06-09-2021, 10:06 AM
|
#31 |
|
مالك الموقع
تاريخ التسجيل: May 2014
المشاركات: 6,555
|
عيني من العام ماجفت مـدامـعـهـا يالله دخيلك دموع الهجر ذبـاحـه خايف من الناس لايوصل مسامعها لا صحت بـالاه و الاهـات نـواحـه اقرا مكاتبب من عندك واراجعـهـا ماعاد لي غير القا فيـهـم الـراحـه تجيني اشـواق عـمـري واودعـهـا واودع الروح معها عطـر فـواحـه يللي مع الناس داخلها وطـالـعـهـا شف حاجة الناس خل الناس مرتاحه مـايـاخـذ الـروح الا الله صـانـعـهـا وما يسعد القلب إلا كثرة افـراحـه والا المكاتيب كاتـبـهـا و طـابـعـهـا يشرح بها جرح ويضمد بها جراحه ابو وفي العاني عشان احيان نبكي ونتألم والجروح أكبار ننام ودمعنا سايل على الخدين ماينشف كـثـيـر مـن الـزمـن شـفـنـا. و يـامـا. صـار كتمنا كل مافينا ولا يمـكـن بـشـر يـعـرف وبعض الناس تسألنا ونبدأ نختلق الأعذار ولكن السبب واضح ومـا يحـتاج لـه نحلف رماد من الحطب باقي ومع هذا تشب النار وحزن ٍ سـاكـن ٍ فينا ولا هو راضي ٍ يدلـف ومـاهـو حظ أو نـقـمـة ولكن الـزمن غـدار وش الحاجة إذا نصرخ وشويعني اذانهتف رياح وهبت بروحي وماقبل الرياح أعصار وش الباقي من أحلامي واعصارالقدرينسف أصبر روحي بروحي واقول ان الزمن دوار وانا لو جرحي اعياني تركته للصبح ينزف لو اني جيته بـعذري يقـابلـني بـعـذر مكار خطير وماهو بهين قراره دايـمـا مـجـحـف وانااللي قلبي الطيب وهو اللي قلبه الجبار وقاسي ماهو بطيب ولا لـيـن ولا مـنـصـف ابو وفي العاني من يبتعد لسنيـن مـاهـو بالـقـريـب ومن يقترب أقرب من رموش العيون يالله تقررب بين مـحبوب وحبيب وتجنب الفرقا عن اللي يعـشـقـون الحب ياسادة عـبـارة عـن نـصـيـب والـكذب تـدرونه مع اللي يلـعـبون والنار ماهـي نـار لـو مـافي لـهـيـب والشوق ماهو شوق لو ماتسهـرون والقلب لا يدعيه قلب ٍ يسـتـجـيب والروح تسرح في مـدارات الجنون والجرح له فترة يطيب أو مايطيب والجارحين بهالـزمـن مـايـرحـمـون ياشمس لونعتب على وقت المغيب مـاكان جـانـا الليل من عـدة قـرون اجنن العالم ليا سـهـمـي يـصـيـب وسهام غيري ماتصيب الا الحنون والناس ماتدري عن اخبار الـغريب وانا سألت وشفت حاله من يكون الـحـال مـاوده عـلاج ولا طـبـيـب وده يشوف اللي بغـيابه يسـألـون من عاش وعيوبه كثيرة مايـعـيب لو كان من ضمن الذي يستغفـرون أوتاب في لحظة من الذنب الرهيب والله كريـم ومـا يـصـد الـتـائـبـون والعمر غمضة عين في ليل ٍ كئيب تفتح عيونك يوم وتلاقي سـكون واللي يجيك بعلم ويودي ويجيب بكرة يجي غيرك وفـيـك يكلـمـون ياصاحبي ماكل من صاحب يخيب أحيان كـم صاحب بقلبك يسكنون يعوضوك الفـرح بـاحزان ونـحـيب واحيان صاحب بس يسوى ترليون مـاتتركه لـحـظـة ولا عنك يـغـيـب وأن غاب عنك كان حالك دون دون ياصاحبي والقلب من غيرك عطيب كل شي يهون الا انت ابدا مـاتـهـون القرب منك عيد يالصـدر الـرحـيـب والبعد غـدر وانـت تـدري مـا اخـون الله يـقـطـع دابـر الـهـجـر الـمـريـب والله يسـهـل أمـر مـن لا يـهـجـرون ابو وفي العاني مع فراقك تجمع فيني الـحـرمـان وفـارقـني رقـادي والـسـهـر عـاود وحتى العين ماتبكي على ما كان تقول الرب واحد والـعـمـر واحـد وانا حسيت روحي منبع الأحـزان يفيض الحزن فيني والحزن جاحد ليال طوال في عمري بـلا عـنـوان تمر سنين عمري و الـزمـن صـامـد يزيد الشوق والحسرة على الندمان يضيق الكون كله والنفس صـاعـد وبين جحور شوقي تسرح الديدان تلملم من شتاتـي لـقـمـة الـسـاعـد وحتى الريح في بحرالدجا حيران يشيل الموج ريحه شيلـة الـمـاجد ولي فيهم رجا ماخاب في الإنسان وفي رد العطـا يـسـتـكـثـر الـزاهـد رجاك أن خاب لا تشره على الشيطان ترى شيطان نفـسك قـبلك يـعـاهـد وفي طبع الثبات وخطوة الفرسان صهيل الخيل أقوى و القدر شـاهـد ولا خبيت راسـك من بـعـيـد يـبـان يجيك السهم طاير وان كنت قـاعد يتيم الحـال من عـايـش بـلا خـلان ودعوة عبد ماخـابـت وهـو سـاجد ودام الـروح تتـسـابـق مـع الأبـدان يسيـل الـدم مـنـهـا و الـجـمـر بـارد وميت لا صحـا في عالم الخرسـان يكلـم من وهـو في مـدفـنـه عـايد وبين القبر والـدنـيـا و عـمـر ٍ فـان تكـون الـذكـريـات ألـصـادر الـوارد ومن ينسى حياته أو نسى احيان يذكـره الـحـنـيـن الـلـي بـقـا زايـد ابو وفي العاني
__________________
لا إله إلا أنت سبحانك إنّي كنت من الظّالمين |
|
|
|
06-15-2021, 02:40 PM
|
#32 |
|
مالك الموقع
تاريخ التسجيل: May 2014
المشاركات: 6,555
|
تـسـلـل داخـل. قـلـيـبـي. بـلا. اسـتـأذان و خـلا لـه... مـكـان و ســكّـر.... أبـوابـه عـلـى خـبـري بـقـلـبـي أدمـن الـحـرمـان و انـا الـلـي مـادعـيـتـه مـدري شـجـابـه يجيك الحب و انـت بـحـالـة الـنـسـيـان يـذكـرك.. الـلـي. فـات. و أنـت ادرى بـه وتـسـرح بـالـخـيـال ويـرجـع الـلـي كـان تـحـس. انّـك وحـيـد و عـايـش. بـغـابـه تغـيب الـروح مـنـك و تـحـضـر الأحـزان و تـبـكـي لا ذكـرت الـقـلـب وش صـابـه يشيب الراس وأبـيـض قـلـبـك الـولـهـان و يـغـريـك الـوداد بـقـوة......... عـتـابـه كذا الإنـسـان مـايـعـطـف عـلـى الإنـسـان يـغـطـيـه. الـعـنـاد و يـخـفـي... صـوابـه وتمشي ساعة الوحدة عـلـى الـحـيـطـان ويكـفـيـك الـجـواب الـلـي عـلـى كـتـابـه يـروح الـصـدق عـنـد الكـاذب الـغـلـطـان و يـحـلـف. لـك كـثـيـر. بـحـلـف. كـذابـه و يـجـرحـك الـغـيـاب و حـالـة الـنـكـران و يـسـعـدك. الـحـضـور بـدقـة. حـسـابـه و يردعني ضـمـيـري و اصـبـح الـحـيـران و يـمـنـعـنـي. غـروري.. طـرد.. الـذيـابـه قـسـم.. بـالـلـه. لـو عـنـدي ثـمـان اخـوان لا أقـول.. أنـي. عـزوتـي. عـز..و مـهـابـه ولـو شـيـخ الـقـبـيـلـة يـجـمـع الـفـرسـان يـكـون الـصـف. الأول يـعـرف أصـحـابـه ولـو. كـل. الـسـيـوف. تـحـارب. الـولـدان انا سـيـفـي صـقـيـل و يـحـمـي احـبـابـه يدوس الخيل من يـهـرب مـن الـمـيـدان و انـا خـيـلـي.. تـدوس. الـذّلّ و اذنـابـه تـوكـلـنـا عـلـى الـلـه الـقـادر. الـرحـمـان و هـزمـنـا. مـن يـريـد. يـبـوق و كـلابـه وتقهوينـا على اللؤلؤ. و على الـمـرجـان وكـنـزنـا. مـن أصـول. الـديـن تـرحـابـه يـدوم.. الـعـز. فـيـنـا. دامـنـا شـجـعـان ولا فـيـنـا مـن الـلـي. يـفـقـد أعـصـابـه ورجـل ٍ مـاعـرف طـعـم الـوفـا نـدمـان ولا راسـه.. كـبـيـر و يـفـتـل.. شـنـابـه تـرى كـثـر الـهـمـوم تـسـهـر الـنـعـسـان ويـحـرم. كـل طـاغـي وقـفـة. اقـرابـه و صـدمـات. الـقـرايـب. كـلـهـا نـيـران يـمـوت الـحـب فـيـهـا عـنـد الـطـلابـه وزاد. الـطـيـن. بـلـه جـارك. الـبـطـران يـقـل لك اسـتـمـع و يـكـمـل خـطـابـه انـا. مـلـيـت. مـن غـربـة. بـلا. أوطـان و فـعـل ٍ مـاعـرفـنـا. نـشـرح. اعـرابـه صحيح الحال يشفق له هل الإحسان ولـكـن الـكـرامـة تـنـثـر......... تـرابـه وصحيح أن الحياه ماتنصف الفهمان ولـكـن الـغـبـاء يـسـتـعـمـر... الـدابـه واناوش لي بشورالخبل والصـبـيـان انا راسـي شـويـري و أقـبـل جـوابـه ابو وفي العاني على ذكر الطـرب و الصـوت و الـمـوال سرحت بعيد لأول سـطـر بـالـصـفـحـه تذكرت العنـاق الـلـي حـصـل بـالـحـال وكيف الروح حست حـيـنـهـا بـفـرحـه وفي لحظة الـمـشـاعـر صـابـهـا زلـزال تفتت نوكل شي و طـاح مـن صـرحـه وفجأة صوته يـجـيـنـي مـثـل مـاقـال فديت الصوت الأجمل واسمع البـحـه هذاك اليـوم بـاقـي فـي الـفـكـر لا زال يدور الطيف فيني بلـيـلـه و صـبـحـه عـلاقـة حـب أطـهـر مـن ردي الانـذال يبيع الـنـذل نـاسـه ولا حـصـل ربـحـه تجيني ضـيـف ولـعـيـنـك تـفـوح دلال واحساسي عجيب من الصعب شرحه وتـذبـحـنـي يـديـك بـهـزة الـفـنـجـال واقول الله يعين اللي عشق وضـحـه أبـي مـن الـزمـن سـاعـة لـقـا و لـيـال وابي من العقل في غـيبتك فـسـحـه وابي من الدمـع يسترخصك لا سـال وابي من الفـؤاد يـزيـل بـك جـرحـه ولا كمامـتك تـخـفـي وجـود الـخـال بشوفك من ورى كمامتك واصـحـه يطير الطير لا شاف الطـيـور أرتـال ويسرح في سماك ويكفخ بجنـحـه وربي كـنـه الـبـارح و هـو عـالـبـال وكني صرت احير بجده و مـزحـه لو اني صرت مجنونه تـراني عـال وش يفيد العقل لو مااخذ لـمـحـه عن الحب الكبير اللي علي ينهـال وتقبلته بحنيني وروحي السمحه ابو وفي العاني على فطرة كبـيـر الـسـن و أفكاره و عـاداتـه عشت عمري اراقبهم و اقـول الـنـيـة الـنـيـه سقيم وراجي ن طـبـه ورايـع فـي عـبـاراتـه يصلي وطول السجدة وبالدعوات محـمـيـه هذاك الشيخ علمني ولـيـن اسـمـع حكايـاتـه أشوف بقوله الحكمـة و شـغـلات ٍ خـرافـيـه يمـد الكف و ايـديـنـه تـنـادي لـلـزمـن هـاتـه خذيت العمر من يدي ولا ادري عاش راعيه غزاه الشيب وتعطر ويضحك في مـراياتـه وكـن الـعـمـر مـاعـدى ولا حـول مـجـاريـه زمان الطيب والفطرة قبل تاجي نهـايـاتـه نظر نضرة وداع وقال سموهـا الـوداعـيـه فقدنا جيل متمكن وراحـت كل حـاجـاتـه بقت كلمة بقت حكمة بقت أرواح منسيه ابوك وجدك وعـمـك و عـمـاتـه وخـالاتـه قبور نزورها ونبكي وتبقى دوم مـنـعـيـه من اللي ياخذ الحكمة ويحللها بـقـدراتـه يترجم كل مـافـيـهـا بـأفـعـال ٍ خـيـالـيـه يقول الشايب الطيب(زمانك عدساعاته) وتحكي جدتي عاشت على قصة غراميه إذن فالحب كان اجمل بمضمونه ولوعاته وكان الحب للعاشـق ترى نـعـمـة الاهـيـه وكان الجاروالصاحب من الواجب مراعاته وكانت بنت جيرانه مثل اخـتـه مـداريـه وكان الأب متمكن على بـيـتـه بـعـاداتـه وكانت كلمته وحدةومسموعة ومرضيه زمان وراح لكنه قـبـل تـاجـي نـهـايـاتـه عزف لحن الوفاوأطرب مسامعناالهوائيه ولك ياقاري ابياتي خيالك والعقـل ذاتـه تشوف اللي حصل فيناوحالتناالمساويه حفظنا بعدها نسينا وطحنا في ملذاته مرار الطعم ذكرنا العلاقات الـوفـائـيـه وكثر الخوف علمنا السكوت اللي علاماته قناعة أو رضا كامل بـأن الـنـاس مـبـلـيـه ابو وفي العاني
__________________
لا إله إلا أنت سبحانك إنّي كنت من الظّالمين |
|
|
|
|
06-19-2021, 08:48 PM
|
#33 |
|
مالك الموقع
تاريخ التسجيل: May 2014
المشاركات: 6,555
|
والعرش واحدوالرؤوس مطأطأه ماكان فوق الأرض عالي بالبـنـاء بكرة يتساوى بالتراب ويـظـمـأه كل المواد أسعارها صـارت غـلاء الا البـشـر أن كان رجـل ٍ وامـرأه والحال علة ودها وصفـة شـفـاء والمجتمـع مركز جـمـيع الاوبـئـه وحتى لو انك تنظر لنصف الوعاء لا يسعدك نصفـه ولا اللي يـمـلأه والصبر حكمة واختياراتك رداء والقلب لا يقسى جحوده يصـدأه حتى الصدور اللي بحاجة للهـواء صارت تدور لـلـحـنـيـن ومـخـبـأه ودي أعلي الصوت واصرخ بالنداء واشوف من هو ثابـت ٍ في مبدأه ماخاب داعي والنعم بالله الرجاء ولا عاش هاني من غروره يرجأه وترى الحياة أيامها اخـذ وعـطاء ولكل وقت يكون طـارئ يـطـرأه ماغير لـلإسـلام نـمـضي بـالـولاء والله يسامح كل نفس ن مخطئه ابو وفي العاني يـاشـجـرة.. الـزيـتـون و ظـلالـك.. أمـان يـاعـودي الـمـحـني و غـصـنـك لـلـذبـول مـأوى عـلـيـل الـقـلـب فـي أقـرب مـكان وشمس الضحا تشرق على الوجه الخجول لـولا بـنـي آدم.. شـعـوره..... بـالـهـوان ماماتت الضحكة على شفاف العـقـول ولولا انقطاع الناس عن هـذا الـزمـان ماضاعت اللهفـة على سـاعـة وصـول ياصاحبي ضيعـت مـفـتـاح الـجـنـان يوم ن عرفت اني مـضـيـع مـا.اقـول لا والـلـه. انـي. مـاتـعـمـدت الـرهـان الا لأني هـمـت فـي الـريـم الـجـفـول مريت في حي ٍ بكى نقص الـحـنـان يوم ٍ رحل عنـهـا حـبـيـبـي مـايـزول حيطانها تشهـد مـع كـل.... الـمـبـان وترابها مـتحـنـي بـرمـش الـكـحـول وسقوفها ترجـف على لـحـن الأغـان وابـوابـهـا تـفـتـح مـع دق الـطـبـول وشيوخها تحـلـف مـع وقـت الأذان ثم تذكر الله ثم تصلـي عـالـرسـول عين تحتهـا جفن و الحاجب رزان ترمي بنظرة تسرق القـلب الـعـزول خد ن يكف الدمع لـو فـيـهـا يـبـان شعر ن تقول الليل يالـيـتـه يـطـول خصر ٍ يميل ويسلب الريح الضمان كف ن جزيل وتعطي اللي مايقول رجل ن تسير وكل خطـوة بـأتـزان طيبة وحكمة طبعها بنت الأصـول وصفتها والوصف يشعر بـأمـتـنـان لني عجزت اوصل لها مليون حول وهاذي هي الدنياترى مثل الحصان لو ينكسر ساقـه يـمـوت ولا يـنـول وهذا انا والليل ونجـومـه الـثـمـان نسهر نعاتب بعضـنـا كل الـفـصـول وهذا ثمن من عانده وقـتـه وخان يجعل حياته كلها حـرب الـمـغـول ومشتاقلك يااغلى الغوالي يافلان وما لاقي لشوقي على فراقك حلول محتاج لك حاجة الأخرس لـلـسـان ومحتاج لك مثل الصحاري للسيول و يـاشـجـرة الـزيـتـون مـاآن الآوان تعطيني اثمارك ويكفـيكي الـمـثـول حسبي على اللي مايكلمني عـشـان يرمي على ظهري غيابه والحـمـول أبو وفي العاني
__________________
لا إله إلا أنت سبحانك إنّي كنت من الظّالمين |
|
|
|
|
07-08-2021, 10:25 AM
|
#34 |
|
مالك الموقع
تاريخ التسجيل: May 2014
المشاركات: 6,555
|
على كتفي الشمـال ذنوبـي الـغـبـره وعلى كتفي اليمين أجمل مساراتي ومـن مـنـا مـاعـاد الـذنـب بـالـمـره ومـن مـنـا يـعـرف الـراح. و الآتـي خضعنا للظروف و طيبة الـعـشـره وعـبـرات الـبـدايـة. بـالـنـهـايـاتـي الا يا موجة الأحزان و الـحـسـره طفح كيل المشاعر بـالـمـغـالاتـي طريح الموت مايسأل على قبره وانا شديت راسي من معـانـاتـي يزيدالخوف والقابض على جمره تجي تسأله خايف؟ شوف زلاتي ولو تمدحه حط أيده على صدره ولو تسمع ونـيـنـه كـيـف ونـاتـي كذا ترقب مصيرك من خرم أبـره وترقبني وانا في حرب مع ذاتي حزرت من الاحاجي عيشة البذره وكيف أسقي بذوري من جراحاتي وعلمني زمـانـي الـفـرد والأسـره وجممعني ولملم فيني شـتـاتـي وعلمني التـعـامـل كل ن وقـدره و علمني التخلي عـن تـفـاهـاتـي عطاني من كنوزه العلم والخبره وخذيت من الكنوزأجمل ردائاتي وذا كتفي يميل اليا نـفـذ صـبـره وعلى صبري بجامل بأبتساماتي كـفـانـا الله وإياكم من الـحـفـره ومن ضيع طريقه يسـوي سواتي انا لو كان جرحي فـارح بـكـبـره تكبرت إعلى جرحي في مواساتي ابو وفي العاني أغلى كنوز الارض في جوف الـبـشـر وأثمن عضو بالجسم هو قلب ٍ كبـير وأستغرب أن البعض له قلب ٍ حجر وش هو سواد القلب ياعمي الخبيـر تدري من الـرابـح ومن فـيـنـاخـسـر وتدري من الأعمى ومن فيناالبصير أبـشـرك. مـاعـاد. لـك فـيـنـا. مـقـر عـنـد القلوب البيض ماتنفع أجـيـر و أبـشـرك. مـاعـاد. لـك.مـنـا. مـفـر وماعاد. لك حشمة ولارحمة أسـير الحـب لـه حدين وسلاحـه شـطـر والحب مايعرف كبير ولا صـغـيـر ومن لا يعرف الليل ماعمره سـهـر ومن لا يصـون الـود انسان ٍ حقير ياما سهرنا الليل و النوم انـتـحـر وياما ذرفـنا دمع والخد يستجير حناالقلوب الوافـية يـاأهـل الـغـدر وحنابهامات الجبل وانت السـعـير سبحان من خلا الـعـوالـي تـنـحـدر وسبحان من يدري بما صارويـصير وأرسل تحية لكل من غاب وحضـر معها ورود الحب ويـفـوح الـعـبـيـر ابو وفي العاني
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
