08-29-2017, 07:53 PM
|
#1 |
|
مالك الموقع
تاريخ التسجيل: May 2014
المشاركات: 6,562
|
ساكنة في نجد
= كلّ ما سرّا النعاس النديم من النديم = تاقت النفس الشقيّة وجاها شرّها = يا وجودي وجد من عاش بالدنيا يتيم = ونّته من بين حدب الضلوع يجرّها = تاق لمّه كلّ ما خيّم الليل المهيم = قام قلبه يرتجف وانكسر من حرّها = والأبو قلبه منَكَّسْ وولّاه الحريم = وصّته يوم القدر حان لكن غرها = يتغيبا ويتغيشم وهو ما هو غشيم = يتبع البلّ ويحلب ناقته ويصرّها = بانين عشّه على قمّة البخل الذميم = جارته من سفرته ما تعشّى ذرها = من عنا اللي رمحها ما يصيب إلا الصميم = الكبود يشقّها والضّلوع يقرّها = ما يجيها صاحي القلب ويعوّد سليم = والحريم عيونهن بالقزاز تذرّها = يوم تلفح في جديلٍ مثل ذيل الهميم = غوج من طلّق على القوم من زود الرها = للغرام ترجّع الداعية والمستقيم = حبّها يدخل قلوب العرب ويفرّها = دونها عودٍ مجوّر وقطّاعٍ عديم = عنجهيٍّ كان ما سرّها ما ضرّها = ليت جاهي عندهم مثل جاه ابن غنيم = يوم جاء عند الملك جيّةٍ ما كرّها = ساكنة في نجد بين المدينة والقصيم = جعل وبّال الحياه كلّ يوم يمرّها = كل ما جنّ الروايح يدنّن الرّزيم = واشتغل برّاقها وأرهشت في درّها = أم سالم فوقها كل ما هبّ النسيم = ترتفع وتلمّ جنحانها وتشرّها = تكسر قلوب المهيّم مثل كسر الهشيم = في صحاصيح يضيع الغريب ببرّها = والرّجال أهل التجارب قالو من قديم = ما تميّز حلو الأيام لولا مرّها = للشاعر يرحمه الله،، عبد الله بن زويبن
__________________
لا إله إلا أنت سبحانك إنّي كنت من الظّالمين |
|
|
|
09-02-2017, 10:29 AM
|
#2 |
|
إدارة عامّة
تاريخ التسجيل: Jul 2014
المشاركات: 5,325
|
صح لسان الشاعر والناقل احترامي وتقديري
__________________
 |
|
|
|
|
09-02-2017, 07:09 PM
|
#3 |
|
مالك الموقع
تاريخ التسجيل: May 2014
المشاركات: 6,562
|
وجزاك الله خير
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
