06-26-2021, 12:51 AM
|
#1 |
|
مالك الموقع
تاريخ التسجيل: May 2014
المشاركات: 6,563
|
جموع المصلين
مطلوبه هنا و لمافيها من استفاده؟؟؟ قيل انه الشاعر بديوي الوقداني العتيبي رحمه الله : قال؟ ما عاد لي في تالي العـمـر حـاجـه إلا صـلاةٍ مـع جـمـوع الـمـصـلـين سـتـيـن عـام وكنـنـا في عجاجه نركض ورا الدنيا مع الناس لاهين راح الشباب وراح وقت ابتهـاجـه والشيب لاح بعارضي والكبر شين وبان الظهر لا قمت فيه انـعـواجـه وصار النظر مهب بعيدٍ عن الـعـين وقتٍ تساوى الصقر هو والدجاجه وترعى به الطليان بين الـسـراحين وقـتٍ بـه الـعـاقـل بـعـقلـه رجاجه واحـتـار مـابـيـن المره والوراعين وقـتٍ بـه الـنـسـوان دايـم دواجـه ركـبـن على الرجّـال ركب البعارين وقـتٍ رفـع قـدر الـغـني والخواجه وحط الضعيّف والفقير المسيكين وانصحك ياللي تستمع لي بحـاجه وتـرى الـنـصيحـه ماعليها تثامين لا تـنـشـد الـعـرّيـس لـيـلـة زواجـه بعد سنه قل أنت وينك وهي وين؟ وهرجٍ على غير النشامـا سـمـاجـه والـطـيـب مـايـنـفـع بناسٍٍ رديين والدين هو نور الـحـيـاة وسـراجـه والقبر هو صندوق الأعمال بعدين مـن طـاع ربـه.. كـل خـيـرٍ يـواجـه يـسـعـد بـهـالـدنيا ويوم الـمـوازين واشرب زلال الماء وجنّب هـمـاجـه واحرص على خوّة هل العلم والدين احفظ كـتاب الله و بـالـلـيـل نـاجـه وادالفروض الخمس والأجر خمسين والـوالـد. أرضـه لا تـكـدر.. مـزاجـه والوالده حقها على الراس و الـعـين واقـرأ صـحيح الترمذي وابن ماجه ومـن قـبـلـهـن أقر كتاب الصحيحين والـصـبـر مـفـتـاح الـكـرب وانفراجه ومـا قـدّر المولى على الناس راضين والـجـار لـه حًـقٍ ولـو. هـو. لـجـاجـه أوصى بـه اللي مـرسـلـه مالك الدين واحفـظ لسانك عن كلام الـخـمـاجـه واعـرف تـرا الـنـمـام في نار سـجـين ورفيقك الـطـيـب تـجـنـب إحـراجـه وإيـاك ظـلـم الـنـاس وايـا الـقـريبين ويـامـا حـلا قـبـل الـفـجـر وانبلاجـه صـلاة. تـال. الـلـيـل والناس نايمين والـخـتـم صـلـى الله عدد ما تواجـه لـيـل بـنـهـار وعـدَّ. مـاجـوا مـلـبـيـن عـلـى. نـبـيٍ.. خـصـه. الـلـه بـتـاجـه الـمـصـطـفـى خـيـر الـرسل والنبيين. كما وصلت لي؟؟
__________________
لا إله إلا أنت سبحانك إنّي كنت من الظّالمين |
|
|
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
| أدوات الموضوع | |
| انواع عرض الموضوع | |
|
|
العرض الشجري