هذا الكلام وللفهايم نقوله

[اصايل]

الصبح ماهو بس شمس وعصافير
الصبح بسماتك وصوتك ونورك

يعني صباح الورد والنور والخير
مفروض ما تنقال غير بـ حضورك^^

[ترانيم حربيه]

صباح الغلا والعود الازرق ودهن العود

صباح النسيم وعطر الازهار يستاقـه

على اللي بقلبي كل لحظه غلاه يزود

صــباحه من الورد المــعطّر كذا باقــه

[ابو مناحي]

مساء صدق النوايا والقلوب شهود=مساء الاخلاص والطيبه ومايتبع
على بيض النوايا دربنا مجرود=وهذا الدرب منه النفس ماتشبع

اصايل معجب بهذا

[اصايل]

الطيب بحر ساحله ماله حدود
قاعه عميق ومتعب كل غطاس

والجود ظل في قفا الشمس ممدود
ماينعرف حده ومعناه ينقاس ♡

[ترانيم حربيه]

مَاتحمل ضيقتك واللي خلقني

ابتسمِ وافرح ولا تزعلِ عشاني

سوِ مثلي كل مَهمي خنقني

قلت يمكن حبنّي الله وابتلاني

[ابو مناحي]

علمتني كيف ادوس النار لعيونك=وعلمتك تخفي جروح القلب لعيوني
ان شفتني كم غامرت من دونك=واجب عليك تغامر مرار من دوني

اصايل معجب بهذا

[اصايل]

يفداك قلبــي والغـلا والشرايين.
وتفــداك روحــــي والمحبه تليها،

ضميتك بقلبي و سكنّتك العيــن.
ومن دون شوفك دنيتي ما أبيها،،

[ترانيم حربيه]

حيل الله اقوى مابقى في يـدي شـيّ

مـــافيـــه حــل فـي يـدي .ماذخــرتـه

حــــاولت لكن المـــحاصيل هيّ هـيّ

الـــطير طـــار ولا بقـى الا شـــجــرتـه

ابو مناحي معجب بهذا

[ابو مناحي]

بغيت انساك ياحبي ولاكني نسيت انساك=كذا النسيان ياطيبه بحقك ياهوا بالي
لياهبت هبوب النود فجأة جتني بذكراك=تقول انك ليا هالحين تسكن برجك العالي

اصايل معجب بهذا

[اصايل]

صباح الوفا والمنهج السمح والميثاق
مابين القلوب اللي تربت على الفطره

صباح النسيم الهادي البارد المنساق
اليـــا حرك الورد وتعانق معا عطره

ابو مناحي معجب بهذا