ودي ولكن كيف تحقيق ودي=عيّا زماني لايجي لي على الكيف
لقيت من وقتي عناد وتحدي=يمرني عمري مثل عابر الطيف
ياما تمنيت الدقايق تهدي =وياما تمنيت الشتاء ينقلب صيف
ظلم الليالي مع نصيب متردي=تجمعوا واصبحت أنا عندهم ضيف
غديت تايه دمعتي فوق خدي=دمعة يتيم ملوعته الصواديف
فصلت من خام الشقاء ثوب قدي=كسيت نفسي بالعناء والتحاسيف
لقيت من حبيت عني يصدي=والسالفه طالت وراحت سواليف
قلبي ومحبوبي مع الوقت ضدي=يهون قلبي عند صد المواليف
يانفس لايام الجفاف استعدي=موتي قهر والا على ضربة السيف
02-15-2015, 09:45 PM
ودي ولكن كيف تحقيق ودي
المواضيع المتشابهه
العرض الشجري