العودة   منتدى اللحالي > روح القوافي > مختارات من نبض المشاعر

 
 
أدوات الموضوع انواع عرض الموضوع
المشاركة السابقة   المشاركة التالية
قديم 05-03-2015, 03:20 PM   #1
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي قصيدة اعجبتني


يا رجل يا للي في غيابي تكلمت=علمك على بالي ورمزك فهمته
يا للي بحجه مستحيله توهمت=حولت حظك وسط بير وهدمته
سيلك تدفق من شفاك وتخرمت=ليتك عن اللي ما استحقه ردمته
وإن كان هادف لك هدف يوم هاجمت=العقل شوري والتزامك بصمته
وكان الجهل سيطر عليك وتقدمت=ما ظن يثبت قولك اللي زعمته
وإن ضعت مع جيش الطواري وهايمت=بركت للحق المصيب وغرمته
غادي وخيل لك خيالك ورهمت=وسم الحنش لو تلحسه ما جغمته
غروك ناسٍ من نسمهم تسممت=واللي عطى لو ما تبي ما حرمته
أنصحك وألا ما علي لو تقحمت=دام أحتمل زلة رفيقي حشمته
ونصيحتي وجهة نظر ما تغيشمت=شبحي بعيد ومن غدا ما غشمته
وليا بغيت أهدي هدية وقسمت=ما هس بالميزان قسمٍ قسمته
أنا ليامني بالأوضاع ساهمت=أصور الواقع نظر لا رسمته
ماني غشيم من التجارب تعلمت=وإن مال ميزان القريحة حكمته
لأمعنت بأسلوب المعاني وخاصمت=خصمي بجزلات المعاني خصمته
بلحام سكرت الملاحم ولحمت=وعلى منافيذ الملاحم برمته
لا سقت طاروق القريحة وصممت=حذفي على اللي يستحقه رجمته
وبعض الكلام أخير من رده الصمت=وإن جاء من الجاهل غلط ما جرمته
وعن بعض ما نسمع ويهرج تشيمت=وسلم الرجال أهل السلوم احترمته
ولو كل ما ثارت عجاجة تحيزمت=تهت الطريق وكل عابر صدمته
مهما حصل بأسلوب عقلي تحكمت=ورأي الحكيم المعتدل ما لطمته
لو كان به ناس توجه لي الشمت=مهما يقال بغيبتي ما حلمته
بعض الكلام الياسمعته تلطمت=وفيض المجالس ما أزعجتني نغمته
طبعي على تأديب الأخلاق داومت=ومن ضاع عن درب السنع ما دعمته
لا بس حرامي من شفا السيل وأحرمت=والعلم بالقلب المفتح حزمته
وحقيقة الواقع بها ما تحلمت=من مصدرٍ ماثوق سر وكتمته
إن شافها وإلا نصيته وسلمت=وحددت له مرسام حد ووسمته
ودليته اليمّه وبالله تعصمت=إلا أن تراجع صاحبي عن وهمته
ظنه ظنين اليا قريته وترجمت=بالحق وإسناد الوثايق هزمته
وإن ضاق صدره من كلامي تبسمت=وإن مد لي كف الرضا ما شتمته
ماني سفيه إليا إحترك عود برعمت=واللي مجنب سيرتي ما عزمته
وإن دار دولاب الهواجيس وأبرمت=معناي عن نقد العوارف عصمته
ما بعت في سوق الضغاين ولا سمت=ما أخطي ومن ميَّل عليه خزمته
ما أفطر على تشويه الأوضاع لا صمت=ورأس الصديع إليا اعترضني حجمته
وبسلوم لزمات الرجاجيل لا زمت=أسير مع سلم الرجال ولزمته
وليا سفهت ******ه ما تندمت=وما عون خلاق المشاكل خدمته
وأنا مع اللي يفتهمها تفاهمت=ومن لا تطرق منهجي ما زهمته
وإن حدني حادي قوامه وقاومت=سبحت مع موج البحر واقتحمته
جهزت نفسي للعبور وتولمت=عمق البحر لوهاج موجة دحمته
وجهتها بيضا صريحه وحكمت=أحكمت مضمون الجواب ونظمته
تم الجواب اللي نظمته وتممت=والوصل من راع البريد استلمته
وصدرتها بأسلوب هادي وترجمت=ومن لا ظلم نفسه حشا ما ظلمته
أدخل على الله بالخطأ ما تذممت=وحق العباد وقدرهم ما هضمته
وجو الصداقه ما سهجته ولغمت=معرض عن الغايب ولا آكل لحمته
ودام أمتلك نفسي عن الظلم حرمت=لو كان تجذبني لشخص أتهمته
لبستها ثوب المناعة وسجمت=وأرجي عسى الجاهل يوطي رضمته




للشاعرالرائع " بدر بن عواد الحويفي الحربي "
راقت لي واتمنى ان ترتقي لذائقتكم
ترانيم حربيه غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
خاطره اعجبتني اللحالي الإسلام والحياة 0 04-02-2018 02:30 PM
خاطره اعجبتني اللحالي الإسلام والحياة 0 04-02-2017 02:55 PM
خواطر اعجبتني اللحالي المواضيع العامة 2 12-18-2016 03:23 PM
قصيدة اعجبتني ترانيم حربيه المواضيع العامة 3 05-11-2016 09:57 PM


الساعة الآن 10:03 PM