طيف الرحيل - سعد ناعم السّهلي

[اللحالي]

تمنيتك وطن لي شرقه وغربه=سواة البلسم اللي يبري اوجاعي
شغف قلبي هواك وزاد به كربه=بعد شفت الزمان الشين ماطاعي
رحل طيفك وفكري تاه مع دربه=دعيته للرجوع وقال لاداعي
يداعبني غرامك وافرح بقربه=وقلبي يرتجف مابين الاضلاعي
تمالكني وله مااقوى على حربه=تغنّا بالضمير وغيّر اطباعي
احس اهات في صدري تحاشربه=واقود حروف شعري وارفع شراعي
يهيم الليل من حولي واسافربه=واعزف اوتار حلم بصوت ملتاعي
بدا منك الجفا في رحلة الغربه=حسافه وانت غالي تلوي ذراعي
احد له بالوفا عذر ايتعذربه=واحد له في عذاب الروح مرباعي
تمنيتك خوي بالدرب افاخربه=قبل وقت الرحيل ودمعة الناعي
متى اللاهي عن المشتاق يشعربه=متى الايام تلبس زين الاوضاعي

سعد ناعم السهلي