الكيبورد - ناصر الشميلاني

[اللحالي]

انا ياكم من شاعر سمعته والخبر موكود=يقول الكلمه اللي ما اعرفها والكلام وكاد
لياجاب القصيده قال ناظمها على الكيبورد=وانا مدري وش الكيبورد يوم يقوله القصّاد
وافكر واستعيد الذاكره يوم العلوم تزود=ولاكنـي لقيت العلـم كامـل والعلـوم اسناد
وقلت اجرب الكيبورد طنخه ماني بمحدود=مدام الفكر يسعفني هواي من العلوم جداد
علوم بمستوى راقي ولاتقرب من المنقود=معانيها لها ميـزه تميّــزها بوســط الماد
ليا قامت هواجيسي تداحم والعباد رقود=مثل جمـع الورود اللي تداحـم مالها عـداد
على عد الروا قامت تعاقب صادره وورود=على الله كل ماجتني سوا في ساعة الميعاد
بسرعتها ليا هبــت تذكرني هبـوب النـود=بتالي ليلها الدامس بعد تاخذ لها مركاد
تباريني وانا ساري واخلط الملح والبارود=تبي تعصا واطوّعها تعاندني وازيد عناد
وامشيها على كيفي بفضل الواحد المعبود=على مسرح يضم ابطال والي فات ماينعاد
لكنه واقع وثابت ولايحتاج اجيب شهود=شهوده في عضوده والخبر واصل لكل بلاد
حكابه غايبٍ وافي شهدله حاظرٍ موجود=سمابه فعل رواده هلا ياحظرة الرواد
وسموه من سمو اللي لنا جابه وهو مفقود=وعانقبه سماء الابداع مدري قمة الامجاد
وقاده من طناخة راس وحميا وطيب وجود=وفرحو به محبينه وطيبه يدحر الحساد
سياسي عالي الهامه قيادي باذل المجهود=معه جمع البواسل والبواسل طيبهم يزداد
وقالو من تواضعهم ترانا باللزوم جنود=وبالواقع حقيقتهم سيوف مهنده وحداد
وابذكر عضده الايمن شويره سيفه المحدود=لو انه ينزل الساحه يحرر بادية بغداد
لهم مني تحياتي بريح المسك والكمبود=مصفيها واقدمها على الرواد والافراد
نظرنا لعالي الهامه ولانحسب قليل الفود=قليل الفود مايحسب رديف ولازعيم شداد

[معيض الضعيني]

صح السان الشاعر جنيه الشعر ناصر الشميلاني وسلمت ابو سلطان على النقل المميز

[اللحالي]

تسلم ابو وليد وصح بدنك نيابةٍ عن ابو مناحي شاعر مافيه حيله