بدر الحويفي رحمه الله

[اللحالي]

المشاركة الأصلية كتبت بواسطة ترانيم حربيه

الله يغفر له ويرحمه وياعسى وجهه محرم عن النار ووالدي

انااا اشهد انه فقيدة الشعر ابوسلمان

آمين ؛

مشكوره ترانيم الله يجزاك الخير

[اللحالي]

مما قاله بدر الحويفي رحمه الله

‎

حنا تراب وترجع أجسادنا تراب=ونحفر تراب قبورنا في يدينا
ناسٍ نوآدعهم وناسٍ بالاصلاب=وفي كل يوم يمر ندفن حدينا
الأرض فيها أشرار واصحاب واقراب=وناسٍ تبي منا وناسٍ تبينا
متخالفين ألوان واشكال وانساب=وهذاك يهجرنا وهذا يجينا
واحد يغيب ونذرف الدمع لا غاب=وواحد يموت وندفنه ما بكينا
وشخصٍ يدور خير وافراح واحباب=وآخر يدورنا يبي يبتلينا
حنا عليها أغراب ونكلم أغراب=وارزاقنا عند الولي ما نسينا
هذي هي الدنيا متاهات واتعاب=نضحك على الدنيا وتضحك علينا

[اللحالي]

من ماقال ابو سلمان الله يرحمه واموات المسلمين



اللي فقدنا من نبات ونواوير = ماهو على المولى صعيب رجوعه


الله من قلب هجوسه طوابير = ميعادهن بين العتيم وهجوعه


قالوا تفكر قلت عندي تفاكير = أشوف شئ من خطانا وقوعه


قلت الحقيقة يالوجيه المسافير = قلبي ليان وشاف شئ يروعه


شفت الجفاف مكسر القشع تكسير = والنفس ماهي من قضاء الله جزوعه


وادي الرمة جوه عجاج ومعاصير = يبست جراجيبه وماتت قشوعه


حمضه عليه من السوافي عثامير = يا بعث الأموات تبعث جذوعه


مدهل مجاهيم تلاد ومغاتير = وحمر مرابيها هدايد افروعه


يوم الوسوم تنثر الوبل تنثير = والعشب ينبت ماتكامل اسبوعه


ويوم القلوب نظاف مايقف الخير = يطيح وسم ولا تقطع تبوعه


واليوم وبل الغيث مثل الطباشير = قامت تلوث بالمناقع انقوعه


الشكوى لله صار بالجو تغيير = دايم كتام وغير الجو نوعه


واصل الخطا منا تهاون وتقصير = قليل من يحسن لربه ركوعه


نشقى ورى الدنيا وهي مابها خير = والموت يدني للنفوس البشوعه


وعند المحاسب ماتفيد المعاذير = ينشف جما العاصي وتطفي شموعه


واللي غناته سحت وموال تزوير = له ساعة ماذاق حلوه يزوعه


يدري بها لودعوه الحفافير = والقبر ضكه مع محاني ضلوعه


في ساعة مابه تقدم وتأخير = يفقد بها الراحل مجالس ربوعه


وعن ماعمل ماله مفر ومعابير = ما ينفعه جمعه وهيبة جموعه


قدامه الجنة وقدمه زمهرير = والله يعلم وين يكتب نجوعه


يارب تهدينا على حسن تدبير = نطلب عظيم الشان خوفه وطوعه


يالله يارازق عوج المناقير = ياكافل رزق النفوس القنوعه


يامن بتقديره تكون المقادير = ياسمع الداعي وخالق سموعه


تزيل شدات السنين المعاسير = يامن لك المسلم يوجه خشوعه


تمدنا يارب رحمه وتيسير = غيث يعم المملكة في نفوعه


يارب من قل المطر نشفت البير = نشف الثرى والدرع ماتت زروعه


ومات الخشاش وضاق في عشه الطير = يشكي على رب السموات جوعه


والبل مصارفها نخاله وشعير = واحوارها بالشبك تذرف دموعه


مثل السجين يلوح بين المواصير = حاله صخيف وحنّة امتلوعه ه


حاطت عليه اذنوب ناس مباصير = والا البهايم للمقدر خضوعه


ذنب الأوادم له عواقب وتأثير = والعمر فترة والحياة مخدوعه


وحنا بشر مالله خلقنا تصاوير = واللي يخاف الله يطبق شروعه


والله محذرنا عن الكذب تحذير = والحسد والغيبة وكبر وميوعه

بدر الحويفي