تغريدات الشايب

[اللحالي]

بعض الظّنون اللي على الشّكّ يردنّ
يمكن يوافقني معاهن طموعي

لكن عساي اقول ذولي ماهن هنّ
ولامنهن اللي يصتحب مع سنوعي

أيوب معجب بهذا

[اللحالي]

في خاطري همسةٍ عجزت ابرمجها
وأذيعها لاتحبس الصّمت بأخلاقي
وتفجّر الصّدر من كثرة تمروجها
مع الشّرايين في قلبي وبأحداقي

[اللحالي]

أبقى مع اللي شاد خلقك من امشاج
وخلّك قوي ايمان تسعد وترتاح

ومرافقتك المؤمن بكلّ منهاج
واحذر من التّمساح لو أنت سبّاح

[اللحالي]

يافكري اللي سمعنا عنه مايستساغ
احذر تصدّق كلام الغطرسي الهبود
مايزعبون الجيوش الهايله من فراغ
تحت أسم شلّة رفض مدعومةٍ من يهود

[اللحالي]

الكرسي الوردي مع الكرسي الازرق
الكلّ منهم مع الثّاني برغباته

ألوان متخالفه لاشك ماتفرق
الشّيخ ياجوه كيره ودّه وهاته

[اللحالي]

ياعنودٍ تطلب مغازلتها بالسيوف
ميّته لكن بعث روحها قتّالها
وزعجت في عالي الصّوت من بين الصّفوف
واستشاطت حالة النّاس من موّالها

[اللحالي]

دايم الهوجاس يسري بي بليل
وفي لجوف النّوم مألقالي ملاذ
اشهد ان النّوم ياعيني بخيل
ومن بلوغ البخل صعب الأنتقاذ

خدين الليل

[اللحالي]

تجوّدوا ياللي ببطن السّفينه
ترى البحار العاتيه شرسة امواج
وبحّارة الأبحار صعبة رطينه
والعالم الله في خفيين الأوهاج

[اللحالي]

يانجد ربعينك من النّاس ضافوك
واكثرهم اللي جايّ لك من شمالك
من عقب ماهم ذامّينك ويهجوك
في قول هذا نجد شرّ ومهالك

[اللحالي]

ليه يوم اموت ماسوّيت شيّ
في سبيل الله ضدّ المغرضين

اشهد انّي ميتٍ لو كنت حيّ
دام مابي خير لليتم الدّفين