ضيقةٍ في حناياي

[اللحالي]

ذكر الحيا جاني على دار مرباي=وأنا بدارٍ ما تعرف البداوه
تمشي بها العالم على غير مشهاي=روتين والروتين ما له طراوه
مع الشغل ديدن صباحي وممساي=وأشكي من الوحده وقل الفضاوه
أجر صوتي بالغناوي من أقصاي=لعلها تبرد لهيب الصلاوه
الشيب بيّن في طوارف ملحاي=والرأس به من جور وقتي قساوه
يالله ياللي بالدجى تسمع دعاي=يا منزل كتابك وفرض التلاوه
إنك تفرّج ضيقةٍ في حناياي= تسعر بصدري كنها عود جاوه
وترحم ديارٍ ذكرها حرّك أرجاي=وتعمها بالغيث من كل ناوه
لو كان وقتي ما مشى يمة رضاي=من حكمة الشايب خذيت القداوه
لا ضاقت الدنيا ترى حلوها جاي=ووقتك إن عيا لا يخاويك خاوه
‎ ‎‎ ‎ ‎ = ‎ ‎ ‎

للشاعر حمدان مخلد الغيداني

اصايل معجب بهذا