لست سوى أنثى عـلمها الفقد ان تبتسم

[اللحالي]

الناس يتغزّلون هنا وانا هناك
زلّة لسان على اثرحلم
قامت الدنيا وقعدت وشردت

يامسكين ياشايب البدو
رح للشمال اصرفلك

[ترانيم حربيه]

هلا وغلا يالشايب زلت لسان اجل

هين يالشايب مهو على كيفك الحق راكبك لاتعذر بالحلم

اما عاد الشمال انت تدورها من الله من زمان هههههههههههههه

اللحالي الغيداني معجب بهذا

[ترانيم حربيه]

يا مبعـد ٍ حول دار الحول والحول

وانا على حــال مـا مثله ولا حـال

يا عـم كل الجروح الزرق يااحوول

وراك مــا صرت لـجــروح الغلا خال

من غبت والما ظما والحلم مشلول

والحب جرهد وحــزني وادي ٍ سال

ولاتحسب إني عن الاحزان مسؤول

انت اتحمـل ذنـــوبي يوم الاهـوال

لا تــرمــع اللغـز دام اللغـز محلـول

ولا تـعـتذر لي بـعذر وتضــرب امثـال

قــضيتي مــعـك دايــم ضد مجهـول

وجــرايمــك صد واحسانك لي وصال

والبــال مشــغـول ليه البـال مشغـول

وطعــونك الخضر ما جت لي على بال

يبــل قـــلبي ليـــا من جيت همــلول

وان رحت قلبي جفــاف ونصــه رمال

أيوب معجب بهذا

[ترانيم حربيه]

نشف دم العــتاب وجــف ريــق اللـوم
معـــك ضاع الكــلام ومــاتـت أحلامـي

وش اللي مــمكن أقــوله وأنا مصـدوم
بعــد ما مـــات أجمــل حلم قــدامـي

على كــثر الحــزن مــا مرني في يـوم
مثــل حــزني على حقيقــة أوهـامـي

أنـا مــاني هنــا يا طــعنـة المقسـوم
عــلى الكــرسي بقـــايا حزن مترامـي

جروحي ظلم وإحساسي معك مظلوم
وصمــتي سالــفة جــرحي عـن آلامـي

مـن عيــونك عــرفت إن الـوفــا مـعـدوم
ومــن عيــوني يا مــوطن جرحي الدامي

عــرفـت تطــيح لــكن مــا عــرفـت تقـوم
وأنــا مــا هــمني وش أسفـــل أقــدامـي

مــعــك ولا بــدونــك . مـــانــي بـمحـروم
ولــكنـــك بـــدونــي . جـــايـــع وضــامـي

خــذ البـــاب بــــطـــريــقــك. وتحيـا ودوم
عــلــى شــان الشعــر والبـــوح وإلهـامـي

أحــاسيــسي تبــي بعـــدك وأنـــا ملـزوم
أوازي فــعـــلي . بـــتــفــكيـري السـامـي

أنــا أكثـــر شخـــص يــشبه شعره المنظوم
سنــواتـــي ورق .. وإحســـاسي أقــلامـي

[ترانيم حربيه]

وين أنت مدري وين غايب ولابنـت
اعظم سوال تشـح معـه الاجابـه

حروة سنه ماغير انا والسهر وانـت
نتجاذب اطراف الحديـث برحابـه

بيتك رحلت ومحتفضبـه ولاخنـت
داخل ضلوع ً مثل قـوس الربابـه

بنيتـه بحبـك وعشـت وتمكنـت
جدرانه ضلوعي والاشـواق بابـه

وماكنت احسب الدمع ينزل عليك انت
الين ما امطرتـك سحابـه سحابـه

تزين فـي عينـي ولـو ماتزينـت
كن الحـلا نـوخ بحسنك ركابـه

يبين غيـرك بـس لامـن تبينـت
الغيـت مفهـوم الملـل والرتـابـه

بعدك عرفت وشفت وايقنت واعلنت
ان الليالـي فـي غيابـك تشـابـه

عشقت واستوطنت واخفيت وادمنت
على السهر واخـر حـدود الكأبـه

وابشرك طيب واحبك كمـا كنـت
لكن عليـك اجـر صـوت الذيابـه

على حبيبـك مانشـدت وتطمنـت
مـدة سنـه يقـراك داخـل كتابـه

واجد فقدت وكل ما افقـد تحسنـت
بس انت فقدك مثـل فقـد القرابـه

ودي قبل مانطوي الوصل لاهنـت
تدري وش اللي كنت حاسب حسابه

الظاهر ان اسباب فرقاي انا وانـت
دعوة كريم وصادفت وقـت اجابـه

أيوب ,اللحالي الغيداني معجبون بهذا

[ترانيم حربيه]

[ترانيم حربيه]

وين انت ياللي عليك الفكر والقلب هام
لاغبت عن قلب محبوبك طيوفك تجيه

حرمت جفن المولع من لذيـذ المنـام
نوم المخاليق عقب مفارقـك مايبيـه

تطري عليه ليامن شفت بـدر التمـام
غير القمر يامليح الوجه مالك شبيـه

لاقلت ابنساه وعهود المحبـه كـلام
والظاهر اللي يبيعه بالغـلا يشتريـه

وليا تذكــرت ليلـــه مـن ليـال الغـرام
هلت دموع العيون وحن قلبي عليـه

سلام ياللي عليك القلب ساق السـلام
رغـــم الغياب الطــويل ورغم ظلمك عليه

لامـــر طــاريك ينبضلـــك غـــلا واحتـرام
يهــزه الشـوق والــدقــــات تــزداد فيـه

ابدا عليك التحيـه والعتـب والمـلام
وانكان مالك عذر في غيبتك لاتجيـه

حرام تنهي حياته في يدينـك حـرام
هــو يتحــرا وصــالك وانـت ماتحتريـه

اللحالي الغيداني معجب بهذا

[ترانيم حربيه]

والله ان نفسـي خفيفـهـ يـ الحمـامه
جـربي كـانتس قـدرتي و احمليـني

احملينـي و ابشـري بـزود الكرامه
وان جـَهـَدتس يـ الحمامه سامحيني

لا بذلتـي الجهـد عـداتس المـلامـه
يـ الحمامه لانخيتــس .. سـاعديني

ويش اسـوي يكسـر الخـاطر كلامه
و الظـروف العـوج عيّت لاتزيـني

عيـّت ظـروفي تـواكب مـع دوامـه
اكسبي الناموس و المعـروف فينـي

قـال : كـابـوس العنـا كـدّر منـامـه
و حال مكتـوب القـدر بينـه و بيني

قلت أزورهـ بس من باب الشهـامه
و قبـل صبح الفجر بـ الله رجعيني

حطـي بـ جـدول زيـاراتـي عـلامـه
ورتبـي حـالـتس على وقتـهـ تجيني

كل مـاجا العصـر طرنا يـ الحمـامـه
ولا ظـهـر نـور الصـباح معـوديـني

توحـش الوحـدهـ مع الليل و ظلامـه
سهـلّي دربي فـديتـس و انقـذيـنـي

[ترانيم حربيه]

ايــام راحــت بي وراحــت على خير

مـــرت على عمـــري مـــرور الثواني

ايــام كـــانت غيــر في ذمـــتي غير

احيــت يــباس عــروق ذيك المحاني

قبــل الــوداع وقبل طـوي المشــاوير

مـــاكنت احــس بقيمته لـــو جفاني

ويــوم افــترقــنا والحزن جاني امغير

عـــرفت وش مـــعنى ضياع الاماني

ومــا عاد بيدي شي ، ،دام المقادير

وفت وعــدها ، ، واسلبتني زمــاني

سيلت بفــراقـــه دمـــوع المــعاذير

حتـــى خشع مـــوج الغلا للمـواني

ومــديت لـــوصاله كفوف التباشير

ومـــدت لي الفرقا كفوف التهاني

ودي افــضفــض بس ويـن التعابير

ودي اعبــر بــس وين المعـــانــي

حـــاولــت ابـــرر صمتي بأي تبرير

وعجــزت ابرر صمتي اللي غشاني

يـــاصمتي اللي مــالقى له تفاسير

ليــت الــذي وداه ، ،يــــمه خذاني

ياحيلة الله وش بقى؟وش يبي يصير

دام الــمــكان اليوم مــاهـــو مكاني

لــو قلت مـــال لبـعده اليوم تأثير

تفضحني عيوني، ،وكذب الساني

لكن تركت إله القصيده على خير

يــمكن يحس بضيقتي لا قـــراني

اللحالي الغيداني ,أيوب معجبون بهذا

[ترانيم حربيه]

لا تـلتـفـت يــمـي ولا تـحتـريـنـي
انــا هنـا وقـفـت ركـابـي وريـحـت
للماضـي اللـي كـان بينـك وبينـي
رفـعـت يـمنـاي الكريـمـه ولـوحـت
ماني علـى كيفـك .. مثـل ماتبينـي
حتى ولو انـي صفحـت وتسامــحـت
اعلّمك وانــت اعلـم النـاس فـينـي
آمسيت من ليلة طعونـك ولا اصبحـت
مـن كثـر صدماتـي ونـكسـة سنينـي
هـلـلـت واستـغـفـرت لله وسبـحــت
يــاما ويــامـا شلتـك بــراحــتيــنـي
وياما على ضلـوع الحنايـا تمرجحـت
كل العلـوم اللـي ماابيهـا .. تجينـي
واقــول مع نفسك يــاليتك تصالحت
امــد لــك عـن كـل طيحـه يمينـي
لا تحسبني فـي مطيحـك تفرّحـت
ذنبي نحــت اسمـك بعـد والدينـي
ولو ينمحا المكتوب. ما ينمحا النحـت
لكن قدر .. مكتوب لـي فـي جبينـي
واليوم عــن دربــك بدربي تسمـحـت
وان قــادنــي لأغــلا الاماكـن حنينـي
ابــذكــر انــك .. مـن مكانـك تزحزحـت
يــاطير ما انت بوسط صـدري سجينـي
اكفــخ .. وقــابلك الفضــا وين مـا رحـت
شمــع الـمــحبه كـان اصــابـع يدينـي
يــا كثر مــا ضــوّيــت لأجلـك وسرّحـت
لاقــرب قــريب ٍ لي مــا ابيــح كنينـي
واعلمّك .. يوم اني لــشخصك ارتحت
حــطّيتك بــعيني وغــمّــضت عينـي
ويــاليتني غمـضت عيـني مـا فتـحـت
وفتـحـت عـيـنـي ودي اشـوف ويـنـي
ومْـع الاسف ومـع الاسف منـهـا طحـت