الّلحالي

[اللحالي]

كتبت مهرة الشّمال

يا ملقّبٍ نفسك في اسم الّلحالي=من مهرة الحدّ الشّمالي هلا فيك
‎ ‎‎ ‎ ‎ = ‎ ‎ ‎
تـرحـيـبـةٍ مـا قـلـتها من خيالي=جت من صميم القلب يا روح مغليك
‎ ‎‎ ‎ ‎ = ‎ ‎ ‎
ما هو بهمس العشق يا راس مالي=ومثلك يعرف القاف من راس مهديك
‎ ‎‎ ‎ ‎ = ‎ ‎ ‎
دمّ العروق الطّاهرات الزّلالي=ونبض الصّميم الّلي بجوفي نبض فيك
‎ ‎‎ ‎ ‎ = ‎ ‎ ‎
أوضّحه من شـان يـفـهـم مقالي=لـغـيـرك ولّا أنـت مـا هـو بخافيك
‎ ‎‎ ‎ ‎ = ‎ ‎ ‎
هـذا سـلامـي يـا بـعـيـد المنالي=وعسى السّعاده طول عمرك تخاويك
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎

ردّ الّلحالي الغيداني

يا مرحبا بك عدّ وبل الخيالي=وفي كلّ ما يسعدك الله يحيّيك
‎ ‎‎ ‎ ‎ = ‎ ‎ ‎
يالّلي من أبياتك أشـوفك قبالي=من نازح الأبعاد جت بك معانيك
‎ ‎‎ ‎ ‎ = ‎ ‎ ‎
عبـر مجالس مـن عمام وخوالي=هذي مجالس حرب ربعك وأهاليك
‎ ‎‎ ‎ ‎ = ‎ ‎ ‎
وأنـا لـمـن يخصّـنـي بـامتـثـالي=اعتبـري إنّي مثل مغـلاتك أغليك
‎ ‎‎ ‎ ‎ = ‎ ‎ ‎
الله عطاني فـكـر ما بـه لوالي=وفهمت ما تملي لفكري قوافيك
‎ ‎‎ ‎ ‎ = ‎ ‎ ‎
يا علـو قيمة قاصـدي باحتيالي=يالّلي قبيلة حـرب منها مجانيك
‎ ‎‎ ‎ ‎ = ‎ ‎ ‎
وتبقى على قلب الّلحالي موالي=والله ما تخيـب فيـني هـقـاويـك
‎ ‎‎ ‎ ‎ = ‎ ‎ ‎
في عـون مـولانا عـزيـز الجلالي=أحمدك يالّلي ما يخيب الرّجا فيك
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎