اللحالي و عويض

[اللحالي]

وين انت ياللي تفهم المقصود لفهوم الشّفوق
ماهوب انا اللي يبدي المقصود من غيرشفقي

ياعـويّض الصّـيده من القنّاص قافيها لحوق
صارت مابين مرفرف الجنحان و لحوق سلقي

اللحالي الغيداني

ماني بخابرك البسيط و لنت بالنّظره سروق
بندقك عينن واحده والسّيف بيدك يبرقي

وان كانها بسواقة الموتر فلا مثلك يسوق
انشد لي اللي من ورى طخفه وساره وأبلقي

عويض الغيداني

لكنّ صيدتنا من أصداها تليماع البروق
منها نشوف البرق في كلّ المصايد يشرقي

واشوف فكري في بدايدها بنظراته رموق
ويقول وشهي حيلة اللي للجزايل يعشقي

اللحالي الغيداني

دار الحيا جنبه وكرهه لاهمز فيك الخفوق
لاتوكد توكّد على القناص حجن البندقي

يامشتهي يامستحي يالحرّ بالطبع الزّهوق
الكرّها من فرّها و الخرب ريشه ابرقي

عويض الغيداني

اللي يورّاله ببكّه ينتشي منها نشوق
اكيد من كثر الزّحام تشوف جسمه يعرقي

لكن ليا راحت علينا كيف نروى من غبوق
بين المحمّر والمنمّر و المذيّل بأزرقي

اللحالي الغيداني

اهل الحجاز وبكّه ادرى في شعبها والطروق
امّا الطّريق اللي يودّي غيرها - لاتفرقي

اسمع ثم اسمع لاتصدقني ترى ماني صدوق
كان اسفرت بيض الخشوف اللي وحش ماتدرقي

عويض الغيداني

محمية الغزلان في بحبوحه الله لا يعوق
بين الوحوش اللي بطبع الشّرّ كلّن محمقي

لكن ليا هبّت هبوبن تنقل المقناص فوق
ماهوب مرتاحن بها المعشوق واللي يعشقي

اللحالي الغيداني

محمية الغزلان ياجزاع هافيت العنوق
مالك بهاياسيّد الغابه طعام و لاسقي

خلّك من البحبوح واسمعني فديتك يامخلوق
وش راح من ملحك لها واللي لبحبوحك بقي

عويض الغيداني

ياعويض انت بوادين مافيه لشعيله علوق
و انا اتلفّت للبهم و اقول يمرح بربقي

اسمع ثم اسمع كلمتي ماني على الخافي ويوق
و اللي يريد مسابقي ماقول وش بعد اسبقي

اللحالي الغيداني

دوّر على اللي في شواكلها تبي تلقى مروق
وانحش عن الّي في نحرها الموت لشدوق الشقي

خـلّك مريح البال لا ينقال جزاع مخـفوق
يالمتّقي للشّرّ كان احـسـنت يالعبـد التّقي

عويض الغيداني

الله يجيب الغيث للمغتاث من مزنن حقوق
عشرين يومن مانشوف الشّمس والوبل رفقي

لعل من ينبي زبيره ينحدر فيه الغروق
و المسلم المؤمن لخوه اللي بوصفه يلتقي

اللحالي الغيداني

فارس الامواج معجب بهذا