لاتازن الرّجّال

[اللحالي]

لا تـــازن الــرجــال لاشــفــت زولـــه
وزن الرجـال - أعقولهـا - يـا فتـى الجـود

دلايـــل الــرجــال فــعــلــه وقــولــه
تحـكـم علـيـه بمنطـقـه عـلــم مـوكــود

مــا ينـفـع الـرجــال جـسـمـه وطـولــه
لا صار - ما يدري - عـن النقـص و الـزود

كسـب المعـالـي مــا يـجـي بالسهـولـه
يصعب - على اللي - ما يجامل على الكود

المـجـد عـشــاق الـكـسـل مــا يـنـولـه
دربه - على اللـي يجهـل الطيـب مسـدود

وحفـظ - الشـرف مبـدأ صفـات الرجولـه
و المتـزن مــا هــو عـلـى درب منـقـود

ومـرافـق الجـهـال يــا بـــن الحـمـولـه
نقـص ٍ- علـى السمعـه وتعقـيـد وعـقـود

كـل ٍجلـيـسـه يـقـتــدي فـي فـعـولــه
المعتـدل و اللـي عــن الخـيـر مـصـدود

ومـع الأسـف - بعـض العقـول معـزولـه
مــا تـقـل بالـدنـيـا لـهــم رب مـعـبــود

مـا خافـوا - المـولـى وطـاعـوا رسـولـه
الـلــي لــه الـعـبـاد خـشــاع وسـجــود

مـــا حـسـبـوا يــوم ٍحـسـابـه وهـولــه
يشيـب - راس اللـي هـاك اليـوم مـولـود

يـطـرق مـنـافـيـذ الـخـوافــق ذهــولـه
يـوم - الحسـاب اللـي بـه العبـد مـوعـود

بـأخــر نـفــس لانـوخــت بــه ذلــولــه
يــوم التفـاهـم بـيـن نـاشــد ومـنـشـود

عـنـد الضـريـح -أخــر مـحـطـة نـزولــه
النفـس تصعـد و الجـسـد مـرتـع الــدود

يـأهـل العـقـول المبـصـرات احسبـولـه
تـرى الحيـاة بـلا عـمـل مــا بـهـا فــود

اعمـل عـمـل واطـلـب مــن الله قبـولـه
منهـج - طريـق - الخيـر واضـح ومحمـود

دامـك نـشـيـط وكـــل شـــي ٍتـنـولــه
تـرى السفـر لـه حـد و العـمـر مـحـدود



الشاعر / بدر الحويفي
الله يرحمه واموات المسلمين