على الوفاء

[اللحالي]

ياالله تطوّل عمر ابويه وامّي=على الوفاء وهدايتك والطاعه
اللي غلاهم جارين في دمّي=لاتعب احد منهم يجيني راعه
ابوي اقول له سم وامّي سمّي=نفسي لطاعتهم قبل خضاعه
دايم جميع اعضاي تحسد فمّي=لا قبّلتهم نفسي الخضّاعه
رضاهم وطاعتهم اكبر همّي=خوفن من الله وبرضاه طمّاعه
على وفاهم لو انفّذ كمّي=مارد لو ربع الوفاء من صاعه
لكن احاول واجتهد واهتمّي=في برّهم جنه وخير بضاعه
معهم احس ان الشّمل ملتمّي =لعل موتي قبلهم لو ساعه
اخفض جناح الذّل لاغضو يمّي=رحمه واوامرهم عليّ مطاعه
معربن من راس خال وعمّي=حب الوفاء مزروع في زراعه
لبيه ياعمري يبويه وامّي=روحي فداهم والسمع والطاعه

الشاعر/ عوض بن عواض الغيداني

اصايل معجب بهذا