تحدي في الشعر !! اخر حرف من البيت الشعر

[ترانيم حربيه]

ضيقت صدر البوح بـعيون الأنفاس

وقـلـت الحيــآة تعــلمك بالتجــارب

يمكن أكون بـ عين الأقدار حسّآس

لــكنّي بـ عين الأمـــآني محــــآرب

اللحالي الغيداني معجب بهذا

[اللحالي]

برق السّحاب اللي مزونه مراديم
لاصارفي عاليه متمازج الضّوح

ينشاف لكن مايحدد بتقييم
لو النظر يعيد ويعيد بشبوح

[اصايل]

حبيت اصبحكم صباحٍ على الكيف
تستاهلون الطيب واجمل وروده

يطري على بالي صباح المشاريف
والورد قطرات الندى في خدوده

[ترانيم حربيه]

هات الوداع وخذ معك جرح الأيام

يمكن يكــون فـــراقنا فـــيه خيره

خذ دمعتي والحب وكبار الأحلام

وإرسم بها للشــوق لـوحه كبيره

[ابو مناحي]

هذي عقود الجواهر جات منظومه=من فكر شاعر وماهر يعشق الجزلا
ابيات شعره من الهزلات محرومه=واللي يعشق الجزاله يكره الهزلا
يسري بليلٍ تلامع بالسما نجومه=وسوق الجواهر ثمينه يعزله عزلا

[ترانيم حربيه]

اقبلت لي ب الغلا و اغراني الاهتمام

ويــوم ان قلبــي تعلق فيـك مليتني

الله يسامحــك كانك ما تعرف الحرام

حلفت لي انك ما تخليني وخليتني

[ابو مناحي]

ياكايف الدله ويامدور الكيف=من لا عرف للكيف ماكيّف الراس
يالله عساها ماتضيق المحاريف=لو ضاقت الدنيا ولو ضاقو الناس
لا واهني اللي يجر الغطاريف=متساوي بعينه رجا الوقت والياس

[ترانيم حربيه]

ســولف عشان تحلّي حروف الكلام

الكل عابر ، و انت بس . المستمـــر

لو ساد في وسط السما لون الظلام

ما يلفت انظـــار البشــر غير القــمر

[اصايل]

راقي الذوق لك في خاطري صوره
بروازهـا مـن غـرام و ذوقـهـا راقـي

عـن نظرة الناس ممنوعه ومحظوره
مـحصورة فالضلوع و داخل أعماقي

[ترانيم حربيه]

يآكثر مانخفي من أوجآع ودموع،

ويآكثر مانشكي ولآ أحد سمعنـآ
.
مأجور ياقلبٍ من الحـزن موجـوع

نوفي لهم بس .. الوفآ مآنفعنـآ