ميراث جـزل الكـرم مـا بـه تغشغاشـي

يـا حـروب ميراثكـم يـا مجـزل عموقـه = مـن منبـع أجدادكـم ماشيـن بالنّـاشـي

والله لـو أبـشـرح التّفصـيـل بسيـوقـه = ليطول وقتـي وانـا بالشّـرح متماشـي

مـيـر اختـصـرت بـكـلامٍ أقــدر لـحـوقـه = في مختصر ما يجي لـي فيـه منواشـي

ومـن عندكـم رحـت للوبّـال مـع نـوقـه = بأطـراف لينـه يقافدهـن مـع الحاشـي

وأنكفت من صاحبي في مقتبـل ذوقـه = مستاسعٍ خاطره فـي ذيـك الأدشاشـي

في وقت قد أصرم من العشب زملوقه = أقبل عليه المصيف وخوف الأعطاشي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎