بسم الله الرحمن الرحيم
قصيده ترحيبية بمناسبة زواج الشاب
فيصل علي الشميلاني
اقول في قافٍ بدعته بسم ربي مبتداه=ربٍ خلق كل الخلايق عالمٍ باجالها
له الثناء والشكر سبحانه وجلّ في عُلاه=اللي يجازي حسنة المحسن بعشر امثالها
وببداية ابياتي بميقافي بعد ذكر الاله=جبت الفرايد والفرايد وافيٍ مكيالها
ندّر حرار الها ليامن جت بحزتها طراه=من هاجسٍ من سوقها ماجاب غير جزالها
ولاينزل الا بسوقٍ يشرف وعالي مستواه=وفي محتوا الابيات يومنه بدا موالها
يامرحبا من خاطري ترحيب وافي محتواه=طيب وكرم لضيوفنا اللي عاليٍ منزالها
اعداد مابان القمر واعداد نجمٍ في سماه=واعداد مالاحت بروق الخير وسط خيالها
والله يحيي من حضر والكيف مقداره وجاه=والشاذليه للنشاما جاهزن فنجالها
عند الرجال اللي لهم بالمعرفه وجهٍ وجاه=ذوي عقيل العزوه اللي حاضرين ابطالها
اللي لهم تاريخٍ مشرف ومن يقرا قراه=واللي يعرف اوسودها يدري بطيب اشبالها
وابو راكان معزب الضيفان حيا الله نباه=له وقفةٍ وقت اللقاء ماينثني معدالها
وابو راكان معرّب الجدين عز لمن نصاه=في ساعةٍ عم المعارك يعتزي في خالها
وابو راكان اللي على الطالات من حزّة صباه=له سيرةٍ بالطيب وتنومس ومثله نالها
وابو راكان اللي هروج عداه ماباحت خفاه=واعداه وقت المعركه فال الله ولا فالها
وابو راكان اللي نهار الكون ماتقصر يداه=وكم كيلةٍ بالهوش يربعها لمنهو كالها
وابو راكان اللي على الزّلات ماسارت خطاه=ولايبتلش في حيلةٍ لو يعتزي محتالها
وفيصل ترا هو راعي الماجوب وربوعه ذراه=في ليلةٍ ما للمواقف غير فعل ارجالها
مبروك للفارس عسى ربي يحقق له مُناه=يقولها اللي صادقٍ من قلب يومه قالها
يابو علي سلّم على عمّك بميقافك تراه=عمّي وابو ذيك الاصيله هو جد عيالها
وانته عديلي ياعريب الساس عنوان الغناه=جتك الاصيله شوش بالميدان ياخيالها
لاكن على وضح النقى من غير شكٍ واشتباه=واللي يشك بجابتي دقنه ردي اسبالها
من لايجود جابته في وسط ميدان الرماه=البندق ام حزام بالميدان عيب ان شالها
تم الكلام ونختمه بازكى السلام امع الصلاه=على النبي عد المزون اليا انهمر همالها
=الشاعر ناصر الشميلانـــي
05-13-2015, 02:19 AM
الله يحيي من حضر
المواضيع المتشابهه
العرض الشجري