01-03-2017, 09:07 PM
|
#1 |
|
مالك الموقع
تاريخ التسجيل: May 2014
المشاركات: 6,538
|
يامتعب الاقدام
يا متعب الأقدام ماشي على وين مـع جـرّة جاهـا العجـاج ودفنهـا أرجع وعـدّ خطـاك وحـده وثنتيـن واكبح جماح النفس وألزم رسنهـا لاتامن الدنيا تـرى وضعهـا شيـن ماعـاد بـه دنـيـا صحـيـح بدنـهـا لاصاروا العقّـال مثـل المجانيـن واصبح ردي العرف يامر وينهـا أنا مجـرّب و التجـارب براهـيـن اراهـن الأيـام واكـسـب رهنـهـا منها عرفت الفرق بين الفريقين سبحان من صاغ العقول ووزنهـا و ان كان صح ان التجارب براهين ضمنتهـا لـن كـان ربـي ضمنـهـا رفقة ردي المعرفـة بعتهـا ديـن على زبـونٍ ضمّـهـا و احتضنـهـا بغى يجيني بالثمن قلت بعدين امسك فلوسك لين ننشـدك عنها مابعتك الاّ سلعةٍ يا أحمر العيـن ابيعـهـا وابـيــع حـتــى ثمـنـهـا وفي مجال آخر:: قال؟ بعض المواقف من وراها محاصيل تكشف لك إسدود الرجال وخبرها يا تكسب قروم الرّجال المشاكيل و الا تجي من دونــها وتخسرها الكلمه العليا و جزل الأفاعيل تغنيك عن سبـع البحــور ودررها وما دامها ما وصلت الحط والشيل فأصمل وإذا راد الولي تقــتدرهـا قولة (كفو )تتعب عليها الرجاجيل اللي على روس النوايف نظرها يا كثر صدقان الصحن والمعاميل ويا قلهم لامن تقادح شررها إعلم ترى الخوّه فعول وغرابيل في دورة الأيام يجنا ثمرها بعض العرب للتمشيه و التساهيل وبعض العرب للمعضلات وخطرها أحدن توصّل به بعيد المواصيل و إذا معه لك حاجتن ما ذخرها و أحدن هبيل ويحسب انا مهابيل نستر عيوبه و الله اللي سترها ظهره ظهر عقرب وبطنه بطن فيل ووقفات سمحين اللحا ما قدرها
__________________
لا إله إلا أنت سبحانك إنّي كنت من الظّالمين |
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
