تغريدات الشايب

[اللحالي]

ياعبدالعزيز البيت من مبتدى التسييس
على منهج التسييس في وقته القاسي

ماني قايلن يامسندي سببه تعميس
ولا جت له الاسباب من بعد الارماسي

[اللحالي]

‏صديقي الهوجاس في ساعة الهمّ
يفزع مع اللي فازعٍ به نصيبي

مالي بهم مقصود بالمدح والذّم
لو منهم المولود راسه يشيبي
من ابيات

[اللحالي]

يافاهم المقصود يامارد الجمّ
ارسل نديبك في مخاوا نديبي

لعل ماخجّت به الشلف يلتمّ
في ساعةٍ ماله بسقمه طليبي

[اللحالي]

اشوف بشمالك يالوطن للسّحاب ازوال
و ابي اروح يمّك يالحدود الشماليه

هذيك الدّيار بناسها تضرب الامثال
شمال الوطن واللي شماليّ غربيّه

اصايل معجب بهذا

[اللحالي]

اللي وقوعه فوق شوكة كداده
من بعد ماهوبالفضاممضي سين

لا تنحتينه يا عيون الجراده
ثم يندفن بالارض وانتي تطيرين

[اللحالي]

الكبر له ناسٍ عن البرد تدفيه
وتكيّفه في حاميات السّمايم

لياضاف عند اللي كبارٍ علابيه
يبشر بمن يشيل عنه الذّمايم

اصايل معجب بهذا

[اللحالي]

الضيف قبل يضيف من عنه يدرون
اعنيك يامن طلبة الله طبيبه

يالحزن قبل يسكن بعين محزون
وشلون نظرات العرب تستريبه

دامه بعلم الغيب من به يعرفون
قبل تنادي به سبوب المصيبه

اصايل معجب بهذا

[اللحالي]

ياكثر نومي وانا في جرهدن خالي
و الثّوب صيفي و انا بالمربعانيّه

ولأعرف أجمّع حطب من كثرةهبالي
بين الجنوبيّه و بين الشّماليّه

[اللحالي]

ياخوفتي يالبحر كان اندلج لفظك
واسفربجدّه عرب عفّاش والسّيسي

ماني بعارف قبول اللفظ من رفضك
لأحفاد فرعون مع أحفاد بلقيسي

[اللحالي]

و الله مايذبح الرّجال بين الجموع
غير احترامه لناسٍ ماهي كفواحترام

ياصل به الأمرفي حالة طروز الدّموع
رغم المعيبه من الشّدّات دمع الكرام