وقفه مع الوتسات

[اللحالي]

لاتـلـتـفـت للخـلـق راحـل ونزّل
مالك عـلى ذرّيـة آدم مـطـاليب

واحذرترى بالنّاس مبغض وختّال
ماله مراجل غير شذب العراقيب

ولا يـغــرّك بالرّخـم كـبـر الازوال
وكبر النّسور المهدفات المحاديب

منقول

[اللحالي]

لا ضاق صدرك من غرابيل دنياك
ناج العظيم مدبـر ، الكون ناجه
.
واعرف ترا علم الفرج عند مولاك
بـ امره تهون و تنقضي كل حاجه

[اللحالي]

‏كانك تبي الجنة وتسلم من النار
ورفقة نبي الله راعي الشفاعه
ٰ
احرص على المذن وردد بالاذكار
واسرع وبكّر في صلاة الجماعه

[اللحالي]

‏سلّم على اللي في غيابي حكابي
ولو بلّغوني هرجته ماحكي فيه

مادام يودع من حسابه حسابي
ياخذ من ذنوبي وأنا آخذ حسانيه

ترانيم حربيه معجب بهذا

[اللحالي]

اعمارنا مثل الحطب في طرف نار
شي احترق واللي بقى جايه الدور

وارزاقنا مثل السّحايب والامطار
اللي ماهو مقسوم ماهو بممطور

صح لسان شاعر الابيات

[اللحالي]

‏الصدور اللي وفاها ملاجي للرفيق
‏ضيقوها اللي على كل عوجا يقلطون
‏.
‏عزتي للقلب الابيض وللوجه الطليق
‏ليا حدّاه نصيبه على عالمٍ مايستحون
‏

[اللحالي]

.ياسهيل منت سهيل الاول ولاشين
اسـهـيـل الاول به يـهـب الـبـرادي

الظاهر انك صرت ضـمن الكليبين
وشويتنا شوي العـرب لـلـجـرادي

غديت كنك مذهب الناس هالحين
لا شـافـو المـنكـر يـقـولون عـادي


منقول

[اللحالي]

يقولون الطّيّب يآخذه الزمن ويموت
وأنآ آقول يبقى كآن نسله على ظنـّه

ليـآ مرله طآري تقول العرب بالصوت
يآ مال الوسع بالقبر و العفو والجنـّه

[اللحالي]

اخـلـط مـع الصـافي حـليب المراعـي
و افـتك من طـرد الغـنـم و البعـآريـن

لا تشــتري الوايـت ولاتـجـيب راعـي
وتشري من الأعلاف عشره وعشرين

لا صار ماتمشي فــجوجن وســاعـي
حـرام تـكـسـب ذنب في هـالحـيـاوين

[اللحالي]

‏لا تغرك صدة الطيّب تراه
‏ما يروح بعيد لامنه زعل
‏

‏لا نخيته عقّب الدنيا وراه
‏وجاك كله يسبق القول بفعل