قصيدة طفلة رائعة

[اللحالي]

اصايل ,دحمان-الحاج معجبون بهذا

[دحمان-الحاج]

ما شاء الله عليها هالأمورة الرائعة ألقت قصيدة الشاعر الجميل دائما : مبارك الحجيلان الشامخ والغارق في الشعر والجمال ، شاعر يعرف احترافية القصيدة والمفردة ، متألق بجمال بوحه الخاص في هذا النص الأنيق ...

بدري عليك اللوم ياضايق البال
قلبك تحمل ضيقته وانكساره

مايفرح بحزنك سوى ناس عذال
والا الرفيق يذوق مثلك مراره

هيا كذا الدنيا سهالات واهوال
تاره تبسم لك وتبكيك تاره

فيها بشر عانت لاجل تبني اجيال
واشخاص عاشت لاجل تبني عماره

ريّح اركابك جامل الناس واحتال
على شعورك لاتبين دماره

وسرك لو ان تكشفه صار جوال
الناس تبغى الاكشنه والاثاره

ماكل حزنن يسكن القلب ينقال
بكره يدور اسمك على كل حاره

ولانتب اول شخص قالو بالامثال
النار دايم مبتداها شراره

اضحك ابوجه اعداك في كل الاحوال
لاجوك مقصودين سو استداره

خلك مع المحتال غامض ومحتال
ومع طرقته دامه امجاريك جاره

لو قال كيف الحال جاوبه بالحال
وضح له انك مبتهج بالزياره

ولاراح مايمنع لو تجر موال
جرة غريبن وده بشوف داره

وش تنتظر من ناس ماعندها اشغال
ناسن تحسب ان المغثه شطاره

وبعض المصايب تفرز اشكال واشكال
تظهر بها الرديان واهل النعاره

ولو تشخل اللي يعرفونك بمشخال
تقول انا أطيب بشر عن جداره

تشوف فزعة شخص ماهو على البال
واللي تهقوابه يسوق اعتذاره

واللي توقف له مواقيف الابطال
يقعد ويشمت فيك خلف الستاره

اياك والحقران في بعض الازوال
وترى الشكل ماهو دليل الطهاره

وماكل رجالن لبس بشت رجال
كم واحدن ماهو بيدينه قراره

واللي يجيك وللثقيلات شيال
هو اللي يفخر فيه بشت الاماره

عليك باللي يلحق القول بافعال
والا الردي خله وجنب مساره

انشهد انه ماكذب واحدن قال
من لايعدك ربح .. عده خساره


شعر : مبارك الحجيلان

[اللحالي]

ابو براهيم كفو عليك الجزاله يالجزل

اثريت الموضوع جزاك الله خير واخوانك المسلمين

انا عجبني إلقاء هالأمّوره وبراعة إلقاءها الله يسترها

دحمان-الحاج معجب بهذا

[اصايل]

ماشاء الله تبارك الرحمن
راااائعه الله يحفظها
وسلمت يمناك ياعمي ^^
أحترامي

اللحالي الغيداني معجب بهذا

[اللحالي]

جزاك الله خير اصايل حرب