حويّ ورويّ

[اللحالي]

يالهاشمي لو نطحن القمح برحيّ=ما نستفيد انفوعنا بالرّحيّا
يا بعد سرح حويّ عن مورد ارويّ=يفوق ما بين الثّرى والثّريا
وأنا يابو ريفه على مارد الميّ=ومظمي مع اللي من أوروده ظميّا
والا نفعني اخر الطّبّ بالكيّ=وأخاف من وقعي بأمرن فريّا
حاولت أسلّي خاطري في قوافيّ=وأقول يسلى خاطري بالقفيّا
مير الزّمن يطلبني الشي بالشيّ=وتكريره المطلوب ما هو شويّا
وأنا من المطلوب ماني بمعفيّ=فيه افهم اللي ليّ واللي عليّا
وأقول يا هاذيك خلّيك مع ذيّ=وتدارسن لغاتكن بالهذيّا
ترى كثير الصمت من جرحه النّيّ=ومعالج المجروح ما هو كذيّا
فقدتم الذّكره من الأبّ والخيّ=وشلون تخافون نضح الزّريّا
رزن العقول اللي تمادابه أسبيّ=يا مدوّرين ارفاه ماله رفيّا