10-31-2014, 02:54 AM
|
#1 |
|
مالك الموقع
تاريخ التسجيل: May 2014
المشاركات: 6,555
|
الغايبه دايم يغيبون معها
مع هجعة اللي يختفون أول الليل=الغايبه دايم يغيبون معها النفس تاقت للسمر والتعاليل=والعين أشوف النوم خالف سنعها وطاب الجلوس بجانب النار ياشعيل=وحط الحطب في ترعة ٍ من ترعها وإليا استوى للجمر فيها دحاميل=وأقبل تواهجها وقفى ولعها درج على المحماس من غير تعجيل=برية ٍ دوب اليماني قطعها أول قطاف سفوح شم الأقاذيل=اللي جذا حوم الوحش عن فرعها شم يساقيه السحاب بهماليل=لين يتحدر سيلها مع تلعها وترى لحمستها نظام ودواليل=وشريعة يمشى بأثر من شرعها أول بدايتها مدافع مخاليل=ومسرى جماميلٍ بغالي سلعها وسوق ٍ كما سوق الجمال المحاميل=مازال حموى النار ماقد لذعها وإليا تطلق من شذاها زعاجيل=وبشت عرق واللون الأشقر نشعها فالحال سهلها عن النار تسهيل=حتى لظى المحماس ما يدّرعها وغير لها يا شعيل مسرى الجماميل=بطراد زلبات ٍ تزايد فزعها تدريجة الحيران ومطارد الخيل=هذي طريقة حمسها واتبعها وعقبه تميلها على النجر تمييل=جذاب روس القوم من منتجعها عوايد له من على سالف الجيل=ماهي حديثه تونا نبتدعها ومن يوم تنعمها فدوك الدعابيل=فوق أصهب اللون الربيب تهزعها وتضبط قياس الماء لها بالمكاييل=ضبط الخبير لصنعة ٍ مخترعها ومن يوم تقطع خلها مثل ما قيل=ترخي على هدفى السبيل مخذعها مبهارة ٍ تذعر بغالي التشاكيل=طب العماس إليا تيسر تبعها صفرا كما القنديل حسنا تعازيل=من صنعة الرسلان الأول صنعها لا دارها اللي يعتني بالمعاميل=وفاحت وبالفنجال الأول ردعها وفيها تساوت خنة البن والهيل=والنفس دافعها عليها دفعها قم صب لي ياشعيل منها فناجيل=على سنا ضوء تهادى ولعها أظنها يامال طول التماهيل=تقلع همومي كان ربي قلعها وتفتح لها أبواب بصدري مقافيل=وتجمع لي أفكار ٍ تشتت ضيعها وآخذ بها عن ضيقت البال تبديل=وصروف دنيا ما مشت مع سنعها دنيا تصيد بالشبك والمحابيل=ناس تسايرها وناس تخدعها أحد تجي له بالرضا والتساهيل=وهو لو تعب في جمعها ما جمعها وأحد ركابه مقفيات ٍ مقابيل=ولاباب والا نافذة ما قرعها وتعطيه قاف إليا طمع بالمواصيل=وينكف معيف وسامح ٍ من طمعها دنيا تقذل سبق الحر تقذيل=وتوهنه في ربعة ٍ من ربعها لو قد مضى له من شقاها غرابيل=يوم الحرايب مظلمات ٍ قطعها يوم الطلوع ابها على الهجن والخيل=ما قد فهق عن طلعت ٍ ما طلعها ويوم استقرت وأغدقت بالمحاصيل=صارت منافعها لمن لا نفعها عقبانها تمسي قوايا مواجيل=والمستفيد غرابها مع مرعها واللي مسار أمورهم بالبراطيل=واللي متى ما وافقت له بلعها ومن ذاق در المرزمات الأباهيل=أما حلبها حلب وإلا رضعها وحصنيها يرقص على هزت الذيل=ولو يجتمع قدمه سباع ٍ سبعها ولا عندنا ياشعيل للعوج تعديل=مازال ممشاها على العدل أطعها وإن شفتها قامت تجانف على الميل=بأردى ثمن عند أول السوم بعها واستثن منها قومت ٍ بآخر الليل=في حزة ٍ كل ٍ يحب يهجعها لا جاء لثلث الليل الآخر تراتيل=وقامت ملائكة الرضا قمت معها في ساعة ٍ تكبيرها والتهاليل=يجنى ثمار عذوقها من زرعها وخل اجتماعك بالرجال الحلاحيل=اللي خيار المجتمع مجتمعها ولا تبدي الشكوى ولو ضامك الشيل=الا على رجل يحس بوجعها رجل إليا التفت عليك النشابيل=أما شبرها شبر وإلا ذرعها واختار مفتاح ٍ للأرياء المقافيل=روس العلا يرقيك في مرتفعها ومن الزمان اخذ العبر بالرحاحيل=اللي منازلهم تهاوى بقعها يافجعتي لاجيت بعض المداهيل=ولا شفت فيها عقب حي ٍ رتعها إلا رسوم دارسات ٍ مساميل=وخرايم ٍ يزمى السراب بشمعها بلاقع ٍ شهب ٍ تهاوى زهاليل=الظّاهر أن اللي فجعني فجعها من عقب أهلها لو سقتها المخاييل=مالله نفعها وبركتها نزعها لاجيتها جضيت من قلة الحيل=ودنياي عندي ضاق بي متسعها على حلاحيل تضد الرجاجيل=حصن ٍ ماعاد إلامقالع شيعها السته اللي يستحقون تفضيل=النفس وين أرضٍ بعدهم تسعها عاشوا على الدنيا كما رافد النيل=بنفوس ما سيطر عليها جشعها ولا قلت قولٍ مامعي منه تذبيل=يا مذيعها للناس إخذها وأذعها وحق القبايل ما أعترض له بتقليل=الناس ما أظلمها ولا أنقص وزعها فيهم مشاكيل وفينا مشاكيل=ياما من الأخيار معنا ومعها للشاعر / عبد الله بن عون العتيبي
__________________
لا إله إلا أنت سبحانك إنّي كنت من الظّالمين |
|
|
|
10-31-2014, 01:14 PM
|
#2 |
|
عضو مُشارِك
تاريخ التسجيل: Jul 2014
المشاركات: 62
|
فهنيئاً لنا بك وباختيارك للقصائد التى ترتقى بشعور الاعضاء دمت لنا ودام تألقك عذراً لانقطاعى بعض الوقت فالكل يعلم بالظروف التى تمر بها بلدنا دعواتكم لنا ان نعبر تلك المحنه تحياتى |
|
|
|
|
11-01-2014, 02:11 AM
|
#3 |
|
إدارة عامّة
تاريخ التسجيل: Jul 2014
المشاركات: 5,325
|
أبيات رائعه نظم ومعنى دمت بسعادة
__________________
 |
|
|
|
|
11-03-2014, 02:09 PM
|
#4 | |
|
مالك الموقع
تاريخ التسجيل: May 2014
المشاركات: 6,555
|
اقتباس:
ودعواتنا والله لكم من القلب يالغالي الله يفرج المحن عن المؤمنين بربّ العالمين في جميع البلادين يامن لايستعان إلاّ به ياعالم الاحوال عليك الأتكال ياذالجلال اللهم انصر المجاهدين المستعينين بك بالذود في دينهم وعن انفسهم وعارهوم واولادهم واموالهم فلاناصرلهم إلاّ انت ياعالم الخفايا والنّوايا ياحي ياقيّوم تقبل؟
__________________
لا إله إلا أنت سبحانك إنّي كنت من الظّالمين |
|
|
|
|
|
11-03-2014, 02:16 PM
|
#5 | |
|
مالك الموقع
تاريخ التسجيل: May 2014
المشاركات: 6,555
|
اقتباس:
صح بدنك وتسلمين يا أصيلة حرب تحياتي لك وتقديري يااااااااااام هههه .png "1 (7)")
__________________
لا إله إلا أنت سبحانك إنّي كنت من الظّالمين |
|
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة قوية للشاعر / محمد داخل الحربي .. امام الملك سلمان | فارس الامواج | جلسة النخبة | 2 | 07-04-2016 08:43 PM |
| صور مدهشة داخل أكبر كهف في العالم | اصايل | الصور والتصوير الفوتوغرافي | 2 | 11-23-2015 04:03 AM |
| كلمة خادم الحرمين الشريفين الملك / سلمان بن عبدالعزيز ... حول مكافحة الفساد | فارس الامواج | الصحافة والإعلام | 2 | 07-18-2015 04:34 PM |
| خادم الحرمين الشريفين يجري فحوصات طبية بمدينة الملك عبد العزيز | اللحالي | الصحافة والإعلام | 0 | 12-31-2014 02:43 PM |
| كلمة خادم الحرمين | اللحالي | الصحافة والإعلام | 0 | 08-02-2014 03:09 PM |
العرض العادي
