ديوان سعد تركي السمين الحربي

[سعد السمين]

الشـام

يالله يـا المعبـود يـا خـالـق الـكـونيـا عـالـمٍ بـأسـرار قلـبـي الدفيـنـه

يـا واحـدٍ مـا غيـره النـاس يـدعـونتلطـف بحـال اللـي رفـع لـك يدينـه

يـا الله لـك بالشـام نــاس يصـلـونشعـبٍ علـى مافيـه يــا الله تعيـنـه

أحوالهم من دون في دون في دونوما فيه منهم من سلـم مـن ونينـه

الطفل والشايب على طول يبكـونوما فيهم اللي ما مسح دمـع عينـه

وما فيه بيت إلا من الحزن مسكونوقلـوب مـا ذاقـت طعـم للسكينـه

بـشـار وكـلابـه علـيـهـم يـــدورونوكــلٍ يخـيـر بـيـن عـرضـه وديـنـه

كم واحدٍ مـن فعلهـم مـات مغبـونوكـم واحـد يـعـذب وغـيـره رهيـنـه

مالـوم عاقلهـم ولـو صـار مجـنـونيالله لا تــرحــم ثــــرى لا يـمـيـنـه

والمجتمـع كلـه عـن العنـف ينهـونوكــلٍ يـقـول العـنـف حـنـا نـديـنـه

واليـوم كـن المجتمـع مالـه عـيـونيشوف كيف الشـام صـارت حزينـه

يا الله من غيرك لهـم عنـده العـونسـلـط عـلـى بـشـار و مناصـريـنـه

سعد السمين

اصايل معجب بهذا

[سعد السمين]

مرثية جازي الحربي في والدي

الله مـن قلـب فيـه الفـضـاء ضــاقوضاقت بي الدنيـا ولـو هـي وسيعـة

وضاقـت بـي الدنـيـا بـسـن الاريــاقوحلـت عـلـي المشكـلـة والفجيـعـة

ودمعـي علـى الخديـن يانـاس دفـاقوإحـتـار فـكـري بالـدمـوع الطبيـعـة

وقامت تهل الدمع في وقت الإشراقوالليـل تسهـر فــي دمــوع سريـعـة

وصفقـت بالكفيـن والقـلـب مـافـاقونفسـي مـن النكبـات دايـم وجيـعـة

الـحـزن خـيـم بالضمـايـر والأعـنـاقوإحتـل صـدري والضـلـوع الوسيـعـة

ليـت الليالـي أمهلـن لـه علـى سـاقويـعـيـش بالـدنـيـا وزهـــرة ربـيـعـه

وأنـا أشهـد إن الوقـت ياالقـرم بـواقوحاطـت بنـا الدنيـا وجتنـا القطيـعـة

وين الرفيق اللـي لـه الـروح تشتـاقغــلاه فــي قلـبـي حصـونـه منيـعـة

في جنة الفـردوس تكتـب لـه أرزاقوفـي زمـرة محمـد وجعلـه شفيـعـه

وجـروح قلبـي ياسعـد تحـرق إحـراقاللـيـل مـانـامـه ونـفـسـي شنـيـعـه

وشـي دخـل روحـي تقـل سـم زراقسـم الحنـش بالجسـم يدفـع دفيـعـه

وحاطـت بنـا الدنيـا وحلـت بالافـراقولا تـنـفـع الـونــه وشــــي نـذيـعــه

وصــلاة ربــي عـــد مـــالاح بـــراقوعــدة قـصـور المملـكـة والبـديـعـة

عـلـى نبـيـن فـضـلـه الله بـالأخــلاقالـلـي خـلـق للخـلـق سـنـه جميـعـه

جازي لافي الحربي

ورديت عليه بهذه الأبيات :

حي البيوت اللي شكت حزن وفراقمن عند ابو سطام تشكـي الفجيعـه

قريـتـهـا والـدمــع بالـعـيـن بـــراقوعينـي لهـا مــده تـحـدى الطبيـعـه

فيهـا نثـر حزنـه علـى وجـه الأوراقوصور لي اللـي منـه نفسـه جريعـه

من شي في قلبه ويسكن بالاعمـاقواضـح علـى وجـهـه ولــو مايذيـعـه

مثلك يابوسطام حاصـل لـي إرهـاقوالـحـزن يـثـر بالقـلـوب الوجـيـعـه

وأنا أدري بحزنك وصـل حـد الآفـاقوحزنك على مـن راح ماهـو خديعـه

لأنك وفي وأهل الوفاء فيهـم أخـلاقوهــذى عوايـدهـم وفيـهـم طبيـعـه

وهذا الحزن لاجـاك مايطلـب عنـاقيعانقـك فـي صمـت لــو ماتطيـعـه

بأسباب من بعده مسبب لنا إحـراقالغـالـي الـلـي عمـرنـا لــه نبـيـعـه

عنا رحل فجأه وجاء الحزن منسـاقونفسى عن الاحـزان ماهـي منيعـة

مـن يـوم ودعنـا لـي الجـو مــا راقوعينـي علـى الدمعـه تـدور ذريـعـه

مثل العلم ذكره مـع النـاس خفـاقوبالطيـب ذكـره عندهـم بالطليـعـه

يليتـنـي مـــن دون مـاصـابـه رواقولا ضاقـت بعينـي بـعـده الوسيـعـه

لكـن طـريـق وكلـنـا فـيـه ننـسـاقوالـروح عنـد العبـد مـثـل الوديـعـه

والمـوت حـق وكــاس لابــد يـنـذاقمـن خلقـة الدنـيـا وهــذي شريـعـه

لـعــل مـنـهـو للمخـالـيـق خــــلاقالـواحـد الـلـي كلـنـا مــن صنـيـعـه

يلطف بروح اللي لـه اليـوم نشتـاقوينزلـه عنـده فــي مكـانـه رفيـعـه

وختامـهـا مــادام بالـقـلـب خـفــاقصلـوا علـى محمـد وصحبـه جميعـه

سعد تركي الحربي

اصايل معجب بهذا

[سعد السمين]

جـتـني وفــي عـيـونها بـروقـن لـهمالي

جتنـي وفـي عيونهـا بـروقـن لهمـالـيومن يوم شفت البروق إهتزت غصوني

تـبـي تكـلـم ولـكـن صمـتـهـا طـالــيوأنا أدعي الله عسى ماتسبب حزونـي

ولحظة لمحت الكحل من عينها سالـيطاحت مزونه ومعهـا طاحـت مزونـي

وأنـــا عـذابــي دمـوعــه أول وتـالــيوأبيـه يفـرح ولـو هـي فرحتـه بـدونـي

لبـيـه يـلـي بـدونــك يخـتـلـف حـالــيلـبـيـه.. لـبـيـه..لـو الــكــل لامــونــي

أنتي الفـرح فـي حياتـي وأنتـي آمالـيوشلون حتى علـى الفرحـه يحسدونـي

حـاولـت بالـحـظ وأتعبـنـي ولا جـالـيوحاولت بالوقت لأجلك وأسهر عيونـي

لكـن أبطلبـك تكفـى شـي يــا الغـالـيأبيـك تـفـرح اذا وصـلـت لــك لحـونـي

ســـــــــــعــــــــــد الــــــســــمــــيــــن

اصايل معجب بهذا

[سعد السمين]

مشاركتي في زواج البناخي موسى جازي السمين

بإسـم الإلـه مصـور الكـون تصـويـرالواحـد المعبـود هـو صاحـب الجـاه

بإسمه بديت القاف مـن غيـر تأخيـروقاف بدون إسمه فقـد كـل معنـاه

والشعـر يبغـى لـه عنايـة وتحضـيـرلكن على اللي بإسمه القـاف نبـداه

وأنــا كتـبـتـه زود فـرحــه وتعـبـيـرللـي دعـى للحفـل ولكـل مـن جـاه

يامرحبـا ترحـيـب حشـمـه وتقـديـرفـي كـل منهـو جــاه كـرتـه ولـبـاه

ويامرحـبـا بالـلـي لفـونـا مسـايـيـررغـم المسـافـة والبـعـد والمعـانـاه

فيكـم وفـاء ومـا للوفـاء أي تبـريـرطبع الوفي لـو عـاق ظرفـه تحـداه

عنـده لفعـل الطيـب دايـم معايـيـرويمشي على المعيار ماتقصر خطاه

وحنـا إجتمعـنـا الليـلـه وليلـنـا غـيـرنـبـي نهـنـي مــن دعـانــا وجـيـنـاه

مبـروك ياموسـى وتستاهـل الخـيـرراعي وفـاء ولـك موقـف مانسينـاه

وموقفـك مايحـتـاج وقـفـه وتقـريـرواضح وضوح الشمس لـو ماذكرنـاه

وماهو غريب ولا يجـي منـك تقصيـروأبـوك أبـو سطـام طيـبـه عرفـنـاه

ومنه الوفاء فيك الوفـاء لازم يصيـروكل يبي يطلع على حسـب منشـاه

وعمـك أبـو لافـي زبــون المناعـيـروقت المواقـف إلتفـت وأنـت تلقـاه

وبإخوانـه الباقيـن ماأحـتـاج تفكـيـرالطيـب فيهـم مالكينـه مًـنَ أقصـاه

وسماك بإسمك من خذتـه المقاديـرجدك عسـى فـي جنـة الخلـد نلقـاه

ماهو من اللـي يحسبـون المخاسيـرولا صد عن ضيفه على شـان دنيـاه

دايـم علـى نــاره يـصـف المباهـيـروطيبه مثل دلـه علـى النـار مركـاه

ومـن السمـان موسمـيـن البواكـيـرحروب والحربي علـى العـز مرقـاه

يعنـي ربيـت بـروض مــزروع نـويـرومـن عانـق النويـر عطـره بمخـبـاه

وفي نظرتي هـذى حيـاة المشاهيـرمافيـه منهـم مًـنَ تعـرفـه وتنـسـاه

وختامها ندعـي عسـى رازق الطيـراللي سقى العطشان من مزنته ماه

إنــه يسـهـل لــك دروب التيـاسـيـروتمشـي لـك الدنيـا عـلـى ماتمـنـاه

وصلوا على المحبوب من باب تذكيرالــلــي دعــانــا للهدى واتـبـعـنــاه

ســــــعـــــد الـــســـمــيــن

اصايل معجب بهذا

[سعد السمين]

لـعـل هـمـال الـمـطر كــل مــادار

لـعـل هـمـال المـطـر كـــل مـــاداروأسقـى الثـرى وأعلـن بدايـة ربيـعـه

يسقي ثرى اللي كل ماشاف الأمطارنفـسـه عـلـى جــو البـلـد ماتطيـعـه

متولـعـن بالـبـر ومصـاحـب أحـــرارأقـلـهـم عــمــره عـشـانــه يـبـيـعـه

ضحكاتهـم تطلـع مـع طلـوع الأزهـاربيض القلوب أهـل الصـدور الوسيعـه

الـلـي وناستـهـم عـلـى شـبـة الـنـاروبعلومـهـم يكـمـل جـمـال الطبيـعـه

طلعاتهـم نطـرب لهـا كبـار وصـغـارودايـم عــن عـلـوم النمـايـم منيـعـه

نـاس تحـب الضـيـف وتـقـدر الـجـارتهـوى التـواصـل ماتـحـب القطيـعـة

الله يـنـزلـهـم مـنــازيــل الأخــيـــارويجعـل لهـم عـنـده مكـانـه رفيـعـه

سعد تركي السمين

اصايل معجب بهذا

[سعد السمين]

ياقلبـي إتـرك عنـك كثـر المشـاريـه

ياقلبـي إتـرك عنـك كثـر المشـاريـهلــو كــان مـالـك بالمشـاريـه لايــم

لاجتك من بعض العرب وأنـت تغليـهوش عــاد خـلـى للوجـيـه الـهـلايـم

ومن لايراعي خاطري ويش لي فيـهيبقـي علـى دربـه علـى طـول هايـم

لعـل ضلـع مـا حمـى صــدر راعـيـهيبقـى علـى حـالـه وحـالـه هشـايـم

للطيب درب وصاحبه صعب يخطيـهويخطيـه رجـالٍ عـن الطيـب صايـم

أحدن تسوقه لسكـة الطيـب رجليـهوأحـدن يعيـش العمـر مثـل البهايـم

وأنـا مــع الـلـي بالمـواقـف نلاقـيـهوعنـده علـى خدمـة رفيقـه عـزايـم

يجـيـك لا أعـتـزتـه قـبــل لا تـنـاديـهلو طحت في وسط البحر جاك عايم

مثلـه قليـل ويستحـق أعتـنـي فـيـهوشــرواه يستـاهـل نـراعـيـه دايـــم

وإن حـدتـه دنـيــاه مـانــي مخـلـيـهلـو كـان يلحقنـي معـه كــل ضـايـم

لأن الوفاء لو غـاب لـه نـاس تحييـهويموت مـع مـوت الرجـال الصتايـم

راعي الوفاء لو غاب ماغـاب طاريـهودايـم علـى ذكــره تـهـب النسـايـم

سعد تركي السمين

اصايل معجب بهذا

[سعد السمين]

لاتحسبين القلب غيرك يراعيه

لا تحسبيـن القلـب غيـرك يراعـيـهما فيـه غيـرك مـن يسـاوي غلاتـك

أنـا الحنـان ألقـاه وأعـرف معانـيـهفي نظرة عيونك وضحكـة شفاتـك

وحبي لك أكبر من جميع المشاريـهويمكـن تجـاوز حـب ذاتــك لـذاتـك

أنتي لقلبي النبـض وأصـدق امانيـهومشاعري لأجلـك عصتنـي وجاتـك

وأنتـي نغـم قلبـي وفرحـه وأغانيـهوتتعب عيونـي مالقـت فـي حلاتـك

ترضيـن كيـف البـعـد إنــي أعانـيـهمدري متى صار الجفاء من صفاتك

والـيـوم قلـبـي خـاويــات مبـانـيـهمافيـه غيـر أشبـاح مــن ذكريـاتـك

سعد السمين

اصايل معجب بهذا

[سعد السمين]

العيٌــه

والله يالـولا قطـع الأرحـام والـلـوموأخـاف منهـو بفضلـه النـاس حيـه

لا أكتب على بعض العلاقات للسومولا تـراهــا لـمــن بـغـاهــا هــديــه

لـنٌـا تربـيـنـا لـنــا طـبــع وسـلــومومـن طبعـنـا دايــم وفيـنـا حمـيـه

نشوش للصاحب وبالموقـف نقـوملكـن يجيـلـك نــوب بالـنـاس عـيـه

والآدمـي لـو كـان بالجهـل موسـوموليـا خطـا تسـهـل علـيـه الخطـيـه

لكـن كـذا الدنيـا صواديـف وقسـومولايعتـرض مسلـم ولـو هـي رديــه

والحـر حـر ولا يشـابـه مــع الـبـومكـل علـى طبـعـه ويـعـرف خـويـه

وإن عـودت ضلعانهـا كلـهـا حــزومالــحــر دور ديــــرة غــيــر ذيــــه

سعد تركي السمين

اصايل معجب بهذا

[سعد السمين]

العرب

الله يرحـم حالكـم يـا هـل الـشـامولا العـرب مـا مـن وراهــا مـعـزه

هذي ثلاث أعوام مـن غيـر هالعـاممدري متى العالـم ظروفـك تهـزه

ماعـاد باقـي بالبـلـد غـيـر الأيـتـاموقلوب تشكي الظلم في كل حـزه

ماكنهـم منـا عـلـى ديــن الإســلاموالمسلـم المـفـروض حـنـا نـعـزه

لكن كذا حنـا علـى طـول الأعـواموتاريـخـنـا يـشـهـد علـيـنـا بــغــزه

أحسن لنا نعلق على صدورنا وسامونكتب عليـه المجـد ماضـي نـرزه

سعد تركي السمين

اصايل معجب بهذا

[سعد السمين]

يالله يامنشي كبار الأعاصير

يالله يامنـشـي كـبـار الأعـاصـيـريامرسل رياحك على قـوم عـادي

وعلى ثمود أرسلت صيحه وتدميرصيحة غضب للي عن الحق غادي

سلط على من يكتبـون المناشيـرولأمــة محـمـد وديـنــك تـعــادي

اليوم كبرت روس بعض الخنازيروزاد الغـرور بروسهـم والعـنـادي

وقامت تبث الكذب من غير تبريروعلى النبي وسب الصحابه تنادي

وكلامـهـم كـلـه دعـايـة وتـزويـرتـبـي تـشـوه صـورتـه للـعـبـادي

عليـه أصلـي كـل ماغـرد الطـيـروفي كل ساعـة ينذكـر بإجتهـادي

اصايل معجب بهذا