♪♫ خواطر ناصر♪♫

[ابو مناحي]

اكتب الجزلات لعيون الحبايب=والحبايب يوم مرّوا شرفوني
مرحبا بالحاضر ومن كان غايب=مرحبا باللي غلاهم في عيوني

بسم الله الرحمن الرحيم بصراحه ماادري من وين ابد او وش اقول تعجز الكلمات عن وصف شعوري ناحيت ابوسلطان او العم جزاع او جدي او ابوي بالاصح هالشايب من يوم عرفته في مجالس حرب وبعدين في منتدانا هذا وغلاه في قلبي يزيد ماينقص وكل هذا بسبب طيبة قلبه واخلاقه السامية وروحة السمحه ومعاملته الراقيه للجميع كل اللي اقدر اقوله اني ادعي ربي يطول بعمره على الطاعه ويسعده دنيا واخرة مثل ماهو مسعدنا بكلامه وتعامله السلام بدايت القـــول ياهـــل المنتدى=وودي اختم به ولاكن عجزت القى كلام الكلام ان جيت اوصفك يالشايب غدى=ماقــدرت اوصف تعامــلك يانسل الكــرام والله انك ياابوسلطــان مامــثلك حدى=في التعــامل والتواضــع وكـــثر الاهتمــام ياعسى يسعدك ربي على طول المدى=وتفرح بشوفت عيالك وفي حسن الختام تقبل اجمل تحياتي ياجدي انت بنتك ترانيم حربيه

رجآوي ,اصايل معجبون بهذا

[ابو مناحي]

ياحبيبي ليش مدري وانت تدري=إيه تدري ياحياتي عن غلاك
عن غلاك ان كان تنشد قلت مدري=ليش مدري باع غيرك واشتراك
لك مكان ومتسع في وسط صدري=كيف مدري وانت بعيوني ملاك

اصايل معجب بهذا

[ابو مناحي]

	وجدي عليها كل مايطري الشوق=وجد اليتيم اللي شكى هم وافراق وجدي عليها كل مالاحت بروق=وجد بدويٍ شاف بالمزن براق وجدي على اللي كنها بالسماء فوق=وجد الصغير اللي للابوين مشتاق

ترانيم حربيه ,اصايل معجبون بهذا

[ابو مناحي]

مايجيك الضيق من مدرك وفاهم=يدري انك عند غيرك لك مكانه والله اني مع رجالٍ من وفاهم=كل شخص ينزلونه في مكانه ناصر الشميلاني=

مايجيك الضيق من مدرك وفاهم=يدري انك عند غيرك لك مكانه والله اني مع رجالٍ من وفاهم=كل شخص ينزلونه في مكانه ناصر الشميلاني=

اصايل معجب بهذا

[ابو مناحي]

كل وافي يوعد بوعده وفاء=والرجال يقدرونه من وفاه وكل من يجحد ولاعنده وفاء=في حياته صار كنه في وفاه ناصر الشميلاني=

اصايل معجب بهذا

[ابو مناحي]

الليالي كنها وصف الورود=يامدور كل ورده عدها والصوادر ماهي بوصف الورود=وارده ومصدره من عدها ناصر الشميلاني=

اصايل معجب بهذا

[ابو مناحي]

الجبل عالي ومطلاعه عسير=والطريق اللي يوديله خطر ماكتبت الشعر في سودة عسير=قاف تو انه على بالي خطر ناصر الشميلاني=

ترانيم حربيه ,اصايل معجبون بهذا

[ابو مناحي]

يـاخـي تجـاريـب الـزمــن علمـتـنـا=لين استفدنا من تجاريبه دروس
يـاكــم عطـتـنـا ايـامـنـا واحـرمـتـنـا=ياطيبهـا مـره ومــره كـمـا الـمـوس
=.
=ناصر الشميلاني

اصايل معجب بهذا

[ابو مناحي]

عندي وعندي وعندي ومحتار=يرضى بعض والبعض الاخر بيسخط بين الإشاده والعتب قبل الانذار=كم كلمةٍ في خاطري تحتها خط =. =ابو مناحي

اصايل معجب بهذا

[ابو مناحي]

يطري علي الطيب واضحك مع الجود=وبيني وبين الطيب خوّه وميعاد طيبي وجودي طول الايام موجود=بالمختصر ورثي من قسوم الاجداد =. =ابو مناحي

اصايل معجب بهذا