تغريدات الشايب

[اللحالي]

الشايب اللي بتال العمر يتسجوج
ماكنّه...إلاّ..بخف..العقل...متهيّج

بين الاوادم بضيق الصدر يتحجوج
وهو مع قرينيسة..الاجنان وغنيج

من شانها مع عديد.فجوج يتهجوج
واللي يشوفه يقول الشايب مريّج

[اللحالي]

من ما سمعته..من هذولا..وذولاك
زاد..القصيد و زاد..فيه..احترافي

زاد..الرّصيدوزادت سكوك الاسباك
ومن معدن القصيد صرف القوافي

اصايل معجب بهذا

[اللحالي]

ياللي تقول أراسلك في سنبشات
انا أشهد انّا خاسرين البخوتي

ماتجمع النّمله من بذور الأنبات
يروح لقمه للبعير السّحوتي

الجوّ صار لممتطينه مسارات
العنكبوتيّه مع العنكبوتي

[اللحالي]

انا أتلو كتاب الله مثل ناس يتلونه
ولكن تلاوة صمت ماني بجاهرها

واشوف روحي كل ماتلوه ممنونه
ليا أرسلت من عيني للأيات ناظرها

يجم الوجل بالصّدروالحدب من دونه
تجاره وفي حانوت و القلب تاجرها

[اللحالي]

و لّ ياطيرٍ عناه معيّفه ملواحه
شايفه ولا يبيه و للنّدى مايوحي

ماتقل يسمع من الصّقّار طول صياحه
رغم طول الحنجره في صوتها المبحوحي

هقوة انّه ماطمع ينفض بريش جناحه
ويوم حصلت نفظت الجنحان قال سروحي

[اللحالي]

ياربّي طلبتك يالعلي العظيم ارجيك
فبيتٍ من ابيوتك وللبيت متوجّه

ياعالم بحال اللي بمطلوبه يناجيك
توفقني المجهود في عشر ذالحجّه

[اللحالي]

اللي يسوّي طيب يبي المدايح
لو شيّد الحفلات ماهو بمخلوف

ومدح المجامل من كبار الفضايح
لوكان في كل القناوات مشيوف

[اللحالي]

يابراد الصّبح لا تخدع اللي بك سرح
كيف حاله يوم تلحق عليه القايله

مامعه بدره وبالرّمضا بعيد انطرح
وقابض الارواح بالمطيح قام يشايله

[اللحالي]

يالسّتر لاتاقف بدرب الفضيحه
ترى الفضيحه وقتنا اليوم تاطاك

ثم وين قبرك يالنّزيل بضريحه
واللي تشبّث فيك وشلون ينعاك

[اللحالي]

ياللي تبي من خالق الكون جزوى
تغانم السّاعات في غرس الابذار

لادام روحك في حياتك تعزوى
اجعل حياتك حقل موفور الاثمار