مسكة حرب

[اللحالي]

تأملت في حالي بعد وصلتي سـبـعـيـن
من العـمـر. و سـرود الليالي بـشـايـبـهـا

اشوف المرايه في مجاوب نظير العـين
تترجـم رمـوز و عـيـني اللي تـجـاوبـهـا

تقول المرايه عن تـجـاعـيـد بـالـخـدّيـن
و انا يـانـبـيـه الـعـرف مـانـي مـكـذّبـهـا

ولاني بمستغرب من اثار جـرد اسـنـيـن
مضت من حياتي مستفـيد بـتـجـاربـهـا

وانا من قبيلة حرب لوقيل لي من ويـن
قـبـيـلـه تـواصـل بـالـمـعـارك سـرايـبـهـا

يومن الشجاعه تنفعل بين حين و حيـن
حـسـب.مـاتـذعـذع لـلـمـنـايـا لـهـايـبـهـا

شف اللي بمسكه شاهده فيه بفلسـطين
قبل مع جيوش التّرك تنفض مـنـاكـبـهـا



مسكة تأكد وش لحـرب بـفـلـسـطـيـن
تـاريـخ.. تـشـهـد.. لـه. وثـاق الـدّلايـل

فـي ديرة لأقـصـى ثـبـوت و بـراهـيـن
تبـقـى لـحـرب. ولـو تـطـول الـمـهـايـل

لوطال معهـا الـوقـت عـنـهـا بعـيـديـن
تـبـي. تـعـيـد. امـجـادهـا.. بـالـفـعـايـل

نصـر ٍ مـن الخالق لـه الـخـلـق راجـيـن
الـلّـه... يـعـجـّل. بـه لـشـفـي الـعـلايـل

الـلـي بـهـا الـعـدوان. عـادوا. جـريـيـن
بـمـسـاعـدات.الـخـايـنـيـن. الـسّـفـايـل

من وعد بالـفـور الـمـورّخ ذاك الـحـيـن
لـلـوقـت...هـذا كـم و كـم مـن قـتـايـل

لـكـن يـامـسـكـة.. لـلـعـلايـل مـداويـن
في وقت يحصل بـه كمـول الـوسـايـل

الـلـي.. بـهـا..تـمـكـيـن. لـلـمـسـتـردّيـن
لـو جـيـل. قـادم.. يـقـتـدي.. بـالاوايـل

وبفزعت. الـمـعـبـود يـسـتـوفي الـدّيـن
ان مـاقـدرنـا... نـسـتـعـيـد.. الـجـزايـل

لوكان طول الصّبر يـمـضي بـه سـنـيـن
مـئـات.. بـالـتـحـسـيـب مـاهـن قـلايـل

مـن. قـبل. نـابـلـيـون. و الـفـاطـمـيـيـن
و مـكـابـد. الـنـعـمـان. ذيـك الـسّـلايـل

وقومـت صلاح الدين بذيك الـمـياديـن
و مـشـاركـة حرب بـوطـيـس الـهـوايـل

من شرس سطوة حرب صارواسلاطين
في عون من ينشـي ثـقـيـل الـمـخـايـل

مـن شـانـهـم في طـاعـة الـلـه وفـيـيـن
وبـبـذلـت الـمـجـهـود فـيـهـم فـضـايـل

في وقت تبيان الـفـعـل لـلـشّـجـيـعـيـن
مـن غـيـر قـاصـر في فـعـول الـقـبـايـل




اقول من ماشفت في وضح النّهار
تصرّفـات لـبـعـض نـاس تـعـيـبـهـا

منطق لسان و لا لمنـطـوقـه ثـمـار
واقول كلمه لـ سامـع ٍ يـوحـيـبـهـا

ياللي تقول النّاس اخـطـاهـم كبار
النّاس تحـكـيبك كـمـا تـحـكـيـبـهـا

ياللي بناسك شاط صوتك بالهـذار
هل يعقـل مالك زلّـة ٍ مـخـطـيـبـها

لا. كنّ. خلّك بين ماشـين الـمـسـار
وفكّر بمخطي حالتك و مصـيـبـهـا

اعمل مادامك حـي بـه جـنّـه ونـار
لين الـنّـهـايـه بـحـفـرة ٍ تـلـفـيـبـهـا

لولا الخطايا مايوجـَب أسـتـغـفـار
ولافيه تـوبـه تـطـمـع بـتـثـويـبـهـا

واللي خـلـق الخـلـق لـه الاقـتـدار
انّه يحاسـب كـل نـفـس بـعـيـبـهـا

الله عليم الخـلـق فـأبـرار و بـحـار
مأصغر من النّمله و علم تدبـيـبـهـا





تسلّوا بالنّكت في وقتنا الحاضر عن الضّيقات
ترى الشّطّار في تفتيش جيوب العـرب واجـد

وتحايلهم على لقمـة غـذاكـم مـابـهـا حـيـلات
مثل مأنتم تشوفوا كل واحد بدرب مـتـواجـد

حتى في نومكم شبّوا على موق النّـظـر لنّبات
تراهم مع ظلام الـلـيـل ياتي سـبـرهـم هـاجـد


وش عـاد يـالـعـدوان تشيطروبنا
انّا عـرفـنـاكـم عـبـر كـثـر السنين

واقـول يـأمـشـّر. بـنـانـك صـوبـنا
المـاو مـا يـخـفـى عـلينا بـالدّنين

و اقـول يـاشـجـعـانـنـا ثـوروبـنـا
حامي وطيس ولاجلوس مذللين

إلـيـا..مـتـى يـانـاسـنـا يـلـعـبـوبنا
وإنّا على السّنه و بالله نـسـتعـين

والـيـوم ضـيّعـنا شـتـات ذهـوبـنا
ياذالعـجاف اللي بها متقـاعـسـين

مـانـسـمـع الاجـداد لـو يـنـخـوبنا
نقول عن منهـاجـهـم مـتطـوّريـن

وثـوبـاً كـشـخـنـا فـيه ماهوثوبنا
جونا به اللي بالمقـاصـد ساعيين


يـاعـزّتـي لـي مـن تـزايـد أعـمــاسـي
وبنات فكر الرّاس جـوع ومعـاطيش

و احـاول أشـرد لـلـفـيـافـي بـراســي
لايـنـزعج من طـايشـات الوغـاويـش

انـا بـوقـت الـمــدشــره و الـمــأســي
وكـلّـنّ مـن الإعـازلـلـمـتـش.تـمـريـش

وأقـول يـالـلـي بـالـمـعـارك حـمـاسـي
تـراك. حـارس. عـن رعـيـّة قـرافـيـش

مـع..الـرّخـال. الـلـي بـهـا الإفـتـراسـي
مـن الـكـلاب.. الظـّالات.. الـنّـواهـيـش

يكرم جـنـاب الذّيـب عـن الخـسـاسـي
واللي يحسدونه على لقـمـة الـعـيـش

كـلامي أبـديـتـه يـخـص. الـنـجـاسـي
واسـتـثـني اللي بالـنـزاهـه معـاويـش

وان صار لي بالقاف منصـب رِئـاسـي
ماني بشارح عن دغول العـشـاعـيـش

احـيـان. يلـزمـنـي غـفـول و تـنـاسـي
و يلزمني ببعـض التعـامل تـهـامـيـش

و أسـكّـر اذني عن غـثيث الحـساسي
مـع صـدّ عـيني عن مـجال التّراميش

لـجـل الـوضـع آئـل إلـى الإنـتـكـاسـي
وأسقط مقام الحصن وأعلى الاكاديش

ندري ان هذيك البساتين وذيك المزارع
غضبها شديد و طايل الـصـبـر مدمي بـه

لكن عـلّـهـا خـيـره لـمـحـمـومـهـا الـفـارع
ويعوض الله احماها من اللي متوطي به

مقاسـيم يـالـلـي مـع نـوايـاك مـتـصـارع
بوقت الخداع الـلـي تـبـنّـوه اصـاحـيـبـه

لو العلم مـتشـعـّب و مـبـحـر بـه الـبـارع
لكن يختلف به فكر الاشباب عن شـيـبـه



يقولون. وشبك ياللحالي تقل مسبوب
قوافيك... ياسرهيد... شرسه. بطاينها

وانا أقول هذا اللي لفكر العنا محسوب
ولي. ناس. تفهم. كلمتي.. من تباينـهـا

وابي أقول لكن كيف آكلك يالمشروب
و كيف.. اشرب.. الاكله و اكل شناينها

لك.العلم. ياللي بالنّظر تشهد المكتـوب
و يلقابها.. فكرك.. تراجم..نـشـايـنـهـا

ابي اقول وانت افهم بماللفكر مكسوب
نتاج... العقول..العايشه..مع. سناينهـا

يطيب المزاج اللي على غاية المطلوب
ليا. كبرت... الجزله...و كثرت. ثماينها

لوأنّ الزّمان برعشة الوغوشه مصيوب
هذي... حالة.. الدّنيا.. وحالة.. فتاينها


يالتّاريخ ابي انشدك عن عمرو ابن العاص
وانت بماتعرفه عـنـه بـالـصـّدق جـاوبـنـي

تـراه السؤال اللي اشوف ان وضعه خاص
و عليك اخـتـصـار اللي بـلـيّـاك يـتـعـبـنـي

متى ينتهض صدر اشقر الرّيش بالمقناص
و عـن مـابـدا لـي بـالـثّـمـن لا تـحـسـبـنـي

على. شـان مـانـي للأثـر بالـوطـا قـصـاص
وانا عارف الـهـادم لـكـن مـن يـبـي يـبـنـي

او عـسـاك تـفـيـدنـي عـن ابن ابـي وقّـاص
عـشـان..الله بـيـسـر الـتـعـالـيـم.واهـبـنـي



ألذّيب... يالسّاري... شمال. الطّور في ليله.عوى
و انا بنفس.. الليل. عاوي. مير. مايسمع. اعواي

سمعت.. عوياته.. بذاك الليل.. مرسلهن... سوى
و ابديت. من مايجتول. بالفكر و إيبيّح.. خفاي

اقول يالشايب وش اللي شفت في ليلك ضوى
في طورسيناءاوسراوات الحجاز.أومي عصاي

وش حيلتك.. يالشايب اللي مبحلك نوع الثّوى
شايب.. و لاتقبل. من الشّيبان... بالمقصود..راي


الله....اللي..عالم (ن) فرق الصحيح..من..الخطا
يالعميل اللي هروجك. مثل أعضاء... الأخطبوط

والله ان العمله... اللي. كود. في.. سعي... وسطا
تنذر.....الملزوم..... فيها... من تنافيذ....الشروط

و المصيبه... لوهو.... بعالي.. و ياخذ... به... بطا
ساع.... تاتيه... العواصف... يلوي.بسرع.السقوط

ثم.. يشوف.... انّه على نيبان.... مسمومه...وطا
ناب.. داب.. و ناب غلث.. وأصتقر فيه.. مخلوط

يعرف... ان الغلث. في كل... انسجة جسمه سطا
والله اعلم وش بوقت البرق يحصل من سخـوط