09-17-2020, 04:04 PM
|
#1 |
|
مالك الموقع
تاريخ التسجيل: May 2014
المشاركات: 6,560
|
ديوان الشاعر تركي نجر
البارحه عيني لها السهر صاحبّ والنوم عياء ناظـري يـهـتـني به وكن العيون بموقها ينثر الشـبّ واللي طراء للعين قامت تجيـبه والقلب كنه بين الاضلاع يجذبّ يسوقه الهاجوس لين ايـغـديـبه باسباب مرسالٍ لـفـاني مـنـجـبّ وذكر عليـه مـاضـيٍ يـنـحـكـيـبه في مدهلا ٍ نبت الخزاماء تعاقبّ عله من الوسمي وخضر شـعـيـبه في خايعٍ تلقى به الذيب الاشهبّ ليظلم سواد الليل تسـمـع قـنـيـبه مدهال بدوانن لها سبور و سـربّ حـمـايـه الـتـالـي نـهـار الـحـريـبه ياماعطوا في راس رجم ومرقبّ وحول من الرجم الطويل الرقيبه ولحقت بهم سرد السباياء تهاذبّ قحص المهار اللي تلاعب سـبيبه افعالهم تعرف و تذكر وتـحـسـبّ دون البكار ونـاقـضـات الـذويـبه ذكرت ماضيهم وقمـت اتـعـجـبّ والناس كلٍ ماكـتب لـه يـصـيـبه قبل يحكم راع العقال المقـصـبّ ليث جعل للحكم صطوه وهـيـبه وانا ما الومك ياالشجاع المجربّ طرد الولع مابـه عـلـيـنـا مـعـيـبه يلـومـني بـالـصـيـد دب ولـد دبّ ثـورآ تـرده عـن هـواه الـحـبـيـبه من خلقته ماقيل عـنـهـا تـغـيـبّ وان غاب يومٍ قام يشمت نصيبه ونبا مع الطيب نسافر و نـتـعـبّ و رايٍ يـقـولـه كـلـنـا نـقـتـدي به الجمس والم والمقاضي تـزهـبّ اطـو الفراش وولمـه لـلـمـغـيـبه على ونـيـتٍ لـلـمـسـاري مـدربّ صنعه حكيم صنعته يعـتـنـيـبه لياسار ويله نازح الـبـعـد قـربّ والخط للسواق مثل الـضـريـبه ويفداك حيٍ للخساير يحـسـبّ لين ان فوقه يركزون النصـيـبه الشاعر/ تركي المحرول
__________________
لا إله إلا أنت سبحانك إنّي كنت من الظّالمين |
|
|
|
09-18-2020, 04:03 PM
|
#2 |
|
مالك الموقع
تاريخ التسجيل: May 2014
المشاركات: 6,560
|
هم وهوجاس على الـقـلـب خـيـمّ اليـا دعـا لـه هـاجـس الـفـكـر فـره خطرن عليه من الضلوع يتحـطـمّ و متحمـلن لـلـوقـت بـرده و حـره ومن الـتـجـارب بـالـزمـان اتـعـلـمّ ولافي يدي تصريف حـلـوه ومـره يعلم بـه اللي بـالـخـفـيـات يـعـلـمّ ولاني وراء المقـفـيـن طـراد جـره واليا دعاني داعين قـلـت لـه سـمّ وان كان راي مسودن العرف غـره كـم. واحـد في مـخ راسـه تـوهـمّ الـلـي. رمـاه. بـدربـنـا. مـا يـســره ياسرع فله مـحـزمـه لـو تـحـيـزمّ ليته يفـتش صاحبي فـي مـصـره قـدام عن عـيب الـعـبـاد يـتـكـلـمّ والله يضر اللي سـعى بـالـمـضـره عسى حلاله لـلـمـواريـث يـقـسـمّ لا رجـين خـيـره ولا أخـاف شـره انا عن الهـرج الـرخـيـص اتـشـيـمّ دمـحـت.. زلاتـه. ثـلاثـيـن.. مـره شيمـه عرب ماهي هـروج اتـلـيـمّ اخـاف مـن شـرهـات ناس تـشـره والا الردي مـانـي بـحـالـه و لاهـمّ مـالـه. مـن الـمـقـدار. مـثـال ذره غيم سماه و فـوقـه الـمـزن غـيـمّ خـلـه يـجـر الـقـوس و الا نـجـره مافيه داعي نترك الوضـع مـبـهـمّ واليا رقص شيطانـهـا لـخـو مـره من ناشته حرش الافاعي تسـمـمّ و من دور الـغـرات يـلـقـون غـره الناس دون حقوقـهـا لا تـغـيـشـمّ مـاهـي عـلـوم فـوق زيـن الاسـره سرى بك الجاثـوم مـدري تـحـلـمّ ان طعـتني و الا الطـواريـق حـره شوري عليك ان كان للعلم تفـهـمّ وان كان نفسك بالخطاء مستمره لابـد عـن كـثـر الـمـهــابـد تـلـجـمّ تركي المحرول
__________________
لا إله إلا أنت سبحانك إنّي كنت من الظّالمين |
|
|
|
|
09-19-2020, 02:09 PM
|
#3 |
|
مالك الموقع
تاريخ التسجيل: May 2014
المشاركات: 6,560
|
عـيت عـيونـي عـن لـذيـذ الـمـنـامي أخذ من الجزلات.و احـط و اشـيـل غـدالـهـن بـيـن الـضـلـوع ازدحـامي وكل على عرفه يصـوغ الـتـمـاثـيـل وانا حسب عـرفـي بـديـت بـكـلامي جاني من البشري جديد المـراسـيـل اشّـر. و صـوّت. يـمّـنـا.. بـالاسـامـي لبيه يـاداعـي الـرجـال الـمـشـاكـيـل دام الهدف ياطـيـب الـعـرف سـامي لاهنت يا اللي لـلـنـشـامـا مـداهـيـل مدحك وتمـجـيـدك عـلـيّـه وسـامي ياسعود كل العلم جملة و تـفـصيـل مـابـينـنـا الا الـطـيـب والاحـتـرامي لاضاع حق ولا عـلـيـكـم مـداخـيـل انـتـم رجال و قـدركـم بـالـسـنـامي وراع.الكلام اللي بـلـيـا مـحـاصـيـل هـذا و مـثـلـه مـايـثـيـر اهـتـمـامـي مصدارها ياسعود من روس جهيـل و مـردهـا.. لـلـحـاويـة. و الـدرامـي لازوّدت. وزنـه..و لا نـقـصـت كـيـل عنها وسيع العرف والـعـقـل شـامي واللي يحط لناقـص الـهـرج تـأويـل يكثر عـلـيـه مـن الـرجـال الـمـلامي دامه يبي يرقص على كل تـطـبـيـل يـقـل. قـدره.. عـنـد. كـل. الأنـامـي نحفظ شيمنا في صدور الرياجـيـل ولانلتفـت لـلـنـاقـصـة و الـخـمـامي واللي ي ُومّي لـلـفـتـن بـالـمـنـاديـل يمكن حصل له بالحـياه انـفـصـامي ناسٍ يرمون الشـبـك و الـمـحـابـيـل وتدخل يديها في حـلـوق الـهـوامي وان. صـفـقـوا عـقـالـنـا لـلـمـهـابـيـل باكر على الشيـمـه نـقـول الـسـلامي لاتـفـرح الـعـدوان فـي كـل مـاقـيـل ونقل الحكي مـافـيـه كـود الأثـامي خل النظر ياسعود بالجدي وسهـيـل وارفع مقـامـك يـاعـريـب الـمـقـامي ياسعود انا خابرك من نـاس عـقـيـل اي والذي باأمـره يـسـوق الـغـمـامي متوارثين المجد جـيـل بـعـد جـيـل بـالـديـن. و الـدنـيـا عـزاز ٍ حـشـامي نعم بـبـنـي سـالـم رجال ٍ حلاحـيـل سيوفهم تكسـر صـلـيـب الـعـظـامي تشهد لهم وقت اللقاء ضمر الـخـيـل عـلـى ظـهـور مـطـيـرات الـعـسـامي سطواتهم منـهـا الـعـذاري مـرامـيـل لاسـاقـوا الـعـطـفـه نـهـار الـزحـامي ومسروح ستر للابسات الخلاخـيـل لاطـار. سـتـر مـرودعـات الـوشـامي لادبـرن. خـيـل ٍ و خـيـل ٍ مـقـابـيـل يردون حوض المـوت ورد الظوامي اللي وقف بنحورهم طاح مـاشـيـل کـم ابلج من فـوقـه الـطـيـر حـامي هـدّاتـهـم. تـبـرد. کـبـود ٍ مـغـالـيـل يشهـد لهم بالطيب شـرق و شـامي والصف واحد يابـعـيـد الـمـنـاويـل ماصار في صف الحروب انقسامي وسعد كفو لمـبھـرات الـفـنـاجـيـل تنشر لـه الـبـيـضـاء على كل زامي مثلتنا في ماقف الطـيـب تمـثـيـل ماقف دفاع ولـلـقـبـيـلـه مـحـامي ولاني بحال مسحبين الشمـالـيـل ماني على جـرف ٍ هـيـار ٍ هـدامي الشاعر / تركي المحرول
__________________
لا إله إلا أنت سبحانك إنّي كنت من الظّالمين |
|
|
|
|
09-21-2020, 02:09 PM
|
#4 |
|
مالك الموقع
تاريخ التسجيل: May 2014
المشاركات: 6,560
|
افجحٍ يطوي جراهـيـد الـصـحـاري صورته تعرض على متن الصحـافـه مركب الشيخان ورجال الـمـصـاري ان نطحته قلت مصنـوع ابـحـرافـه وان قفيته قلت شفي و اخـتـيـاري صدر حرٍ لنتهض و الـصـيـد شـافـه يعجب الصّـقـار في بـرق الحـبـاري وجه ذيبٍ لاحقه جـوع و كـسـافـه يبـدي اللي كـنـهـن روس الـشـبـاري صنع قـوم ٍ مـابـهـم ديـن و مـرافـه ان رقد وان قـام تـفـكـيـره تـجـاري در مـن سـواه و ابـدع بـاكـتـشـافـه خـص. تـايـوتـا و لاهـان. الـسـفـاري مـنـوة اللي سـاهـر ٍ والـنـوم عـافـه كـل. مـا هـمـلـج. تـقـزيـه الـطـواري دق. سـلـفـه لا تـحـسـب لـلـكـلافـه الـلـزوم.. ابـدأ.عـلـي مـن اعـتـذاري مع ميول الخط يـازيـن انـعـطـافـه ايـتــهـنـفـل مـثـل لـبـاس الـخـزاري اتـجـاهـه شـرق و بـريـده اخـلافـه زين جلده مع غياب الشمـس ساري والحفر منصاه و نـهـايـت مـطـافـه لـلـرجـال الـلـي لـهـم بالـعـز طـاري عند ابن خشمان في حفله زفـافـه لاتـعـدي.. لايـمــيـن.. ولا يـســاري شامخٍ قصره مثل قصر الضـيـافـه للوفاء والطيب في وجـهـه مـواري عقب شيخانٍ يدوسون الـمخـافـه يـوم.. لـلاعـمـار.. بـيّـاع ٍ و شــاري مابهم عن نطحة الجمع انـحـرافـه مـشبعين الـطـير وسـبـاعٍ ظـواري والوهوب لمدحهم عـنـدي طـرافـه كـل مـاجـأ ذكـرهـم زاد افـتـخـاري قالـهـا اللي مـحكـمٍ قـولـه و قـافـه عن كثير الهرج يحب الاخـتصـاري تركي المحرول
__________________
لا إله إلا أنت سبحانك إنّي كنت من الظّالمين |
|
|
|
|
09-24-2020, 12:56 PM
|
#5 |
|
مالك الموقع
تاريخ التسجيل: May 2014
المشاركات: 6,560
|
وجيناء نسوق اقدامـنـا مـن شـانه حربي وتفتخر بـه جـمـيـع حـروبه عـنـدي و غـيـري. راجـح ٍ مـيـزانه شاعر حكيم وكـلـمـتـه مـحـسـوبه ياخذ من بيوت القـصـيـد اسـمـانه نـوادر ٍ مـثـل. الـذهـب. مـسـكـوبه لاصـف.. لـولـوّه.. عـلـى. مـرجـانه يعجـبك فـي قـولـه وقـوّ اسـلـوبه و يـخـلّـص.. الـدّيّـان. مـن. ديّـانه يـوم الـمـواقـف. نـارهـا مـشـبـوبه له وقفه بالـطـيـب ضـمـن اخـوانه صفـوة رجـال روسـهـم مـعـصـوبه كلاً عـلى الـجـزلـه يـعـن احـصـانه من فعلهم شـفـت الـعـدا مـرعـوبه هاك الزمان اللي رقـص شـيـطـانه الله خـلـقـهـم لـلـخـصـيـم عـقـوبه راع. الـعـيـا مـنـهـم يـزود اجـنـانه ربـعي الـيـا جـاء مـاقـف ٍ فـازوبه و الـبـيـت مـايـبـنـاء بـلا عـمـدانه دايـم. اعـدانـا. بـالـلـقـاء مـغـلـوبه فـضـل ٍ مـن الـلـه ربـنـا سـبـحـانه انشد رجـال الـعـرف وش قـالـوبه مااجـيـب عـلـم الا مـعـي بـرهـانه دون..الـقـبـيـلـه وقـفـه ٍ مـطـلـوبه و الشــعــر ذا دوره. وذا.. مـيـدانه اخـبــارنـا...مـقـريّـه...و مـكـتـوبه كـل ٍ يـدل. اسـمـه. عـلـى عـنـوانه الـحـي. جـعـل الـلـه يـغـفـر دنـوبه ومن مات جعل الخلد هي مسكانه واللي زعل من مـدحـهـم والـكـوبه مـانـي.. بـحـال. الـعـالـم الـزعـلانه عـنـهـا الـحـرار بـعـالـي الـمـرقـوبه و الـذيـب.مـايـاكـل لـحـم ذرعـانه مااشري وابيع بـعـمـلـه مـضـروبه مالي و مـال الـعـمـلـه الـخـسـرانه وبشكر المـحـفـل و مـن قـامـو به اللـي فـتـح صـدره قـبـل بـيـبـانه كـلـمـه هـلا و الـدلـه الـمـصـبـوبه ويكرر الـترحـيـب فـي ضـيـفـانه مـشـاعـر ٍ مـن شـاعـر ٍ مـجـلـوبه الـلـي بـصـدره تـرجـمـه بـلـسـانه الشاعر: تركي المحرول
__________________
لا إله إلا أنت سبحانك إنّي كنت من الظّالمين |
|
|
|
|
12-03-2020, 02:41 PM
|
#6 |
|
مالك الموقع
تاريخ التسجيل: May 2014
المشاركات: 6,560
|
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
