مخلوق مامثله بها الكون مخلوق

[ابو مناحي]

يا هوه لا تغني علا كل طاروق=وانا علا بدع الطواريق مشتاق
اصخّر المعنا واجيبه علا الذّوق=واسوقه بكيفي ولاسقت ينساق
واثمّنه وانزل بغاليه للسووق=ماجيب سلعه ماتثمن بالاسواق
من شان له عندي مطاليب وحقوق=اكمّل حقوقه واراضيه لا ضاق
لان الهوا غلّاب يستاقني سوق=اذا عرضت ريميّةٍ عظمها دقاق
جريت ونّه خلّت القلب محروق=مره يفوق وفيه مرّات ما فااق
وتلّت معاليقه ولا فيه معلووق=ماهو بمحرق ياولد منَّها احراق
وجدي عليها كل مالاحت بروق=وجد اليتيم الّلي للابوين توّااق
ووجدي عليها كل مايطري الشوق=وجد بدويٍّ شاف بالمزن برّاق
وجدي على اللي كنّها بالسما فوق=وجد الصغير الي شكا هم وفراق
ام العيون الناعسه كلّها ذووق=الصبر بعد افراقها كيف ينطاق
مخلوق مامثله بها الكون مخلوق=حبّه سكن قلبي وثابت بالاعماق
يهدا ضميري كل ما جات ويروق=وفراقها يجرح كما موس حلّاق
=ناصر الشميلاني

سعد السمين ,اللحالي الغيداني ,اصايل معجبون بهذا

[اصايل]

صح لسانك وبيض الله وجهك

ابو مناحي معجب بهذا

[ابو مناحي]

حياك الله يا اصايل
وصح الله بدنك
والروعه والجمال تكتمل بمرورك
الرائع وحضورك المميز

[اللحالي]

يهداضميري كلّ ماجات ويروق
وفراقهايجرح كما موس حللاق

والله مدري وش كتبت يابو مناحي مير صح لسانك واعتلا شانك والف مليار شكر ولايكفيك على هالرّائعه يالجنيه ماجاء هالاسم من عبث يالغالي
والله اني كل ماقلت اترك الشّعر عشاني ماجيد كامل فنونه
ثم اسمع لجنيه الشعر وامثاله يصيبني خلاج على مايقولون
ثم ارجع على
ياطير يالّي بالفضاء تنفض الرّيش=ودّي معك يمّ الفضاء من خراشي
وش لي بأشجار الوطاءوالعشاعيش=أبيّ ذعاذيع الهوى بنتعاشي
رزقي من الله ينكتب ليّ واباعيش=من وين مابالكون ياتي معاشي
والمعذره من الجميع تراي ماصبر عن مهاوش ابو مناحي

[سعد السمين]

صح لسانك مليووون يابو مناحي

قصيده في غاية الروعة والجمال

بيض الله وجهك

تحياتي وتقديري لك

[ترانيم حربيه]

وااااو رائع دائما ياجنيه الشعر

قصيده لايكفيها كلمة روعه لانها ابدع بكل ماتعني الكلمه

صح لسانك وعلا شانك لاعدمناك ولاعدمنا ابداعك

[سحر المساء]

الله الله
والله زمان عن قصايدك الجزله يابو مناحي

عساك بخير