10-04-2018, 09:30 PM
|
#1 |
|
مالك الموقع
تاريخ التسجيل: May 2014
المشاركات: 6,563
|
جازي الحربي
ذكرتني.... يافهيد حبّ.. الحبيبين أبوي.... وأمٍ.... مالحقنا.... جزاها ذكرتني.... يانور... عيني... بغالين روحي... عليهم... يجبر الله عزاها البارحة... يوم.. أنت واقف تنادين خليت.... عيني... ينثر الموق ماها خليت. دمع العين يجري من العين من فوق ... وجناتي نزيفٍ.. كساها دمعات.... عيني كل ليلة..اتساقين لاشك.... ماينفع....عيوني... بكاها نبكي عليهم...من قلوبٍ....محازين و القلب... لوعات...الفراق اشتكاها نشكي على الله ماعلى الناس شاكين اللي...رفع... سبعٍ و سبعٍ.... دحاها يافهيد بامر الله على الخلق راضين اللي .... على غيره حكم في فناها وقارنت في حبي لكم حب الاثنين يابِعْد. عنكم... يافهد..... مستواها ابوي...ياخذ بي على المتن يومين ويلحق بي العزبات بأقصى ضماها يمشي بنا الوالد على اقدام. رجلين ومن شاننا..روس...الافاعي وطاها ولاصار مابالبيت.... شيٍ.... يغذين ارواحنا.... درّ.... العشاير.... غذاها كم... ليلةٍ... نشبع... يباتون مقوين و تترك... لنا الام.. الحنونه.. عشاها عليّ... يامظنون... عيني.. لهم دين ماتوا.. و نفسي.. مالحقت به مناها حقٍ.... علينا... نجزي الزّين. بالزّين يجزى. راع الحسنى بحسنى كماها البِرّ... ماهو... بس.. لاصار... حيين لو انّهم.... بلحودها..... في. رجاها مادامنا.... يافهيد... بالوجد حيين مانسى حقوق اللي حقوقي عطاها وجدي عليهم مير مافي يدي شين احكام ربّ. البيت... فينا... قضاها لو انتصوّر.... يافهد.... مابها. زين دنياك.... عفنا... يافهد.... ماوراها خانت هل الطاعات هم والسلاطين خوّانةٍ... ماعاد... تِحمى.... حماها ماكنّهم داجوا على القاع... ماشين ولا تقل داجوا يافهد... في وطاها جرّتهم... الدنيا على العسر و اللين وغصبٍ على القاسي يلين. لقساها عندي قريب وكنّهم من ورى الصين وياقريبهم... يافهيد لو هم. وراها في ماقعٍ مايقتضيبه راعي الديْن لاشاف به خصمه.. حقوقه نساها الموت سنة و البشر فيه... دارِين نفسٍ تموت و نفس. مقبل سراها شيٍ.. وكاد و ما مضى له براهين من خلقة...آدم لين تطوى سماها يالله. ياقابل... صلاة... المصلين يامنزل الحكمة... على من تلاها علّام... مايخفى و علّام. مايبين يامن جميع الخلق عينك.. تراها يامن خلقت آدم وحوّى من الطين و جمعتهم.. عقب الفراق و لقاها يارب... ياعدّال.. ميل.. الموازين يامنزلٍ... سورة.. تبارك و طاها يامنزلٍ.. سورة..تبارك و ياسين على النبي.. الهاشميّ...و قراها على النبي سيّد جميع... النبيين اللي جميع الخلق هو مصطفاها تجعل لهم في جنة الخلد تأمين و انّك... تذرّي... والدَيّ. بذراها وامواتنا و اموات كل المسلمين ارواحهم.. جعل النعايم اغطاها الشاعر / جازي بن مرجي السليمي الحربي
__________________
لا إله إلا أنت سبحانك إنّي كنت من الظّالمين |
|
|
| الذين يشاهدون محتوى الموضوع الآن : 2 ( الأعضاء : 0 , والزوار : 2 ) | |
|
|
العرض الشجري