05-24-2018, 10:03 PM
|
#1 | |
|
عضو مُشارِك
تاريخ التسجيل: Aug 2015
المشاركات: 22
|
لا تـامـن العـقـرب ولاتـامـن الـــداب
أن زان لـك وقتـك تخـيـر بالأصـحـاب وان شـــان وقـتــك كـلـهـم مايـبـونـك أن جيتـهـم قـامــو يـحــدّون الأنـيــاب .. وان رحــت عنـهـم بالقـفـا يشذبـونـك لا أدبـــرت دنـيــاك والـحــظّ مـاطــاب .. الـنـاس لا مــن طـحـت مايرحمـونـك أهل السيوف اللـي يقصّـون الأرقـاب .. أمّــــا كـفـاهــم واقــعــك يـظـلـمـونـك يـاجـاهـل الـدنـيـا ودورات الأســبــاب .. أعرف... ترى من خـان غيـرك يخونـك لاتامن.. العقرب.... و لا تامن.....الدّاب.. السّم... واحد.... لا رقى... في...متونك لو كان لك ربـع(ن) مواليـن واحبـاب .. لابــدّهــم عــقــب الــغــلا يـنـكـرونــك وقـت(ن) يشيّـب بالمخاليـق مـاشـاب .. أســأل رجــال(ن) جـرّبــوا يخـبـرونـك واحــذر تـخـاوي كــل هـافـي وكــذّاب .. أهــل الـــردى بطبـوعـهـم يطبـعـونـك أرفـع مقامـك عـن ردييـن الأنـسـاب .. لـو شفتهـم فــي حضـرتـك يمدحـونـك فارق ثراهم وارق فـي راس مرقـاب .. أبعـد عـن الـلـي لونـهـم غـيـر لـونـك خــلاّن مــال ومالـهـم ربــع واقــراب .. لا قــــلّ مــالــك عــدّهــم يـكـرهـونــك أعتاض فيهـم مـن طويليـن الأشنـاب .. الـلـي الـــى مـــال الـدهــر ينفـعـونـك لاصـكــتــك دنــيـــاك وافـــتـــرّ دولاب بــانــت مـواقـفـهـم ولا يـرخـصـونــك هــذا رفيـقـك مــن قريبـيـن واجـنــاب .. ذخـرك وهـم فــي واجـبـك يذخـرونـك عنـدك قريبيـن (ن) ولـو قلـت غـيّـاب .. علـى صـدى صـوت النـدى ياصلونـك ياللـي سمـعـت العـلـم لاتفـتـح الـبـاب .. لاتنحشـر فـي شــي مـاهـو. بشـونـك ربعك إلى من شفتهم صـاروا احـزاب .. وتـشـاوروا بـالــرّاي والـعـلـم دونـــك لاتـبـدي بـرايـك عليـهـم ولــو صـــاب .. لو صحت باعلى الصوت مايسمعونك ومـن لاحسب لـك لاتسـوّي لـه حـسـاب .. لو كان... يسوى.. وحدتن.. مـن عيونـك الشاعر زابن ابن محمد الدوسري
__________________
|
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
