يا مزعم

[اللحالي]

اللحالي الغيداني

يا مزعم أنـت اليـوم قايـد سربه=من حـرب عبـر النّت بالمنهاجي
‎ ‎‎ ‎ ‎ = ‎ ‎ ‎
الأجنحـه لك وأنـت راس الحربه=ولكم مع فجـوج الفضا مـرواجي
‎ ‎‎ ‎ ‎ = ‎ ‎ ‎
شوفـوا لشايـب بين غِـبّ وقَربه=لا زال بـسـهــال الـوطـا دوّاجـي
‎ ‎‎ ‎ ‎ = ‎ ‎ ‎
بيــن أهَلِـه كـنّـه بـحـالـة غـربه=مـذهـول مِمَّـا صـار بـه متفاجي
‎ ‎‎ ‎ ‎ = ‎ ‎ ‎
يعمـل على كيبـورده وحسّـر به=ما يحفـظ دروسـه مع العرواجي
‎ ‎‎ ‎ ‎ = ‎ ‎ ‎
لانـي جـيلـوجـيٍّ يحـلّـل تــربــه=ولانـي كـبـتـن للفضا مسجاجي
‎ ‎‎ ‎ ‎ = ‎ ‎ ‎
وشلون أعرف النتّ وأتشيطر به=في مثل قولة للصّبي سرواجي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎

ردّ مزعم الكمي

جـزاع كل اللي تـبـيه ابشـربه=وانت المهاجم مانت عندي لاجي
‎ ‎‎ ‎ ‎ = ‎ ‎ ‎
افـسّـر الـمـوضـوع وافكربه=كل الـحـروف مـخـتّـمـه بالـتاجي
‎ ‎‎ ‎ ‎ = ‎ ‎ ‎
يا شـايـب امر الله شـق القربه=عـمـّت غـني الناس والـمـحتاجي
‎ ‎‎ ‎ ‎ = ‎ ‎ ‎
واللي يـدوّج سـهـّل الله دربه=الـعـام يــذكــر لي مـع الـحجاجي
‎ ‎‎ ‎ ‎ = ‎ ‎ ‎
والـيوم تـشـغيل الـجـهازأثربه=ويـقـول ماطـابـق مـعـه مـزاجي
‎ ‎‎ ‎ ‎ = ‎ ‎ ‎
وش لـون مايعرف له وينشربه=أكـيـد بالـمـوضوع هذا احراجي
‎ ‎‎ ‎ ‎ = ‎ ‎ ‎
أمّـا ربـح بالسـوق والا اعذربه=لـوكان مـا هـو بالـقـفى هـراجي
‎ ‎‎ ‎ ‎=‎ ‎ ‎
‎ ‎‎ ‎ ‎=‎ ‎ ‎