10-21-2014, 03:03 PM
|
#1
|
مالك الموقع
تاريخ التسجيل: May 2014
المشاركات: 6,531
|
محاوره ؛عجل المناديب و خدين الليل
ياخواني ياخواتي لاتواخذون الشايب ترى ماعد إلا خير يالله حسن الخاتمه/حتى فكره حاول ينصحه
؛يقول؛ (ارواح يالشّايب) هذا ماسمي
عجل المناديب=
يالشّايب اللي لك مع الطّاروق في مـرقاك فوق=أحـذر بـنـي آدم ولاتـطـمـع بـخـمـش حـلوقـهـا
تـرى الـدّروب الـيـوم يالـشـايـب بـهـا مثلك زلوق=محدن يبي يفهم علومك مـير شـدّ أسـبـوقـهـا
خدين الليل=
يامرحبا ياللي وسمت وماسمك مثل البروق=عـبـر القـوافي بالـرّمـوز اللي رفـيـعـن ذوقـها
اسمك يخليني معك في بادي المبدى طفوق=من درهمت هـجنك وخيلك وين انا وألـحوقها
عجل المناديب=
ابانصحك واحذر هبوب الشّرق بالليل الغسوق=وان جات معها الغرب تشويك بلهيب اشعوقها
تراك في وقتن به الطّاغوت مشموخ الفسوق=والخلق تـجني ياعـمـيل الخـير شرّ افـسوقها
خدين الليل=
مانيب جاهل ياعميل الخير والله لا يعوق=نسرح ونمرح والهرافي في شروك اربوقها
هذا كتاب الله دليل اللي عن الوجهه يتوق=والشّجره اللي ميّته باسباب قطع اعروقها
عجل المناديب=
كيف انت كيف الحال كيف الصّادفات من الوفوق=ترى السّفاين خاضـت الابـحـار رغم اغـروقها
والبحر فيه من المخاطر مايخليه امـعـشوق=والله يابعض البحور ان الخـطـر بـغــمـوقـهـا
خدين الليل=
الحال متسادي مع الايام ويصارع اصفوق=ولافـيـه يـدّ إلاّ ويـدّ ربّ الخـلايـق فـوقـهـا
في مرّةٍ يشبع وفي مرّه ينام ابلا غبوق=ودنياه متّسعه بحال وحال عجل اضيوقها
|
__________________
لا إله إلا أنت سبحانك إنّي كنت من الظّالمين
|
|
|