![]() |
#1 |
مالك الموقع
تاريخ التسجيل: May 2014
المشاركات: 6,533
|
![]() كتب الشّاعر علي عبد الله القبع الحربي ليا ضاق صدري رحت يمّ الغيادين=لهم محلٍّ للمسيِّر ينادي أهل هلا بالضّيف مبطي وهالحين=علمٍ عليه ثبوت ما هي دوادي عندي على قولي شهود وبراهين=من غير قاصر في صقور الهدادي منصى وملفى للرّجال الحشيمين=هذا الوكاد إن كان تبغى الوكادي مدلّهين الجار عن داني الأدنين=ومطوّعين الّلي براسه عنادي أفخر بربعي حرب سِقم المعادين=مسروح مع سالم كعام الأعادي اليوم وإلا يوم وقت الأكاوين=يوم إنّها ما بين صبح وهجادي حرب الحرايب ملحقين المخلّين=ربعي ذرايَه بالمواقف سَنادي وإليا حربنا بالمعارك عطيبين=بشغل الفرنجي والسّيوف الحدادي وإن لاح برق الوسم ننصاه عجلين=نرعى زماليقه بقطم التّوادي فوق المهار الّلي سواة الشّياهين=نحمى جَنَبْهَا في نهار الطّرادي بعد ثلاث الشهور وزود شهرين=ننكِف لديرتناعلى قران حادي وإن عوّدت للفعل والطّيب ثنتين=ثنتين مثل النّور يجلى السّوادي قصّة نويشي ما بقى له بها دّين=مشهورةٍ ما بين حضر وبوادي وقصّة دخيل الّلي تعلّت عن الشّين=قدّم حياته دون جاره مفادي رمزين أقدّمهن وهذي عناوين=والّلي يبي يسأل يجي لا يحادي وأثني على كلّ القبايل بنعمين=كلٍّ على حقّه يبوج الرّيادي واليوم سِلْمْ وعِلْمْ شرع وقوانين=الله يعزّ محصّنين البلادي الله يثبّتهم على الحقّ والدّين=بالعزّ والحكمة ليوم التّنادي ، ردّ الشّاعر / عويّض محمّد الغيداني يسلم لسانك يا علي حيّ هالعين=يا ممجّدن ربعه بجزل المبادي يمناك منها يفرحون المساكين=يوم الشّحيح يصرّهن بالأيادي ربعك هل الطّولات بالعسر والّلين=الجمع واحد والمصير اتّحادي ساس الرّدى في حرب ما له عناوين=طيب وكرم بحمول شهب الجيادي شهب الجياد الّلي تهزّ الميادين=يوم النّذير ويوم عصر الطّرادي من فوقها فرسان حرب المسمَّين=بسيوف ما تِزني بغير الثّنادي من روسهم عفتان شوق المزايين=دون الخويره بين روس الحمادي ولعيون بجدا وش حصل للمغيرين=نهار به راع اللّويصق يفادي من عقبها سمّوه يا علي باسمين=محمّد محمّدنا وبالرّوس زادي ونهار فيه اتشبّ روس الغلاوين=انذرّ بعيون الحريب الرّمادي فعلٍ على وضح النّقى يقضي الدّين=وليا حِلِمنا بالرّدى ما نعادي إليا عطوا حرب العطايا سلاطين=مخلوفةٍ وإلا عساها النّفادي حبّيت أجاري حضرتك بيت بيتين=معطّرات المسك مع ريح كادي
__________________
لا إله إلا أنت سبحانك إنّي كنت من الظّالمين |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
نقطه هامه بجسم الانسان | اللحالي | الصحه | 2 | 10-21-2016 11:05 AM |