من شيخات قصائد عنزه

**اللحالي** · 08-15-2015, 04:14 PM

هذي القصيده سمّوها شيخة القصيد ل مقحم النجدي الجلالي الصقري العنزي

يا الله يامطلوب يا والي الأقدار=أنت الذي مدّات جودك لطيفه
أطلبك يا معبود عاون هل الكار= وتحلّ شطاتٍ عليهم كليفه
اللي مجالسهم بها بنّ وبهار= ونجرٍ يصوت للنّشامى رجيفه
مكارمٍ للضيف أصلات وكبار=ومفطّحاتٍ في صحونٍ نظيفه
يا مزنةٍ غرّا من الوسم مبدار=اللي جذبنا من بعيدٍ رفيفه
تومر على كل المفالي بالأمطار= وتصبح بها ديران قومي مريفه
وغب المطر فاحت بها ريح الأزهار= تخالف النّوّار مثل القطيفه
ترعى بها قطعاننا سرّ وجهار= ترعى زماليق الفياض المريفه
في ضفّة الله ثمّ جبرٍ وجبّار= خيالةٍ يوم الملاقى عنيفه
ترعى بها وضحى من الذّود معطار= غبوقة الخطّار عجلٍ عطيفه
ويبني عليها بنية اللبن بجدار= عقب الضّعف راحت ردومٍ منيفه
ما هي حكايا مسردٍ عقب ما نار= اللي هرب وأطراف رمحه نظيفه
إن سوهجوا عنها قليلين الأبصار= من دونها نروي السيوف الرهيفه
حنّا كما المشخص عن الصّرف ما بار=بالوزن يرجح والمصاري خفيفه
والصبر مفتاح الفرج عند الأذكار=ومن لا صبر تصبح حواله كسيفه
وخطو الولد مثل البليهي إلى ثار=زودٍ على حمله نقل حمل أليفه
وخطو الولد يبنش على موتة النار=مع العرب يشبه لخطو الهديفه
وإلى بخصته ما سوى ربع دينار=صفر على عودٍ تضبه كتيفه
وخطو الولد يا مال قصاف الأعمار=لا نافعن نفسه ولا منه خيفه
وخطو الولد مثل النداوي إلى طار=صيده سمين ولا يصيد الضعيفه
هذا ومع ذلك لك الله لنا كار=عن جارنا ما قطّ نخفي الطريفه
ونرفا خماله رفية العش بالغار=ونودع له النفس القويّه ضعيفه
ولا نبدي الخافي إلى صار ما صار=يفلج قصير البيت لو بان حيفه
والجار لابدّه مقفّي عن الجار=وكلن بجيرانه يعد الوصيفه
جارٍ على جاره بختري ونوار=وجارٍ على جاره صفاةٍ محيفه
ونكرم سبال الضيف حقٍ وتعبار=لا من ولد اللاش شحّ برغيفه
ولابدّها تصبح تواريخ وأذكار=وتبقى لدسمين الشّوارب وظيفه

الله يرحم شاعرها وأموات المسلمين

هذا اللي أعرفه من القصيده

لا الحصر ويا ليت لو وجدت من روات العنوز يعرف أبيات لم أوردها

ولو مرّ أحد على كلامي وهو يعرف أبيات لم أوردها ؛؛ من عنزه أو غيرهم

فليبلغنا مشكوراً عبر المنتدى

اصايل معجب بهذا

**اصايل** · 08-16-2015, 12:10 AM

والنعم بالشاعر والناقل صح لسانه

قصيده راااااائعه سلمت يمناك

أحترامي

اللحالي الغيداني معجب بهذا

**اللحالي** · 08-16-2015, 12:46 AM

وبك النعم مديرتنا اصايل

وكفو على الطّيبين من وين ماكانوا حيّهم وميّتهم

اصايل معجب بهذا

08-15-2015, 04:14 PM	#1
اللحالي مالك الموقع تاريخ التسجيل: May 2014 المشاركات: 6,557 اوسمتي مجموع الاوسمة: 3	من شيخات قصائد عنزه هذي القصيده سمّوها شيخة القصيد ل مقحم النجدي الجلالي الصقري العنزي يا الله يامطلوب يا والي الأقدار=أنت الذي مدّات جودك لطيفه أطلبك يا معبود عاون هل الكار= وتحلّ شطاتٍ عليهم كليفه اللي مجالسهم بها بنّ وبهار= ونجرٍ يصوت للنّشامى رجيفه مكارمٍ للضيف أصلات وكبار=ومفطّحاتٍ في صحونٍ نظيفه يا مزنةٍ غرّا من الوسم مبدار=اللي جذبنا من بعيدٍ رفيفه تومر على كل المفالي بالأمطار= وتصبح بها ديران قومي مريفه وغب المطر فاحت بها ريح الأزهار= تخالف النّوّار مثل القطيفه ترعى بها قطعاننا سرّ وجهار= ترعى زماليق الفياض المريفه في ضفّة الله ثمّ جبرٍ وجبّار= خيالةٍ يوم الملاقى عنيفه ترعى بها وضحى من الذّود معطار= غبوقة الخطّار عجلٍ عطيفه ويبني عليها بنية اللبن بجدار= عقب الضّعف راحت ردومٍ منيفه ما هي حكايا مسردٍ عقب ما نار= اللي هرب وأطراف رمحه نظيفه إن سوهجوا عنها قليلين الأبصار= من دونها نروي السيوف الرهيفه حنّا كما المشخص عن الصّرف ما بار=بالوزن يرجح والمصاري خفيفه والصبر مفتاح الفرج عند الأذكار=ومن لا صبر تصبح حواله كسيفه وخطو الولد مثل البليهي إلى ثار=زودٍ على حمله نقل حمل أليفه وخطو الولد يبنش على موتة النار=مع العرب يشبه لخطو الهديفه وإلى بخصته ما سوى ربع دينار=صفر على عودٍ تضبه كتيفه وخطو الولد يا مال قصاف الأعمار=لا نافعن نفسه ولا منه خيفه وخطو الولد مثل النداوي إلى طار=صيده سمين ولا يصيد الضعيفه هذا ومع ذلك لك الله لنا كار=عن جارنا ما قطّ نخفي الطريفه ونرفا خماله رفية العش بالغار=ونودع له النفس القويّه ضعيفه ولا نبدي الخافي إلى صار ما صار=يفلج قصير البيت لو بان حيفه والجار لابدّه مقفّي عن الجار=وكلن بجيرانه يعد الوصيفه جارٍ على جاره بختري ونوار=وجارٍ على جاره صفاةٍ محيفه ونكرم سبال الضيف حقٍ وتعبار=لا من ولد اللاش شحّ برغيفه ولابدّها تصبح تواريخ وأذكار=وتبقى لدسمين الشّوارب وظيفه الله يرحم شاعرها وأموات المسلمين هذا اللي أعرفه من القصيده لا الحصر ويا ليت لو وجدت من روات العنوز يعرف أبيات لم أوردها ولو مرّ أحد على كلامي وهو يعرف أبيات لم أوردها ؛؛ من عنزه أو غيرهم فليبلغنا مشكوراً عبر المنتدى اصايل معجب بهذا __________________ لا إله إلا أنت سبحانك إنّي كنت من الظّالمين

08-16-2015, 12:10 AM	#2
اصايل إدارة عامّة تاريخ التسجيل: Jul 2014 المشاركات: 5,325 اوسمتي مجموع الاوسمة: 4	والنعم بالشاعر والناقل صح لسانه قصيده راااااائعه سلمت يمناك أحترامي اللحالي الغيداني معجب بهذا __________________

08-16-2015, 12:46 AM	#3
اللحالي مالك الموقع تاريخ التسجيل: May 2014 المشاركات: 6,557 اوسمتي مجموع الاوسمة: 3	وبك النعم مديرتنا اصايل وكفو على الطّيبين من وين ماكانوا حيّهم وميّتهم اصايل معجب بهذا __________________ لا إله إلا أنت سبحانك إنّي كنت من الظّالمين

الذين يشاهدون محتوى الموضوع الآن : 1 ( الأعضاء : 0 , والزوار : 1 )