ديوان الشاعر ممدوح الغيداني

[اللحالي]

الاخوان والخوات حبايبنا الجميع

السلام عليكم ورحمة الله وبركاته

نقدّم لكم هذا المتصفّح لتجدوا فيه قصايد الشاعر الجزل في معانيه واساليبه المنفرده عن غيره شاعر من الشّباب ولكن
يعتبر على حد كبار السّنّ بسنّه و بتعابير الشّيّاب حين ماتقراء قصائده تجد فيها مفردات من على عصور الاجداد وفيها مايبيّن للقاريء انّه اكيد شاب بمايعني حاضره ومتطلّبات وقته / شاعر , مافيه حيله




(الشاعر : ممدوح محمد الغيداني)



إليكم من قصائده

ههههه(تراه اكبر من جدّي)؟لاتصدقون ههههه

يالله يـالـرّحـمــن وال الـمـقــاديــريالـواحـد الـبـاقـي ولأنـتــه بـفـانـي

انــت الّــذي بيـديـك كــل التّـدابـيـرلاقـلـت كــنّ للـشّـي يــاربّ كـانـي

يالله برصيـدٍ مثـل عبـدالله خضـيـراو مثـل بــن مـبـروك وإلاّ العمـانـي

ابـي اشتـري لـي فـيـه ذودٍ مغاتـيـرو ضــحٍ مـثـل منقـيّـة الكيـرعـانـي

و ضاحـهـا يشـبـه لبـعـض النـواويـرلاشفتـهـا روّحــت فــي جــوّ ثـانـي

ياماحـلا لاروّحـت,, حــزّة,, عصـيـروبالجيـب معهـا عامـلٍ لــي يمـانـي

ولي عندها مجلس لو يقـاس تمتيـرمقـاس طولـه فـوق عشـر وثمانـي

ملفـى ومدهـال الـرّحـال المناعـيـرومركى كبيـر القـوم يجلـس وزانـي

واتـدار بـه صفـر الــدّلال المباهـيـرفيهـا دوا اللـي مـن عماسـه يعـانـي

وبعـد صيانـا بـس مــن دون تبـذيـركـل يـوم اقلّـط فيـه حيـلٍ سمـانـي

و قولـت هــلا يامرحـبـا بالمسايـيـرفـي كــل حــزّه ماتـفـارق لسـانـي

وينصـانـي الـلـي حاديـتـه العـواثـيـراللـي عليـه اجحـف ومـال الزّمانـي

عزيـز نفسـن ماشكـا الـقـلّ للغـيـريكتـم بهمّـه وسـط عــوج المحـانـي

مـانـشّـده و لا أطـلـبـه بالـتّـقـاريـرحيـث ان ماحـدّه قبـل كــد حـدانـي

مـن دون مايشـرح ويظهـر فواتـيـراعطيـه قسمـه يـوم ربّـي عطـانـي

وبـعـده يـجـي دور البـنـي الغنـاديـرابــي اتـونّـس دام هالـعـمـر فـانــي

وحده من عتيبه ووحده مـن مطيـرووحده مـن العجمـان وإلاّ قحطانـي

وفي حرب ربعي مأذكر ايّات تقصيرتسدنـي مـن حـرب بنـت الحصانـي

وباقي القبايل والنّعـم ميـر مايصيـرالشرع عـن باقـي طموحـي حدانـي

_____________________________________

قم,, سوّ فالبـرّاد مـن شـاي كبّـوسالـلـي معـلّـق فـيـه زرقــا الـعـلامـه

عجّل تراي اونس لي بصدري ونـوساغديـنـي أبــرّد و احـــذف العـمـامـه

واحس مجبرني على الشعر هاجوسقـــام يـتـزايـد بالضّـمـيـر انـدحـامـه

من وقتٍ ملخبط وبالحيـل معكـوسمـدري عـلام الوقـت مـدري علامـه

وقتـن مضـى للبـدو قـانـون ودروسوالـعـرف كـلّـن مجـبـرن بآلـتـزامـه

والقـدر للرّجّـال بالطّـيـب مقـيـوسكلـن حسـب طيبـه يقـاس احترامـه

الطّيّـب يقـدّر ويرفـع علـى الــرّوسوكـلّ مايسـوّي طيـب يرفـع مقامـه

ويقـال للدّنـفـوس بالـوجـه دنـفـوسحتّـى يتـعـدّل عــن دروب الرّخـامـه

والـيـوم منحـاسـه تقاليـدنـا حـــوسيالله سـألـتــك يــلإلـــه الـسّــلامــه

لوتفعـل النّامـوس ماقـيـل نـامـوسوأحـيـان تلـقـى لـيـا فعلـتـه مـلامـه

والقدر اخذه اللي تقل حفـرة فلـوسمايـظـهـر فـلـوسـن بـهــا للقـيـامـه

واحدّه من وصفه مثل وصف قابوسمـافـيـه مايقـنـيـه غـيــر ابـتـسـامـه

واحدّه من هو لاهـرج يعطـي بقـوسبالنـاس يضحـك كـنّـه ابــود دولامــه

احسن لي الصّدّه دام الوضع مينوسفكـري علـى الوحـده تبرمـج نظامـه

ماصـيـر لا ريّــس ولانــي بمـريـوسمانـي زعـيـم ولاعـتـرف بالزّعـامـه

مـع ذودي أغنّـي هجيـنـي ومنـكـوسواوده لطـيـاحـه وبــنــت الـنـعـامـه

دام البلد محروس والدّيـن محـروسو آل الـسـعـود مجـوّديـنـن زمـامــه

لـهـم ولاي وحبّـهـم فــيّ مـغـروسحكامـنـا اهــل الـدّيـن والاستـقـامـه

اصايل معجب بهذا

[اللحالي]

يـا بديـر سـو الكـيـف بالـحـال يابـديـربحـدا الــدلال الـلـي بجنـبـك مهـاديـف

ولانـي بقـايـل لــك يـاشـوق الغنـاديـرولاانتـه بعشـق لراعـيـات الغطـاريـف

لكـن انّـك الياحـفـت هــدف الدناقـيـرفـي صنعتـك للكيـف ياشبيـر حـريـف

عـجّــل عـلـيـنـا زايـمـتـنـا التّـفـاكـيـرلـعـل راســي تقـعـده دلّـــة الـكـيـف

نـويـت انــا للـقـاف بـدعـن و تحـريـربـولـفــه عــلــى مـعـانـيـه تـولــيــف

ودّي اعبـر عــن خـفـا الــروح تعبـيـرعـن ماتكـن الـروح مـن غيـر تطفيـف

بـعـض الخـطـايـا تـنـرقـع بالمـعـاذيـروبعـض الخطايـا مالهـا ايّـات تصريـف

والصـدّ و الاقـفـاي مــن غـيـر تبـريـراصعب على الرّجّال من ضربة السيف

و الا عـلـى الـرّديـان امـــره تيـاسـيـريـبـا يطـلـع عــذر لــو كــان تـزيـيـف

مااقـول غيـران شـاء الله انـه لناخيـرمـانـي بقـايـل افــا مايصـيـر ياحـيـف

مـن صـد مالحـق العـرب منـه زغريـردنـيــاً تـنـقّـص بالـعـلاقـات وتـضـيـف

اثــر الطبـايـع مـاهـي بـفـيـد تضـيـيـرمـاهـي طبايـعـنـا لطـبـعـه مـوالـيـف

الـلــي لازاد الـمــال يــــزود تـقـتـيـرومن القصا همـه علـى ناظـره شيـف

وحـنـا يــزود الـمــال ونـــزود تـبـذيـرولالـحـقـنـا لــــو بـذلـنــا تـحـاسـيـف

لـو جاتنـا كثـر حـصـا ( أبــان والنـيـر)راحـت علـى المحتـاج والجاروالضيـف

ولاقــدّرونــا الـطّـيـبـيـن الـمـغـاويــرماهـمـنـا لـــو انـكـرونـا الخـفـاخـيـف

عسـى الـذي قفـى يسـوق المظاهـيـراقفايـة اللـي طـاوي ارشـاه ومعـيـف

مايـوقـف الا مــن ورا حـــدّ خـرخـيـروان كانه اشمل جعله ابعد من طريف

اصايل معجب بهذا

[اللحالي]

على رغم قسـوة طبعـي ومستحيـل اونّلكـن القصـيـد الـلـي بـالاطـلال يبكيـنـي

اسجـم اليـا اوحيتـه واغيـب ولاادري عـنّدموعـن بــلا اسـتـأذان تصخيبـهـا عيـنـي

هوبس منهـو اللـي يلومنـي علمونـي مـنّابعطـي ابــو قلـبـن كـمـا الـثـور بيتيـنـي

عسـا واحـدن يذكـر لـه اطـلال ولايـحـنّيـجـيـه التـجـلـط يمـسـكـه بالشرايـيـنـي

وجودي على الماضي وجودن يخل الجـنّمـن الارض تظهـر لـي وتقـعـد تواسيـنـي

اليا اوحوا نحيبـي جـوا يقولـون لـي هـوّنّويمكـن بعضهـم يــذرف الـدمـع ويليـنـي

وجـودي وجـودن ماعرفـوه البشـر لبـدنّعلى وسع صـدري فـي زمنـا هاكالحينـي

وجودي على صدق المحبه و ضحك السنّماهـو وقتنـا هالحـيـن تـقـل مغصوبيـنـي

وجودي علـى كـم غاليـن بالتـراب ادفـنّالا ليتـهـم عـنـدي لـهـا الـحـيـن حيـيـنـي

اصايل معجب بهذا

[اللحالي]

اخواني الجميع لازلت اقوم بأضافة قصايد ممدوح على اسمه
ولكن استوقفتني هالابيات وحبيت اقدمها لمتابعينه
لكن انا ماني منهم
اكون صادق مع الجميع؛؛؛ لوقلت ان ابو محمد بن عمّي واعرفه مثل روحي لكن لياسمعت ابياته
يطري علي اللي عيونهم طووو هههههه والله يستر

قال الاجرب وهو كل الناس يعرفون الاجرب ياممدوح الله يجزاك خير واخوانك المسلمين

المهم مع هالابيات / والخير مقبل الخيال مسدّ على ماقالوا

الاجـرب اليـوم غـادن لـه تلـولاحـهيهوي على راس من نبّوه في رقمه

انا أشهد إنه جلب في حـدّه الرّاحـهمـن شلـةٍ اخلّقـوا باسلامـنـا نقـمـه

يا زين قصّـة رقبـة النمـر بالساحـهاللي قبل فيه طيش ورافعن زقمه

ياكم مجوسي تفاجا و عطّها صاحهو من الحزن ماهو قادر يبلع اللقمه

ومن عقب كم راس غداله تدرداحهياقل عرف الّذي يرهـب و ياسقمـه

اليـوم مابـه سياسـة نصـح نصّاحـهتبشر شوارب راع الارهاب بالدقمه

صح لسانك ياممدوح شاعر مافيك حيله

اصايل معجب بهذا

[اصايل]

صح لسااانه

و

اللحالي الغيداني معجب بهذا

[اللحالي]

ويّاك يالاميره وان شاءالله
نضيف الباقي
يستاهل ابو محمد

[اللحالي]

كل مافتحت الواتس روّحت لسعـودوالياضغطت اسمه لقيت (اون لاين)

و لا وصـلـنــي لارســايــل و لاردودالظـاهـر إنــه بــس يـدخـل يـعـايـن

ياسعـود قلبـك ويـن ماهـو بمـوجـودابـسـألـك و أنـــا بـنـاخـي و مٰايـــن

كانـك هـواوي مانتـه محصلـن فــودالحـب مالـك وسـط سوقـه زبـايـن

الـحـب مـاعـاد انــت ويــاه يالـعـودوانتـه وابـويـه يـبـو سـامـر سنـايـن

زملا دراسه... لو بتنكـر ! بـه شهـودعـنــدي أدلّـــه لـلـكـلام وقــرايــن

[اللحالي]

الشعر اعشق كتابته عشـق واهـواهنظـمـه يونّسـنـي و يبـعـد همـومـي

نديمـي اللـي كـل مأحتجـتـه ألـقـاهلاطـار مـن كثـر الهواجيـس نـومـي

وان صنّف سـلاحٍ فأنـا اعـد مرمـاهدفـاع مأعتـبـره سـلاحـن هجـومـي

أليـا عتـرض مقـرودٍ ابليسـه اغــواهشغـلـه يــدوّر بالـرّجـال الثّـلـومـي

مـن ماعطانـا الله بنجـزل عطـايـاهمـن هاجسـن مالعثمـوه الخصومـي

متسلـحٍ بالصّـدق و الصّـدق منـجـاهلوقلـت مهمـا قلـت مانـي ظلومـي

ياللـي تنشّـد عـن قصيـدي ومنحـاههــذا أتجـاهـي بالقصـيـد ويـمـومـي

ولانـي بمهـتـمٍّ ولــو مـاحـد أوحــاهلو ان قسمي من اخيـار القسومـي

ان مادعت حاجه فأنا حـاول اخفـاهيبقـى بصـدري غاليـن وامحشومـي

والسّـاحـه معـبّـاه بالشّـعـر تـعـبـاهيصدر من اصحاب الهواجيس يومـي

كـلـن يغـنّـي طــول حـسّـه الـيـلاهوكلـن يحـاول فيـه يرقـا الرّجومـي

دخـلـت لتـويـتـر وقـمــت اتـمـلـلاهبه شـي مايهظـم وشـي مهضومـي

لقيـت مـن يتـقـن لحـونـه ومعـنـاهتعجبـك كـل افكـاره اللـي يـرومـي

وهواجسـه علـى الجـزايـل مـضـرّاهوعـن الهـزال ان عارضنّـه يشومـي

شعره ولو مايكتـب اسمـه عرفنـاهختمـه تميـز عـن جمـيـع الختـومـي

فــي ســبّ وإلا مــدح وإلا معـانـاهمعـروفـةٍ شـواهــده و الـوسـومـي

ان كـان عانـا كنّـك اتعيـش بـأجـواهيجعل بشعـره كـل قاسـي رحومـي

وأليـا قعديمـدح هـل الفعـل والجـاهابـيـات شـعـره تستثـيـر العـزومـي

وأليا هجا سيـفٍ يسلـط علـى عـداهضربه كما الفسقان سيف الفرومي

هــذا ليـأوعـد فــي جـديـد انتـحـرّاهمـثــل تحـرّيـنـا بـيـانـن حـكـومــي

ولقـيـت شـعّــارٍ وكـلّــن وفـحــواهوالكـل مـبـدع مانـقـول محـرومـي

من ضمنهـم مـن نكّلـت فيـه دنيـاهالـحـظ ماخـلـلاه ضـمـن النجـومـي

ولقيـت بالخلـيـان مــن لــجّ بغـنـاهعرضـه كثيـر ولابـه احـدن يسومـي

يـاكــثــر مـاغــنّــا و لالا مــــــلالاهولحـدن بصوبـه لـو يصايـح ويـومـي

يادبل كبدي من هـل الخـوض دبـلاهكبدي من اصحـاب التّصنّـع تزومـي

صحـيـحٍ انّــه فـيــه اوادم مـشـقـاهوصحيح بعـض الهـرج مالـه لزومـي

نــاسٍ تـبـا مـركـز و لاهــي بـويّــاهتـرثـع وتـرثـع والمصـيـر محتـومـي

الثّـوم ريـحـه شـيـن لافــاح عفـنـاهعـن ريحتـه لازم نـسـدّ الخشـومـي

اسنيـن مـاش ابـداع يذكـر وشفنـاهوإلاّ جهـدهـم فاسـريـن الكـمـومـي

كـلّـن يمـهّـد قــدم الاخــر و ينـخـاهوكلّـن لجـل يظهـر يطيـح ويقـومـي

لـــوا عــذابــك يـاتـويـتـر عــذابــاهضميت مـن حورنـي الشعـر كومـي

لـو ضـمّ ماضمّيـتـه انـسـان يـمـداهمـن مايعانـي طـش كـل الهـدومـي

واختامهـا عـنـدي عـلـى ماذكـرنـاهملاحـضـه يبـصـم لـهــا يالبـهـومـي

الشّعر حكمه تنطقـه بعـض الافـواهولاهـو بمقيـاس الرجـال القـرومـي

كم واحدٍ تقصـر عـن الطّيـب يمنـاهلـو كـان بلسانـه يـدربـي العلـومـي

وكم واحدٍ معرض عن الشعر ماجاهولايلحـقـونـه بالمـواجـيـب لــومــي

وسلّم على اللي كلهن وسط مخباهطيـب وقصيـد محـطـمٍ للرّقـومـي

[اللحالي]

انا صرت في جنب( الرضيمه) بلا جيرانمضى كم سنـه وانـا بهالجـرف وحدانـي

جميع الرّبع شدوا باهلهـم عـن الشعبـانو كـلـن بـنـا بـيـتٍ يضـمّـه و مسكـانـي

ولا يمرّنـي يـاكـود مـانـع وهــو عـجـلانيـطـش الـسـلام ان شافـنـي ويتعـدانـي

وانا يوم اشوفه حط مدهل وانـا فرحـانواعــدّي اغـنـي لــه بعـذبـات الالحـانـي

لو اني من اهجوسٍ تجيني ماني طربـانعلـى وقـتٍ مولّـي يهيـضـن الاشجـانـي

يوم ان البيـوت اللـي بجنبـي بهـا سكـانو بالحـي عـنـدي كــل ربـعـي وعمّـانـي

جميـع الّـذي شــدّوا طــروا كلـهـم الانوكلـن ولـه وحشـه يضاهـي بهـا الثـانـي

وطرالـي تجمّعنـا لاجـا مفاطـر رمضـانوفـرحـة لقـانـا ننتـظـر وقــت الآذانــي

قلوبن نظيفـه ماحملـت كبريـا واظغـاناحـيـي جمـيـع الـلـي نطحـتـه وحـيـانـي

و آلا يامحـمـد خلـنـي وغـــادر الـمـكـانمـاأدانـي احــد و انــا بهالـحـال مـادانـي

لاتتعب معي بيطـول ليلـي وانـا سهـرانابـا ابطـي انـا يابـوك و الـنـوم ماجـانـي

ولا ابيـك تنظرنـي وانـا ضايـق وحـزنـانمغيّـب ولا ادري ويــن هالفـكـر ودّانــي

اثرها الشجون اليا طرا ماضـي الازمـانلـو انّـهـا تـحـل بداخـلـيّ الصـخـر لانــي

حسيـبـي عـلـى دنـيـا تقـلّـب بلامـيـزانبها البدو قبلي كدّ شكوا فرقـا الاضعانـي

ولافيه حل لها المشاعر سـوى النسيـانوترديد ( زين الوضع ) و الوضـع مازانـي

صح لسانك ابو محمد /شاعر تجسيد المعنا؟ ماشاءالله عليك يابن العم

[اللحالي]

عـنـدي نصيـحـه يامربـيـن الاغـنــامتــرا الغـنـم مـاعـاد فـيـهـا غنـيـمـه

لاتزبـرون مـن العلـف عندهـا اكـوامولع بكـم سعـر العلـف فـي جحيمـه

لاصـار مايجيـكـم بـالاسـواق ســوامالا الـــذي يـســوم بـاخــس قـيـمـه

بعـض البـشـر تـقـل يتحـلـم تـحـلاّميبغى الطلي في سعر بسكوت ديمـه

نزول سعـر الماشيـه عارضـن هـام.ولاالـوم مـن وصـف نزولـه جريـمـه

ومحلليـن المشكـلـه راحــو أقـسـامبـيـن الـنـوايـا السـيـئـه والسلـيـمـه

من قال ذاعرض وطلب)عبرالاعـلامنـقـول دور غيـرهـا .... ذي قـديـمـه

اليـوم كـلـن بالـوضـع عـنـده الـمـامكـــل الاوادم فـــي زمـنــا فهـيـمـه

اللي عثواباسواق الاسهم من شمـاممـن نوعهـم طبـوا بـسـوق البهيـمـه

قامو عليكم في ضغوطـات واحكـاملـيـن احرمـوكـم جعلـهـم للحريـمـه

بـس اشتـكـوا لله ولـأحـفـاد الامــامتــرا اومـراكـم يكـرهـون الظلـيـمـه

تـحـت عدالـتـهـم تـحـطـم تـحـطـامكـل الامـور اللـي ماهـي مستقيـمـه

قلتـه وانـا مالـي بهالسـوق مسـهـامولالــي بحبـصـيـه ولا فـــي نعـيـمـه

فزعه لمـن رزقـه عليهـا لـه اعـوامانسـان يبغـى يعيـش عيشـه كريمـه

كل المكاسب راحت بلبس وإطعام .لعيـالـه الـلـي. مابـلـغـوا ولحـريـمـه