بلفح الهبايب طايره

[اللحالي]

سبق وأن قلت لي عوده لخواطر اعضاء وعضوات منتدى اللحالي و زوّاره بسبب موضوع نقله للمنتدى احد الاعضاء منشور بوسايل الاعلام وهو بالكامل في قسم الصّحافه والاعلام هنا بالمنتدى بعنوان ( العمل يسمح بتاشيرة شاعر ) ولأعلم هل هو يخرج ويعود بالتاشير أم كيف ؟ المهم من أراد المزيد يجد الموضوع بالقسم المذكور أمّا موضوعي كونه بقسم عذب القوافي من أجل انّه بصيغة أبيات
وإلى الجميع ما يلي

‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
وين انت ياللي تبي في عال الفضاء تبني فلل=
سيسانها جنحان وبلفح الهبايب طايره=
‎ ‎‎ ‎ ‎ = ‎ ‎ ‎
وليا دخلن بالجاذبّيه فوق والجوّ اعتدل=
افتح قَنَوات الفضاء ياللي تبي نشايره=

‎ ‎‎ ‎ ‎ = ‎ ‎ ‎
لعلنا يمّك نطير وعند مثلك نسفهل=
احسن من إنّا فوق كوكب شايطه قشايره=

‎ ‎‎ ‎ ‎ = ‎ ‎ ‎
حنّا بوقتٍ شاف فيه النّاس كل اللي حصل=
على صعيد الأرض عملات الأوادم جايره=

‎ ‎‎ ‎ ‎ = ‎ ‎ ‎
حتّى الصّحافه قالت ان العلم متعدّي زحل=
عن من يحب الشّعر واللي ممتطي حرايره=

‎ ‎‎ ‎ ‎ = ‎ ‎ ‎
قال العمل تأشيرة الشّاعر ولادري من كفل=
هذا الخبر مشهود والله يعلم بسرايره=

‎ ‎‎ ‎ ‎ = ‎ ‎ ‎
مير أنت ياللي بالقوافي ما يجي منك الزّلل=
يا كثر ناس الطّيّب اللي تنتظر شوايره=

‎ ‎‎ ‎ ‎ = ‎ ‎ ‎
عبرالقوافي ياصل السّامع كلامن مكتمل=
بالنّطق وإلاّ بالحروف مسجّله سطايره=

‎ ‎‎ ‎ ‎ = ‎ ‎ ‎
الشعر ديوان العرب ياللي بمضمونه جهل=
خذ كلمة اللي في بحوره له سفينه سايره=

‎ ‎‎ ‎ ‎ = ‎ ‎ ‎
وهبه من الله ما لغيره في فهايمنا وسل=
ومغثبر الرّيغان يجني بالنّكد غبايره=
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎