ديوان الشاعر محمد لطيّف العنزي

[اللحالي]

( المركب )

المركب اللي وسط عرض البحر تاه=هـبـت عـليه الريح واخـــتل جوه
غفـــلة رقيــــبه ماعلـــــــيها مراواه=والموج مايرحــــم ولابه مــخوه
ومع صــــحوته حارة مـــعالم محياه= في حـــالة لاحـــول فـــيها وقوه
عزة علـــيه النفس عن قــــول ويلاه= يموت في غبة قهر ماتفوه
لاشك من ينطــــح عــــدوه لياجـــاه= غبة بحـــر مافيه مـــجد وفــــتوه
الله ياكم واحد من ضحاياه= وكم واحد وسط البحر غاب ضوه
يابحر ياهدار واسالك بالله =اسالك باللي يفلق الحب نوه
اصدق معي يابحر والصدق منجاه =اسمع معي واللي تسويه سوه
وش جاك يومنك بموجك تولاه =وش جاك من يم الغريب وسموه
يابحر ماعمر الجمايل تعداه = انا اعرفه رجال راعي مروه
يابحر مايرضى الدنافيس شرواه= بينه وبين ام الدنا فيس هوه
الطيب عنده والمواجيب بحماه = يحتار من طيب السجايا عدوه
والعز طبعه والفخر فعل يمناه= وبينه وبين المجد وصل وحموه
مايشتكي لوهو لداني دناياه= يكنها في مهجته لاتشوه
يشيل حمله يابحر لو تعلاه = وتوه تعلا يازرق الموج توه
والعبد دايم دبرته بامر مولاه = واللي نواه بشر يكفيه سوه
يالله انك لاتحــــده عـــلـــى اقــصاه=وفــــي محــــنته يالله يالله قــــــوه

[اللحالي]

( تسونامي )

يامـزنـة وبـــل الـقـوافـي تـهـلـه=هلـت علـى جـم غزيـر اصطفاقـه
مـوجـه وطوفـانـه ولـونـه وكـلــه=كن المحيط الاطلسي في سياقه
كـنـه تسونـامـي لـيـا حـــل حـلــه=ذاك المحيط اللي طلع عن نطاقه
طاف الدول واللي بوجهـه يشلـه=إن ماهلـك حـلـت علـيـه الاعـاقـه
يالـوايـلـي رح للبـنـاخـي وقــلــه=مهمـا حصـل حنـا ربـوع ورفـاقـه
وقلـه ترايـه بالخفـى منـصـح لــه=ايضـا وقـدم لـه مـن الـورد بـاقـه
وقـلـه ولــو تجـمـع عـلـي الادلــه=انـا اعتبرهـا يابـن عـمـي حمـاقـه
اللـي يـبـي حـسـن النـوايـا يـدلـه=والا الــردي لاطــاح بـيـن نفـاقـه
الطـيـب بطـبـوع النشـامـا جبـلـه=وهبة كريم وصـادق العهـد ساقـه
حـل الرمـوزاو حـاول انــك تحـلـه=مثل الشريط اللي بخلف البطاقه
ذودي مغـاتـيـر عـلـيـهـا الاهــلــه=وكـل علـى مجنـاه يـاسـم نيـاقـه
وبيـت الشعـر متميـز فـي محـلـه=ظلـه ظليـل وعلـتـه فــي رواقــه
وشـلـي بعمـدانـه ودقـــه وجـلــه=زايـر ولالـي بـالـوزى والطفـاقـه
اللـي طـواه الـبـرد ينـهـض يخـلـه=واللي بنى مبنـاه يشـري شقاقـه
بنيت لي في ماضـي الوقـت فلـه=اسستها ساس ومقـاس وعراقـه
افــرح بخـطـاره واقـيــل بـظـلـه=ولاالـي بعشـاق المظاهـر عـلاقـه
سويت لـي فـي فيتـه خـوش دلـه=كيـفـه يكيـفـنـي واخـــر رواقـــه
فنجالهـا يجلـى صــدى كــل عـلـه=لادار بـيــن مـقـدريـن الـصـداقــه
لاسـيـروا ونفوسـهـم مسفهـلـه=غناة نفس وطيـب عـرف ولباقـه
مجلـس وفـا راع الـوفـى مايمـلـه=يسري وهو في ونسته واشتياقـه

[اللحالي]

( شهاليل )

احمـــــد الـــلي كل خلـــــقه يعبدونـه = الوحــــيد المعتلي بالــــكون ربــــي
واشـــــــكره واستغفره واحتاج عونه=وازبنه واستــنجده لاشـــتد كربــي
والله اني ما تولــــم للمـــــهـــــونه =ان شكرني صاحبي والا نكربــــي
والصديق اللي ضحك لي في سنونـه = يحسب انه في ثرى نفسه مكربـي
أعرف الرجال مـن نـظـرة عــيونـه= لاظلمت عينه اليا لد النظر بـــــي
كــل يــوم يـــغيـر المـسـكيـن لونــه = مسلم المظهر وبالتفكير صربــي
حاير في حـال غــيره مـن جـنونــه= لا مسك دربه ولا هودل دربــــي
القلوب السود عطشى ومـغبــونــه=من عناها ياحلال القوم جربـــــي
يومهم طين الـخـبـــاري يشربـونــه = من شهاليل الجبال الشم شربــــي
ويومهم حرف الهجا مـــا يفهمــونــه = عمت في بحر القوافي وابحرتبـي
ويومهم ماحصلوا مايطلــــبـونــــه=العزيزة بالمجالس تفتــخــربـــي
والدي كـــل الجـــماعــة يعرفونــه =شايب بالمرجلة والطيب شبــــي
حطني في مجلسه وان غاب دونــه= لين ما رمت العلا واشتد قلبـــي
قال دينك تـــرك الـلــي يتركــونــه= من خسر دينه خسر نفسه وتبـي
وقال دارك يا محمد لا تــخــونـــه = احفظه بالسلم وان ناداك لبـــــي
وقال جارك كرم اللي يكرمـونـــه = واستره لا شفت شي مستخبـــي
وافتهمت الهرج واطربني شجونه= وما وعيت الا وقيفاني بجنبي

[اللحالي]

( حلوم الّليل )

حلوم الليل لا جتني مع النجمة تجيب عـلوم= كوابيس مـن البارح تعـاودني واكذبها
اشوف الناس ترقص فى الم رجالها المظلوم=واشوف الشين والشمات والشيطان مطربها
وقف مذهـول في لجه يطـالع بيته المهدوم=عليه الـبوم يلـعي والحيايا فـي جوانبها
عليه اللـوم ثم اللـوم ثم اللـوم ثم اللـوم= يسـلم لحيته ليديـن مـاتكرم شـواربها
واشوف ام الحوير تستذيروتحـترك وتحوم= غراب البيـن جلاب المصايب فـوق غاربها
تهبد راعي العمه وترفع ضرعها المسموم=وليد ابلـيس يرضع ثديـها وابلـيس راكبها
ذلول الشوم توبي عن دروبك ياحلال القوم=ذلول من عـناها شيـبت في راس صاحبها
عقب ماهي ليا قامت تراجف ترتعد وتقوم=غذاها وارتوت واصبح عليها طـول مـنكبها
بغاها للطريق اللي على راي العرب محتوم=طريـق لا مشت به بان له عن طيـب منسبها
مشت بة ليلة ظلمامع النجمة وهـو منجوم=ولفـاه الصـبح فـي دار بعـيدات مـشاربها
تلفت مايشوف الا العطش والجوع والمقسوم=يصـير ولو طلع يم النـجوم وشـاف مغربها

[اللحالي]

( ثمانين جنّي )

ياذيب ياللي مشــــــــــغل بال راعيك = في روحتك في جيتك ممتحني
كثرت هواجــــــيسك وقلة مــساريك = ياكن في راســــك ثمانين جني
انا ادري انه مزعلك صــــيحة الديك = اللي على راس الــخرابه يغني
ماهو بمرضـــــيني ولاهو بمرضيك = لاشك ياذيـــــب الخـلا ماغبني
اللي غبني هـــــــــرج ناس صعاليك = اللي بهم ياصاحبي خاب ظــني
ناس على الظــــــاهر تودك وتغليك=والـحقـد وسط قلوبهم مرجهني
ياصاحبي ماهم من الغـيض يضميك= وشلك بهم هماجـــــهم مستكني
شربت من كـــــــــفي قراح وبسقيك= اشرب وزدهم غيض ياذيب مني
ياذيب لونا بتالي تواليك= حطيتـــــــهم مابين نابي وسني
لاشـك دورات اللـــــــــــيالي توريك = ان المراجــــــل ماتجي بالتمني
انا نصحــــــــــتك ياعسى الله يهديك = انا نصحـــــتك يوم شفتك توني
وان ماعجبك الهرج وعلوم راعيك = ياذيب انا طالــــــبك لاتمتحني

[اللحالي]

( جوادي )

الا ياصاحبـي وين انت غـادي= تنافسني على صهوة جوادي
تصد وكن عيـنك يوم جيتـك=لطمها كف من بيض الايادي
تحرى زلـتي وانـا خـويـك=وتضحك لي وفي قلبك دوادي
اعرف الضحكه الصفرا واميـز=اميز بين الابيض و الرمادي
وانا قلبي كما الشاش المعـقـم= فؤادي ماتغير هـو فـؤادي
اجنب عن دروب الحـقد وابعد=عن الغـيبه بصكات النـوادي
واحب الطـيبـين واحترمهـم=سوى كانو حضر والا بوادي
واروم المجد واطمح للبطـوله= واحب الفوز وافخر في بلادي
ووحد خالقي واخـاف ربـي= واجيب الصوت لانادى المنادي
وانا من عرض خلق الله ولابي= ولابي زود عـن جـل العبادي
بشر واصيب واخطي واتـعلم= على قول الجماعه شخص عادي
صديقي ياصديقي وش حصلك= وش اللي جـاك مني يوم تادي
عذارك كلها ماهي وجيهــه= تدربيهـن علي كبر الهـوادي
حسد يمكن حسـد بس المصيبه= باني ذاخـرك عوني وكادي
وانا ماجيتـك اطلب منك حاجه= انا جيتك وفــا ملحي وزادي
وانا اشكر خالقي واللي حصلي=بفضل الله وجـدي واجتهادي
سهرت اللـيل حتى مل جفنـي= سواده ما يجـنب عن سوادي
تغربت وتعبـت ونمت واقـف= وعطاني خالـقي غاية مرادي
فهمت او مافهمت الحل واضح=ولافـيها جـدال ولا تمـادي
دمحـت الزلـه الاولى لانـي= وفيت وذاك واجب باعتـقادي
ودمحت الـثانيه عز وتعفــف=واقول الله ياصبــر المهادي
وهالحينـه فـمان الله واجــب=عسى دربك سفـير ولاتـنادي
فمان الله يالـي كـنـت صاحب=وانا باركب على صهوة جوادي

[اللحالي]

( وجه الزمن )

عبس وجه الزمن والوقت داله=ولايعرف حرامه من حلاله
جرايم ترتكب في مجتمعنا=عجب والسيف يقطع ما بداله
قصص في مجتمعنا واقعيه=رساله ما نسجها من خياله
ولاكن المصيبه وسط قصه= تشيل من العنا فوق احتماله
فتاه ومدمنه وش عاد باقي= تشم البودره حتى الثماله
عسى ماشر ياعصر التقدم=عسى ما شر ياوجيه الشكاله
فتاة يعربيه من بلدنا=تعاطى السم وانواع الفساله
وهي كانت ضيا بارق سناها= كما بدر الدجى ليل اكتماله
خساره بنت عصمان الشوارب= شرفها راح من يدها غياله
لان الوالد اللي جاب بنته=نساها والتهى يطرد رياله
ويمكن بعضهم ساهي ولاهي= ولا يدري وش اسم اصغر عياله
يبي يسعد بناته فعتقاده=وشراله علة من حر ماله
فضائيات بيدين الصبايا= برامج من سفاله في سفاله
رزان ومع رزان الفين عاهر= تروج للتعري والرزاله
على الشاشه تشوف البنت قدوه= مثل صارت وهي اصلا حثاله
تشرب قلبها فلتة زمانه = تحب دياب وتقلد اصاله
طلب سايق وزاد الطين بله=يحط نساه بيدين العماله
مع السايق بتال الليل ترجع= بلا محرم تجي والله حاله
تقول البنت انا عندي زميله= بتال الليل ماصارت زماله
لان الوالده تسرح وتمرح= وطلتها على ابنتها جماله
ولاتدري وشنهي صاحبتها= ولا وش صار له والا جراله
الا يالله تستر كل مسلم=اسالك يامجيب من سعى له
تجنبنا دروب الشر واهله=وتحمينا من اسباب الجهاله

[اللحالي]

( خاطر )

يالقلب وش في خـاطرك مايسليك=وشفيك ما تسقم على هـم دنيـاك
وانا على درب المـراجل مربـيك= وبوك قبلك في ذرى الطيب رباك
وانا الذي عـن طبع الانذال شاريك = وبايعك لهل العرف مثلك وشرواك
لاشك مدري وش جرى في ليالـيك= تدور في غبة فلك غير الافـلاك
ياقـلب لاتحـزن عسى الله يهـديك = خلك طبيعي وابـتسم في ثـناياك
لاترتـبك لا تخـتلف واثق فـيك= لاكن تدبـر واعتـبر في خفاياك
ابـيك لانامت عـيون تراعـيك= تسهر على القران والله يرعـاك
ادع الـولي لاقـفلن الشبابـيك= يفتح لك الوالي ثمانـين شبـاك
ناج العظيم بظلمة اللـيل ينجيك=يدمح لك الزله ويغفر خـطاياك
وابيك تشلع فـوق و تعز والـيك= وترعى الجبال النايفه علم وادراك
العلم ير فع صاحبه وانت يغنيك=يبني بيوت العـز ويعز مبـناك
وسرك اليا ضاقت عليك الدواليك=حطه بصـندوقك وصكه بيمناك
ماينفعك لاقـيل ماعاد يـمديـك=تصـير بافواه البشر تقل مسواك
كم واحد يضحك بوجهك ومغليك=ووده يجيه الموت لاحل طرياك
جحادة النعمه وجيه الصعـاليك=ادعس عليهم يابيض الوجه بحذاك
وصديقك الصادق حشى مايخليك=عن الدروب المخطيه دوم يـنهاك
واليا نسوك الناس ماهو بناسـيك=مثل الذهب يبقى ذهب بين الاسلاك
احرص عليه وقدره في مماشيك=وان مالقـيتـه تالي الوقـت يلقاك
واحذر مع الغرات تتبع هقاويك=راع الصميل وهـقـوته لاتـعداك
ياقلب جاك العلم من راس راعيك =اما احفظه والا حفظته بلياك

[اللحالي]

( فنجال وكفوف )

حزن والم ياصاحبي ضيرالجوف = علــــــــى الضروف القاسيه مارحمني
وفي خافقي لجة مزامير ودفــــــــــــوف =لو صحت باعلا الصوت ماحد سمعني
وبين الضلوع اوجس مسامير وشـلوف = تقطع معالـــــيق الــــشوى لاشبــــكني
ماكني الا شايــــل نقرة الـــــــــــجوف = اوجمرة باقصى الضماير كوتــــــــــني
ماني بغراة المــخاليق مكلـــــــــــــوف =لآشك غـــراة المخاليق جتنـــــــــــــــي
قلت اتسلى واكتب الشعر واشــــــــوف =اما غـــــلبت البـــــــين ولا غلـــــــــبني
دام الحياه اشكال والوان وضــــــــروف = اما رسمت الحــــل والا رسمــــــــــني
جاني خطاب بابيض الشاش ملـــــفوف= من واحد من خلقــــته ما عرفنــــــــــــي
لقيت فيه اشعار وارقـــام وحــــــروف = طلاسم العراف مــــــــــاعرفتـــــــــــني
فيها لغة دجال فنجال وكفــــــــــــــوف= خرايـــط من هولـــــــها خوفتـــــــــــني
وكتبت له فــي ظلمة الليل مــضروف = في سـاعة فيها ضميري ندبــــــــــــــنى
مانيب لا ساحر ولا نيب بمزلــــــوف= ساجد لربي يا ســــــود الوجه شفنــــــني
وشلون ترسلي دبابيس وضــــــــلوف = وانا ورب البـيت مســـــــــلم وســــــــني
وان جيتكم عطشان جوعان ملهـــوف = لاتنتخي واللي خلــــــــقكم خلقـــــــــــني
يسمع دبيب النمل في ظلمةالـــــشوف= وانا ضعيف ودفتري فـــــــوق متـــــــني

[اللحالي]

( صباح الخير )

تنبه ياصغير لاتحسب ان الحياه حلــوم= كلام الناس مايرحم هواك وجرحك الدامي
صباح الخير ياغافل عن الدنيا وصح النوم=زمانك غير اوهـامك وحظك طاح قدامي
تنشدني وانا ماني طبيب ولا خبير سموم=ولاالي في دروب الشعوذه جني ولا حامـي
انا مالي سوى دفتر غرام وصفحتين هموم= قصيد لاكتـبـتـه ياصغـير حرك الهامي
تعلم وافتهم وافهم حياتك والحياه علــوم=احد لاطاح طاح وقام واحد لاطـاح ماقامي
احد يبني حياته بالظلام وياحيـاة البـوم=يهاب النور ويحب الظلام المدمس العامـي
واحد يبني حياته بالنهارولايهاب اليـوم= فهم نفسه صدق حدسه عصامي والهدف سامي
واحد يمشي ولايدري يمينه من يسارالقوم= وقف مذهـول بين الناس لاشرقي ولاشامـي
عيون تنام وعيون سهيره ماتعرف النـوم=ولاهي مشكلـه مادام قـلبـك حي مانـامي
ولامنك لقيت البنت تطغى والرجال رخوم=على الدنيا السلام وزايـله والناس باحلامي
ولامنك لقيت الراي يوخذ من سفاه القـوم=ترفع وجفـهم ياعـل مايـبقى لهم نامي
والى شفت العرب تفزع مع الضالم على المضلوم= تولم للعـقاب وللعـذاب ونـار وازلامـي
والا حدك زمانك وانت لاحاكم ولا محكــوم=يقولون العرب دق الحديـد ومعدنه حامـي
وطيت الداب يوم اني وطيته ماعليـه لــوم=وانا لوهو بكيفي ما وطيت الداب باقدامـي
وقفت بوجه عسرات الليالي والعتب والشوم=وحطت بي مواري بينه لاشـلت هندامـي
ومشيت بسكة الماشيـن لافايز ولامهـزوم= اداير حيـلـتـي يوم وراي ويوم قدامـي
وعرفت ان الحياه الي نعيش ابها سما وغيوم= تقلب بين شر وخير مثل اضغاث الاحلامي
وعرفت ان السعيد الي حياته بين حج وصوم=موحد في صلاته في زكاته مال الايتـامي
والا مني دعيت ونيتي بيضاء كما اليشموم=اقول الله يحييني بخير ويحسن اسلامـي

أيوب معجب بهذا