ديوان الشاعر محمد لطيّف العنزي

[اللحالي]

بقدوم شهر رمضـان النـاس فرحانـه ~
فرصـة عـمـر كــل مسـلـم لايضيعـهـا

شهـر يربّـط بــه الشيـطـان واعـوانـه ~
وتفتـح دروب العبـاده مـن مجامعـهـا

الـربـح والخـيـر والـغـفـران عـنـوانـه ~
والـنـاس لازم تـغـيـر مـــن طبايـعـهـا

الجـار ياصـل بشهـر الخـيـر جيـرانـه ~
سـنـة نـبـي الـهـدى وصــى بسابعـهـا

واللي هجـر مصحفـه يرجـع لقرءانـه ~
الله يــرحــم مـلـيــك كــــان طـابـعـهــا

واهل المعاصي على اللي فات ندمانه ~
قامت تجافا الجوانـب عـن مضاجعهـا

يـرجـون مـــده وتكـريـمـه وغـفـرانـه ~
وعيونـهـم بالخـفـى هـلــت مدامـعـهـا

تكـفـون كــل يـجـود عـظـمـة لـسـانـه ~
القـوم شافـت مـن السنهـا مصارعهـا

بضـاعـة الحـقـد والـنـمـات خـسـرانـه ~
تـجــارة خــــاب شـاريـهــا وبـايـعـهـا

يالله يالله يـالــلــي عـــالـــي شـــانـــه ~
يــارب نفـسـي عــن الــزلات تمنعـهـا