مطلق و اللحالي

[اللحالي]

احبابي الجميع وصلت لي تغريده بالوتس آب من اخي : معيض الضعيني ابو وليد :وابو وليد شاعر ولكن التغريده ماهي له واسم شاعرها بالتغريده والتغريده محط أفتخار بفعايل الشجعان لذالك جاريتها بتغريده من واقع اعجابي بالتفاعل الشجعاني من أهله في الجزيره العربيّه / مع التغريدات

يابنت يااللي بالدريشه تشوفين
فعل الرجال مطيبين المزاجي

ليتك على الحد الجنوبي تطلين
في كل يوم هناك مية عواجي

اللي هنا فعله تشوفه ملايين
واللي هناك الفعل دونه عجاجي

مطلق الازيمع

قلت؟

يامطلق الشجعان ماهم خفيين
عساك منهم في هذيك الفجاجي

اللي - فعايلهم - تدكّ - المعادين
دكّ - الزّلازل - للجبل بأرتجاجي

والبنت لو شافت بالأفعل الاثنين
مع رعبها تشفق بطلق الحجاجي

اللحالي الغيداني

[معيض الضعيني]

صح السانك أبو سلطان وسلم نقلك

هذا الشاعر اللواء مطلق سالم الازيمع مطيري
كان قائد درع الجزيرة يوم هجمة البحرين الأولى وصار قائد المنطقة الجنوبيه
والآن قائد المنطقة الشرقيه

اللحالي الغيداني معجب بهذا

[اللحالي]

تسلم يابو وليد الله يجزاك الخير واخوانك المسلمين

انا اعجبتني الابيات وإلا ماني واصل مستواه

تحياتي للجميع

[معيض الضعيني]

كفيت ووفيت يا ابو سلطان والجزاله من ابداعك لاعدمناك

اللحالي الغيداني معجب بهذا

[اللحالي]

ماعليك زود يا بو وليد

ولايهون الشاعر اللي استثارنا واعضاء وروّاد المنتدى الجميع حبايبنا والله

[همس الآيام]

صحت السنتكم ♡

اللحالي الغيداني معجب بهذا

[اللحالي]

صح الله بدنك يابنتي مشكوره همس