كيف انت

[اللحالي]

يامرتادي المنتدى انا سولفت مع باكستاني بحزم الجلاميد وأثره معروف عند واحد من الجماعه وحصل الحاصل من اللي بالعارض و اللي بحزم الجلاميد على اللي بباريس نجد وإليكم الاتي

كيف انت يافـوّال حزم.الجلامـيد
على طريق طريف شرق. القريّات

بالدوله اللي شـعبهـا لـه تـمـاجـيد
على طـريق المصطفى بالرسـالات

جيتم لـها من داركـم من لـواهـيد
ياشين لياجارت خباث الحكومات

من دار باكسـتان جـيتـم شـواريد
اسـفـاركـم مـنّـاك عـبـر الـجـويّات

واقول انا مقـرود صاحَب مقاريد
في وقـت برد.بتالي العمر بالذّات

وَإلاّ الزمان بخير مـافـيـه تـنـكيد
فضل ٍ.من اللي له تقام الصلاوات

يامن رزقت الطير مع شرّدالصيد
واللي بغبّات الـبحـور الـغـزيـرات

تـمـدّهـم بـارزاقـهـم دون تَـفـويد
ارزاقهم بأفضـال مـاهـي بـمـنّـات

واعمارهـم متفـاوتـه بـالـتـمـاديد
يامعتلي عرشك لسبع السّمـاوات

اللحالي سرهيد



إلى الاتي كما وصلني على الوتس يقول؟

اتصلت عل الباكستاني وقلت له لطف العبارة شوي سرهيد نيته طيبه ، ولاتحرش عليه. ثم يحرمك الله من قيمة الفول بالمرات الجاية. واشوفه سوى تغيير.

(مسكين) انا يجـي لدار الاجـاويـد
منشان انا(يسوي)لهم شاي واكلات

معي زبير ، وخـان واخي وشاهيد
(كلو)يجي من شان يجمع ريالات

لكن قلّي ليش (يجي) ياسـرهـيد
انا معلوم؟ انـتـه (يهـب) النباتات

مافيه ضب نقول(انته)يبي يصيد
وإلا ربـيـعٍ يـجذب هـواة مكشـات

لـفـح الـهـواء آثاره تسبب تجاعيد
واليا تأزّم؟ يـمـكن يـسـبـب ازمات

هـواية الكشتات مدري وش تـفـيد
يوم انكم تـطـوون كل الـمـسـافات

وتـطـيـرون فلوسـكم مع هوا البيد
واشـغـلـتـم الـعـالم بروحة وجيات

خلاص(جيب فلوس)مافي تناهـيد
مـقـابل الفول الحمر و الـخـبـيـزات

انـا (يـهـب)يـروح يـم. ام؟ جـاويـد
(معلوم)هي(يهب) شوف القريشات

رجا جهز الهويملي

الهاشمي معجب بهذا

[الهاشمي]

ياسلام عليكم يالنشاما اشهد انكم اسعدتمونا بالوقت اللي نحن محتاجون لهذه التعبيرات ذات الجزاله والونسه شعريه

اللحالي معجب بهذا