عمي جزاااااع ^^

[اللحالي]

المشاركة الأصلية كتبت بواسطة اصايل

الطيب ساسك وانت للطيب ديوان
قول صحيح ولايبي له براهين
لبست من طيبك على الراس تيجان
تاجٍ قويّ ولا تحوزه سلاطين

نسمات رقيقه

..تداعب أرواحكم العطرهـ

وبسمات تنثرونها ..هنا وهناك..

تمنياتي بأن تكون امسيتكم هذا المساء معطره بالفل والكادي
فبهذه الامسيه لنا موعد مع الأبداع وموعد مع العطاء المستمر
..موعد مع غيمه محملهـ بقطرات صافيه وعذبه
تمطر علينا فـ/تفوح رائحه التميز .. والنقاء
الذي لـ/طالما اسعدنا بروحه المرحهوطيبة قلبه

فلا نمل منه..ولا نسقم.. فلطالما بث فينا روح الحماس والعطاء المتواصل

فإحتفاليه موعدنا اليوم تتسم بالرقي والجمال
لكونها لقلم أعطانا الكثير من وقته وجهدهـ وابداعه
ليكون المنتدى مرسى المبدعين والمتألقين
ونبع صافي بما يحمله من فوائد ومواضيع جميله بأعضائه

فلذلك احتفاليه اليوم فريده من نوعها
لـ/ القلم المــآسـي ..والقلب الصافي.. وتكريم والدنا الغالي.

جزاع الغيداني

ياسيدالأبجديه.. يامن تضم بحر لا ساحل له
من طيب الكلام فاستقينا منه الكثير والكثير ومازال بحاله مد بموجه العالي

فأستحق بكل جدااااااااارة وسام النجم المضئ

تقبلوه بأسمي وأسم جمييييع الاعضاء

تحياتي
بنتك الاموره ^^
أصايل حرب

يابنت اخوي اقول من منطق لسان
الله يثيبك من اجزال التّثامين

من عنده التوفيق في جزل الاحسان
يالله حقق طلبتي قولي امين

تستاهلين الخير من عند رحمن
الواحد اللي في رجاه المسلمين

يابنتي يشهد الله تأخرت بالرّد لعلّي اجد اجزل ولكن بصراحه اجد نفسي امامك وامثالك ماني شاعر والعذر والسموحه منّك يالاميره اصايل حرب

الله يقدرني على اللي لكم جميع بمابيني وبين الحي القيوم

اللهم اصلي على محمد كما صليت على ابراهيم

دحمان-الحاج ,اصايل معجبون بهذا

[اللحالي]

المشاركة الأصلية كتبت بواسطة ترانيم حربيه

الف الف الف مبروووووووووووووك

قلم ينبض حكمة وروعة وجمال

يستحق ان يكون ذلك النجم الساطع والمضيئ دووما

آدام الله عليك الصحه والعافيه وطولت العمر ابوسلطان

وتستاهل بصراحة ..وهذا اقل القليل بحقك ياقلب المنتدى



مــبروك يالنجــم المضيئ بسمـــانا

لاجــيت ليــل المنتــدى ينقـلب نور

وجـــودك اغــلا شي في منتدانـا

ومن كثر طيبك صرت بالخير مذكور

يـــالله طـــلبتــك لاتخـــيب رجــانا

تحفظ لنا الشايب ويعيش مسـرور

هلابك ترانيم هوانا ابي اقدر ارد عليك وإلاّ مثل اختك اصايل وبعد طلال بالطريق ؛ يحليل اللي يعبرون كتابيّاً

كان الكريم من المدايد عطانا
تبي تشوفين المهاوش له زهور

و يصير من بين الزهور روجانا
ونفض الشّوش مع الهبايب له غبور

وعلى ماقالوا بالشمال قصرانا
اللي ضحيّتهم ببيت الله الثّور

و أليا تهادينا وذكرنا غلانا
قلنا ولا فينا بالاقوال محيور

وقول الطّنايا ايه هانا وهانا
ويصير يشقابه من النّاس ممرور

يابنتي هذا اللي يسمح به حسن التّعامل من الشايب قصدي الشباب الخير

ياشيب الشايب شيباه

دحمان-الحاج معجب بهذا

[اصايل]

اللهم آمييين

الله يسعدك ياعمي على الدعوه الحلوه

والرد الراااااااقي صح لسااانك

كل الشكر والتقدير لك ولكل من شارك





خلاص ياعمي افرااااج انبسط

دحمان-الحاج ,اللحالي الغيداني معجبون بهذا

[اللحالي]

حلووووووو المسلمين لينين الجانب ياسلام

الله يجزاك الخير واخوانك المسلمين

اصايل معجب بهذا

[اللحالي]

المشاركة الأصلية كتبت بواسطة طلال الغيداني

يستاهل التكريم رجل الكرامه

والعز والناموس والفخر والطيب
رجل الشعر رجل الادب والزعامه
رجل الثقافه والثقه والمصاعيب
خالي وكلن نجـدته مـن حـزامه
لكن فـخري فـيه مـايـلـحه ريب
اليا فخروا بالخال شت العمامه

واقول خالي ذيب وانا بعد ذيب

لا تمدح الشّايب يثوّر عسامه
ثم قام يومي بالقني والمشاعيب

لو ما بيده إلاّ قضيب الثّمامه
تضيق في ركضه وساع المراحيب

ومن شاف زوله قال هذا علامه
وش فيه يوم انّه يهزّ المصاليب

ماهو بساعة محتمين الجهامه
نقول معهم دون حرش العراقيب

وانت السّبب يابو رغد بأحتدامه
يشوف نفسه شيب يابناخي الشّيب

شف حالته يوم اعلنوا له وسامه
الله يستر لا يغثبر مشا ريب

ياللي بخالك مأنت جاهل فهامه
ماعدّل أهواشه كثار التّجاريب

لولا ان باقي في ضميره رحامه
ماطلّعوه الرّبع من فندق غريب

وانت تعرف يمّ الشمال أنهزامه
كنّه يتالي زاهيات الدّباديب

يمرّ بالزّرقاء مرور الحشامه
ويفكّه الله من دغول الغياهيب

الله يحقق له هدايف ريامه
قبل يجي للرّوح قشر التّسابيب

والسموحه منّك ومن الجميع

قبل الشايب يجيب العيد بأسراره

الله يستر من بعض ناس

ههههههههههههههههههههه

هذي ماهي ضحكه هذي دموعٍ حمر

دحمان-الحاج معجب بهذا

[ترانيم حربيه]

صح لسانك واعتلا شانك يسلمووو ياجدي انت

اما المهاوش الله لايعوق بشر قريب ان شاءالله

مع اني اشوف كنك طلعت من الفندق مع انه مهو ودي

بس يقولون رمضان قرب ومافيه روحات منى ولامنى

هههههههههههههههه

دحمان-الحاج ,اللحالي الغيداني معجبون بهذا

[ترانيم حربيه]

وانت تعرف يمّ الشمال أنهزامه
كنّه يتالي زاهيات الدّباديب

يمرّ بالزّرقاء مرور الحشامه
ويفكّه الله من دغول الغياهيب

هههههههههههههههههههههههه

ياشيب عيني من الشايب شيباااه على قول جدتي

كل جيت طلال بركه كنها طلعت بعض المخفي ياليته يمر دايم

دحمان-الحاج ,اللحالي الغيداني معجبون بهذا

[معيض الضعيني]

السلام عليكم ورحمة الله وبركاته
واولا المعذره عن الانقطاع وذلك لعدم وجود مت بالبيت والجوال الردود تصعب عليه وتكثر الاخطاء
وثانيا بشروني عنكم عساكم بخير جميعا اخواني والاخوات
ثابثا الف الف شكر اختي اصائل واعضاء منتدى اللحالي الغالي
على تكريم من يستحق التكريم والدنا ابو سلطان العم جزاع اللحالي التي لانوفيه حق من التكريم والحب والتقدير
يعلم الله اني معكم قلبا وقالبا بحضور او غيابي

الشايب اللي كرمه منتدانا
يستاهل التكريم من جملة اعضاه
عساه دايم محلق( ن)في سمانا
ويمد بعمر العود في طاعة الله


معيض
مشاعر واحاسيس

دحمان-الحاج ,اصايل ,اللحالي الغيداني معجبون بهذا

[اللحالي]

بالنّيابه تسلم يابو وليد وابشرك الجميع بخير

ومعذور يالغالي

وان حصل هواش منا وإلاّ منا اعطيك خبر ع الوتس

والله يابو وليد بس وحده اللي فقدانها

عيّا يغيب عن البال

اللي هي همس الايام

اصايل معجب بهذا

[ابو مناحي]

	الف مبررررررروك لمعزبنا ابو سلطان اللي نكن له كل تقدير واحترام وطيبه سابق على الجميع ويستاهل التكريم والتشجيع والشكر لكل من ساهم في تتويجه وتكريمه وتهنيته بالعبرات او بالابيات او بغيرها ولو اكتب عنه مهما كتبت فلن اوفيه حقه اسأل الله ان يوفق الجميع لما يحب ويرضي وبيض الله وجيهكم ولاهنــــتم ولكم تحياتـــي وتقديـــري .

دحمان-الحاج ,اصايل ,اللحالي الغيداني معجبون بهذا