لست سوى أنثى عـلمها الفقد ان تبتسم

[ترانيم حربيه]

مـدري وش اقول لكن جعلها خيره

لووو ان بعض السوالف مـالها داعي

ان جت لـطاري المعاتب فضها سيره

من كف غيرك ترى مابريت اوجـاعي

لااتـكمــل اللي بقى وتـزود الحيره

بعد غيوم الصبر شحّت على قاعي

همّك لحاله بنى له فـالحشاء ديره

وانـا يالـ لله افـل لـهمـي شراعي

ضــايق وثـوبي علي افـك ازاريـره

وكـل الحسايف معي جملة وقطاعي

خطـا مــايستـاهـل اندور معــاذيره

لا أقنعك فيه وبـلاش تحاول اقناعي

وكـان انك لغيبتك .قصيت تـأشيره

الالتفــاته وراء مـاهيب من اطبـاعي

لك مني احفظ لذاك الوقت تقـديره

واسامحك من دهر عمري لمرباعي

لو تعـرف الـود والتقــدير والـغيره

مـارحت ترقد وغيرك سـاهر ٍ واعي

اللحالي الغيداني معجب بهذا

[ترانيم حربيه]

أضحك وأجامل وانا عايـش بعالـم غريـب
والــحـزن يـديّ بـيـدّه ، كنـي إمصاحبـه

والقلب مثل السما دايـم وسيـع ورحيـب
لكنّ مــافيـــه بـرق مـن الــفـرح لاح بــه

واذكر ليال الوصـل .. وأشغّـل العندليـب
لعلّي أنسى جروحـي بـه ،، وتنـزاح بـه

واللي عطيته خفوقي قلت لـه يـا الحبيـب
خلــه مــعك وأعشقه وأسكنْـه وإرتـاح بـه

طيّب مـعــه ميـر مــاينفـع معـاه أي طيـب
وإن قلت ردّه لصـدري طــالبْـك ، راح بـه

ويشوف من يعشقه ضايق وصدره صويب
ما كنْه يسمع صدى صوته ليـا صاح بـه

يرمـي سهومـه علـيّ ودايمـاً مايخيـب
وسنيـن حبـي معـاه ! وجيههـا شاحبـه

مافيه أقسى من جروح الهـوى و الحبيـب
والحب وادي سحيق وويل مـن طـاح بـه

ماكل جرح أتمنـى لـه يخـف .. ويطيـب
كم جرح ودي يطوّل .. من غـلا صاحبـه

اللحالي معجب بهذا

[ترانيم حربيه]

استريح شـوي واسمعنـي ثوانـي
بــعدها مسموح قول اللي تقولـه

جيت لك والقلب مــاهـو بالمحانـي
شف قبل لوصلك سابقني وصولـه

والله ان لولا الغلا مـا جـاك عانـي
يــا بعد منهم بكوا له وضحكوا لـه

خاطري مكسور من قسـوة زمانـي
وانت كــنــك إياااه وفعولك فعوله

تـعتبرني شخـص مـغـرور وأنانـي
واعتبرك الكون في عرضه وطوله

آآه لـوّ تــحـسّ بـجـروح الأمـانـي
كان ما تزعل علـي ّ بهالسهولـه

حط عمرك يابعد عمري مكاني
وان لقيت قصور قول اللي تقولـه

[ترانيم حربيه]

خلا ص مالك في وطن قلبي مع احبابي نصيب

نــفسي عــليك العـام عــزتــنـي وانـا عـزيتهـا

خــلاص وجــروحك سوالــفها على قلبي نحيب

امــسي واعــالــج نــزفــها واصبـح ولا داويــتهـا

النــفس طـــابت واكثــر جــروح الغلا عيت تطيب

عــــزالله انـــك جبــتــهـا وراك مـــاوديـــتـــهـــا

ان كـــان قــصــدك تسرج خيول التعاسه يالحبيب

ســـويـــتــهـــا لابـــارك الله فــالــهـوى سويتـهـا

ضيــقــت فــي عيــني فــضا دنياي لو انـه رحيـب

وكــرهتــني فــي كـل حــاجـــه طيــبـه حبــيتهـا

اللحالي معجب بهذا

[ترانيم حربيه]

طلبتك لاتعلّقنـي مـابيـن الشكل والـمضـمـون
مضامـيـن الـصـدور المغلـقـه مانـيـب ضامـنـهـا

أشوفك مختلف ما لـك مـن ألـوان الحبايـب لـون
ولــك مـيــزه تخبـيّـهـا .. ولـــك مـيــزه تبيّـنـهـا

تفاصيـلـك يغطيـهـا الجـمـال ولاتـقــول شـلــون
من أعــلاها ليا أسفلهــا ليا أيسرهــا ليا أيمنهـا

حصل بينـي وبينـك مثـل مـا قالـوا كـلام عيـون
وأنــا مــا ودّي عـيـونـك علـيّـه تـآمـر وتــنـهـى

لا تنشدنـي عـن أسـرار الغـرام وسـرّه المدفـون
تسولـف لـك عيـونـي وأنــت ردّ السالـفـه عنـهـا

طلبتـك لا تعبّـث فـي مشـاعـر شـاعـر ٍ مجـنـون
هـبـوب الـريـح لا هـبّـت عـلـى صــدره يلحنّـهـا

أخذني شاعر المعنى .. وأخذني شاعر المليون
وأبجمـع لـك ملايـيـن المعـانـي مــن مكامنـهـا

أغني فيك وأطرب منك لـو كـلّ العـرب يوحـون
لا تــدخـل بيننـا والـصـــوت لا فيـهـا ولا منـهـا

اللحالي معجب بهذا

[ترانيم حربيه]

من طيبتي بين البشر صرت مسكين

الــطيــب ضــاع وكــثــر الله خيــري

اجـرح وانــا بــقول لجــروحك اهلين

يــااغــلى مسايير ٍ لفــوا في ضميري

اسمــع وصــاتي قبل لا تــدمـع العين

لااعـلنـت عــن دنيا الـمـحبـه مسيري

اذا تــفــارقنــا ابــي مــنــك شــيــين

مــابيــك تــكرهــني و لا تـحب غيـري

اللحالي معجب بهذا

[ترانيم حربيه]

فنجــال بِنّك فــايــحٍ زعفرانــه

مثل افوَحان الورد لامسّته نود

وردٍ على اول زمّــة ازعيتمــانه

تــغشلته غــرّاً لها برق ورعــود

#عبداللّه_الغيداني


وهذا ردي على الغيداني


اقــلط على اللي نادر في زمانه

تصليح حربيه مهي شغلة اهنود

فــي مجلس واضح وبين مكانــه

تلقى به الترحيب مع نفحة العود

[ترانيم حربيه]

يا نـجـم ياللي غبت مــن غبت مـابنت

وشحــال بيـن أيـــام مــجـــدك وبـينـك

الشمس تطلــع وأسأل الصبح وين انت

وتـغيب شمــسي وأسأل الليـل ويـنـك

أقـــولــهـــا وينــك وأنــا أدل ويـــن إنـت

لاشـك مــن زود القــهــــر قـلـت ويـنـك

ويـا قصــر يــاللي بـدلوا طينك اسمنـت

احــذر تـــخــون وتنـكــر أصحــاب طينـك

أيوب البلاجي معجب بهذا