تغريدات الشايب

[اللحالي]

لاتبحث التاريخ ياطامعن فيه
تراك تلقابه اشناع المواجع

ومن الضعافي يكثرون المشاريه
المسعد اللي مايعرف المراجع

[اللحالي]

لياقام صاحبك المعادي يساومك
وفي حالك ومالك يمد الايادي

تراه قد بيّت ببطنك سقاومك
و يبيك ربيع ورعاك الجرادي

[اللحالي]

ماهوبخافيكم كلام الاشاريس
ادغال ماقالوا ماهي خافيتكم

ليادقّت الألسن طبول النّواقيس
تـنا قــلت دقّـاتـهـم آلسـنـتـكـم

[اللحالي]

اللي بمسراحه يدوّر على الرّي
بأرض الجزيره حافياتن اخفوفه

ماهوب لاجنّي ولاهوب انسي
ومن مايح الرّحمات عينه ذروفه

[اللحالي]

يقول فرحان الرّبيلي بمعناه
الله يرحم من غدت به احتوفه

يقول يشوفه عمى العين بخباه
وإلاّ المفتّح ياصله مايشوفه


الله يرحم فرحان الرّبيلي واخوانه المسلمين

[اللحالي]

الاياوجودي وجد من للخطر مزهوم
وعقبه بنات مع اليتيمات ينخنّه

ولافيه غيره في صدى المعضلات يقوم
بو قتن ذكور المجتمع خيّبوا ظنّه

[اللحالي]

ي الله راجينك تحقق رجانا
يالرّحم الرّحمن ياحي ياقيّوم

ي الله تنصرنا على من عادانا
بجهاد في عونك على نصرمظلوم

[اللحالي]

يالله ياللي مأنت بالنصر عاجز
ياعالمن في مايعانيه الاسلام

:::::::

واسباب ماتملي علينا الحواجز
غصبٍ علينا نقبل الصّبر يالشّام

::::::::::::::

خذ عن فلسطين الجريحه مواجز
خمسين عام لمن ينفّذ بالاكمام


ابيات من قصيده

تبرك جاثيه في غياهب آل لاجدوى
إلاّ ان يقيّض الله امرٍ من عنده
مانحن إلاّ برجواه الحي القيّوم

[اللحالي]

القرش ماهو بس في بين الامواج
القرش بفجوج الاراضي نشوفه

اقول لك بإجاز منعن للأحراج
افكار غلثه و النّفوس مهروفه

[اللحالي]

قالو لي قصيدك وليه مايشرح عنك
مثل مأنت تشرح عنه الكمّ والكيفي

واقول انّي انا البنك وهورصيد البنك
وبين البنك والرّصيد مامن تخاليفي