♪♫ خواطر ناصر♪♫

[ابو مناحي]

ياللي بدربي رميت الشوك=من علّمك تَغْدر اصحابك
منته بسالم وفيك شكوك=وطعون قلبي من اسبابك
طعنت بيديك من حبوك=ياشين طبعك وهندابك
خلك ضحيه لمن غشّوك=خلاص ماني من احبابك
=ابو مناحي

اللحالي الغيداني معجب بهذا

[ابو مناحي]

ان كنت رايح لاتردى مع الناس=روح بطيبك لايقل احترامك
الناس مثلك عندها قلب واحساس=مانزلوا من قيمتك واهتمامك
الطيب للطيب دلاله ونبراس=ارفع مقام الناس ترفع مقامك
وبنك الغناه اخير من بنك الافلاس=يابنك وقتك لايغير نظامك
=ناصر الشميلاني

اللحالي الغيداني معجب بهذا

[ابو مناحي]

بعض الحبايب بدون اسباب=صاحي بتفكير مجنوني
أجيه عاني وادق الباب=ويقفل الباب من دوني
ماني منافق ولا كذاب=امشي بعرفي وقانوني
الله يسامح خطا الاصحاب=ما اسبهم لو يسبوني
=ناصر الشميلاني

[اللحالي]

المشاركة الأصلية كتبت بواسطة ابو مناحي

ان كنت رايح لاتردى مع الناس=روح بطيبك لايقل احترامك
الناس مثلك عندها قلب واحساس=مانزلوا من قيمتك واهتمامك
الطيب للطيب دلاله ونبراس=ارفع مقام الناس ترفع مقامك
وبنك الغناه اخير من بنك الافلاس=يابنك وقتك لايغير نظامك
=ناصر الشميلاني

نعم نعم صح لسانك

يالجنيه
يابنك وقتك لايغيّر نظامك

[ابو مناحي]

الله يبارك عيدكم يالحبايب=وعساه عيدٍ بالسعاده يعيدي
ان شفتكم في خير والبال طايب=هذا مناي وشف بالي وعيدي

اللحالي الغيداني معجب بهذا

[ابو مناحي]

العيد له فرحه وانا فرحتي غير=مير الليالي غيبها ما عرفناه
صحيح يادنيا المعنا مقادير=ماكل نفسٍ تدرك اللي تمناه

اللحالي الغيداني معجب بهذا

[ابو مناحي]

الله يديم الامن في كل الاوطان=والستر ربي للخلايق يديمه
حبيت اهني قايد الحزم سلمان=الحاكم اللي له مواقف عظيمه
بالمختصر سلمان في كل الازمان=من لانجبت مثله تراها عقيمه

[ابو مناحي]

يوم حل العيد وازداد الفرح=والتهاني في سراها ماشيه
لجل تزداد السعاده والمرح=جيت اهني للملك والحاشيه

[اللحالي]

عيدك عساه بكامل الخير ويعود
وعساء لك الايام عيد وسعاده